എന്റെ ശിവാനി 4❤[anaayush] 248

പിറ്റേന്ന് രാവിലെ തന്നെ ശിവയും വിച്ചുവും കൂടി അമ്പലത്തിൽ പോയി തൊഴുത് വന്ന് റെഡി ആവാൻ തുടങ്ങി.

 

“കുഞ്ഞു എന്റെ കമ്മൽ ഒരെണ്ണം എവിടെ???? കാണുന്നില്ലല്ലോ…”

 

“ഇതാണോ ശിവാ…..” അച്ചുവായിരുന്നൂ.ശിവ കൊടുത്ത ലഹൻഗ തന്നെയായിരുന്നു അവള് ധരിച്ചിരുന്നത്.

 

“കുഞ്ഞു…ഞാൻ നിന്നോടാ ചോദിച്ചത്…..”

 

“എന്നോട് പിണക്കമാണോ….”

 

“എനിക്കും പിണങ്ങാനൊക്കെ അറിയാമെന്ന് പറയ് കുഞ്ഞു….”

 

“ആഹ് ബെസ്റ്റ്….എന്തിനാ ഇതൊക്കെ എന്നോട് പറയുന്നെ…ഒന്ന് പോ ചേച്ചി…കൊച്ചു കുഞ്ഞുങ്ങളെ പോലേ….”

 

“ശിവ സോറി….”

 

“എനിക്കാരുടെയും സോറി വേണ്ടാ….നിനക്ക് മാത്രമല്ല എനിക്കും അറിയാം അത് പോലെ ചെയ്യാൻ….”

 

“സോ സോറി…നീ എൻഗേജ്മെന്റിന്റെ തിരക്കിൽ അല്ലാർന്നോ അതാ ഞാൻ….”

 

“ഇങ്ങ് വാടി….നിനക്ക് ഞാൻ വച്ചിട്ടുണ്ട്…ഇൗ നിശ്ചയം ഒന്ന് കഴിഞ്ഞോട്ടെ….”

 

“മക്കളെ ഒരുക്കം ഒന്നും കഴിഞ്ഞില്ലേ ഇതുവരെ…..ഇതെന്താ ശിവ ഇൗ ലഹങ്ക അല്ലല്ലോ വിച്ചു സെലക്ട് ചെയ്തത്.”

 

“അയ്യോ എന്റെ അമ്മ കുട്ടി….അത് എനിക്ക് ഇച്ചിരി ഇറുക്കം പോലെ…പിന്നെ കളറും ചേരാത്തത് പോലെ….അതൊണ്ട് ഞാനും കുഞ്ഞുവും ലഹങ്ക എക്സ്ചേഞ്ച് ചെയ്തു”

 

“ഹം…എന്തായാലും മൂന്നാളും സുന്ദരികൾ ആയിട്ടുണ്ട്…പക്ഷേ അച്ചു ആണുട്ടോ മുന്നിൽ.”

 

“ദേ നോക്കിയേ ചേച്ചീ…ഇപ്പൊൾ നമ്മളെ ഒക്കെ കണ്ടൂടാ…”

 

“രാജി നീ ഇവിടെ നിൽക്കുവാണോ…താഴെ അവരൊക്കെ നിന്നെ അന്വേഷിക്കുന്നുണ്ട്… പിന്നെ പവി എത്തിയിട്ടുണ്ട്….” ശങ്കരൻ പറഞ്ഞു.

 

“പവിയോ….എന്തിന്… ആര് പറഞ്ഞിട്ട് …”

 

“നിന്റെ അമ്മയോട് തന്നെ ചോദിക്ക്…എനിക്ക് യാതൊരു വിധ പങ്കും ഇല്ല….”

 

“മോളേ അത് ഞാൻ….എനിക്ക് വാശിയായിരുന്നു പവീടെ കല്യാണത്തിന് മുൻപ് നിന്റെ നടത്തണം എന്നത്…ഇപ്പൊൾ അവന്റെ നിശ്ചയത്തിന് മുന്നേ എന്റെ കുട്ടിയുടെ നടക്കാൻ പോകുവാ….അത് അവൻ കാണാമെന്ന് എനിക്ക് തോന്നി…..”

 

ശിവ എന്ത് പറയണമെന്നറിയാതെ കുഴങ്ങി.ശങ്കരനെ നോക്കിയപ്പോൾ ഒന്നും ചെയ്യാൻ കഴിയില്ലെന്ന് ആംഗ്യം കാണിച്ചു.

 

“എന്റെ ചേച്ചീ നീ അത് വിട്ട് കള. പവി വന്നിട്ട് പോട്ടേ…പിന്നെ ദുൽഖർ സൽമാനേ പോലെ ഒരു സ്വീറ്റ് റിവഞ്ച് നടത്താം നിനക്ക് എങ്ങിനെ????”

 

അപ്പോഴാണ് അമ്മു അങ്ങോട്ട് വന്ന് താഴേക്ക് ചെല്ലാൻ പറഞ്ഞത്.ഒരു നിമിഷം തിരിഞ്ഞ് നടന്നെങ്കിലും പിന്നീട് തിരികെ വന്നു.

 

“ശിവ….നീ സുന്ദരി ആയിട്ടുണ്ട്…”

 

“താങ്ക്സ് അമ്മു…ആൻഡ് യു ഓൾസോ ലുക്കിംഗ് സൂപർബ്…”

 

“ഇത് കുട്ടേട്ടൻ സെലക്ട് ചെയ്ത സാരിയാ…”

 

അത് കേട്ടതും ശിവയുടെ മുഖം മങ്ങുന്നത് ശങ്കരൻ ശ്രദ്ധിച്ചു.

 

“മതി കിന്നാരം പറഞ്ഞത്…താഴോട്ട് വാ…എല്ലാവരും….”

 

“””””””