ഏതോ നിദ്രതൻ ❣️ 5 [മനോരോഗി ഫ്രം മാടമ്പള്ളി] 109

” എന്തിനാടി കുരിപ്പേ കിണിക്കുന്നെ “?

ഞാൻ ദേഷ്യത്തിൽ ചോദിച്ചു…

” എന്തേ  എനിക്ക് ചിരിച്ചൂടെ, ഞാൻ ഇനീം ചിരിക്കും നീയെന്തോ ചെയ്യും “

അതും പറഞ്ഞ് അവൾ വീണ്ടും ചിരി തുടങ്ങി…

” എടീ ഈ നശിച്ച ചിരി ഒന്ന് നിർത്തീട്ട്  വന്ന കാര്യം പറഞ്ഞേച്ചും പോ എനിക്ക് കൊറച്ച്നേരം ഉറങ്ങണം “

ഞാൻ കുറച്ചു വിനീതനായിട്ട് പറഞ്ഞു…

” ഏഹ്, ” ” നേരം ഇരുട്ടീട്ട് കൂടെയില്ല അപ്പഴേക്കും ഉറങ്ങാൻ പോവാണോ? “

അവൾ ഊറിചിരിച്ചുകൊണ്ട്  ചോദിച്ചു…

” എടീ  നല്ല തലവേദന അതുകൊണ്ടാ ഉറങ്ങണം എന്ന് പറഞ്ഞെ “

അതും പറഞ്ഞ് കട്ടിലിലേക്ക്  കിടന്നു…

കുറച്ച്നേരം ശബ്ദം ഒന്നും കേൾക്കാണ്ടായതോടെ പിശാശ് പോയെന്നുവിചാരിച്ച് തിരിഞ്ഞ് നോക്കിയ എനിക്ക് തെറ്റി….

അവൾ ഞാൻ എഴുന്നേൽക്കുന്നതും കാത്തിരിക്കുന്നു….

” ഉറക്കം കഴിഞ്ഞോ? “

അവൾ സംശയത്തോടെ ചോദിച്ചു… ?

” അത്പിന്നെ  കുറച്ച് വെള്ളം കുടിക്കാൻ എഴുന്നേൽക്കുവാരുന്നു ” ” അപ്പഴാ നീ ഇവിടെ ഇരിക്കുന്നത് കാണുന്നെ “

ഞാൻ വായിൽ വന്ന കള്ളം തട്ടിവിട്ടു…