എന്റെ ശിവാനി 4❤[anaayush] 248

“ശിവ…..എന്ത് ഉറക്കവാ മോളേ ഇത്….സമയം എത്രയായി വച്ചിട്ടാ…എല്ലാവരും കഴിച്ച് കഴിഞ്ഞ് കിടക്കാൻ പോയി….നിനക്ക് ഒന്നും വേണ്ടേ…

 

നേരത്തെ വന്ന് വിളിച്ചപ്പോൾ ദേ വന്നുന്ന് പറഞ്ഞ ആളാ….പിന്നേം ഉറക്കത്തിൽ തന്നെ…. എഴുനേൽക്ക് മോളേ…പോയി വല്ലതും കഴിക്ക്‌…..”

 

“എനിക്ക് വേണ്ടാ അമ്മാ…..തീരെ വിശപ്പില്ല…അമ്മ പോയി കിടന്നോ…ഞാനും ഉറങ്ങട്ടെ….”

 

“ഇത്രേം നേരം ഉറങ്ങിട്ടും മതിയായില്ലല്ലേ…. മ്മ്‌..ഉറങ്ങിക്കോ….”

 

“മ്…..”

 

“നീ കിടന്നോ…പിന്നെ നാളെ നേരത്തെ എഴുന്നേൽക്കണം.അച്ഛനും കുഞ്ഞുവുമെല്ലാം രാവിലെ തന്നെ എത്തുമെന്നാ പറഞ്ഞിരിക്കുന്നേ

 

അപ്പൊൾ ഒകെ മോളേ ഗുഡ് നൈറ്റ്….”

 

രാജി പോയതിന് ശേഷം ഫ്രഷ് ആയി വന്ന ശിവ പുറത്തേക്കിറങ്ങി ബാൽക്കണിയിൽ പോയി നിന്നു.അവളുടെ കണ്ണുകൾ നെൽപ്പാടങ്ങളുടെ വിദൂരതയിലേക്ക് ചെല്ലുമ്പോഴും ഇടക്കിടെ ദൃഷ്ടി കുട്ടന്റെ മുറിയിലേക്ക് പൊയ്ക്കൊണ്ടിരുന്നു.

 

“ടീ………”

 

ഒട്ടും പ്രതീക്ഷിക്കാത്ത വന്ന അലർച്ച ആയതുകൊണ്ട് ശിവയൊന്ന് ഞെട്ടി.തിരിഞ്ഞുനോക്കിയപ്പോൾ തന്റെ മുന്നിൽ നിൽക്കുന്ന ആളെ കണ്ട് അവള് ആശ്ചര്യത്തോടെ നോക്കി.

 

കുട്ടനായിരുന്നു….കയ്യിലുണ്ടായിരുന്ന ബിയർ ബോട്ടിൽ മൊത്തമായും വായിലേക്ക് കമിഴ്ത്തി കൊണ്ട് അവൻ ശിവക്കഭിമുഖമായി ചെന്ന് നിന്നു.

 

“കല്യാണ പെണ്ണിനെന്താ ഇൗ അസമയത്ത് ഇവിടെ കാര്യം??????? ഇനിയെങ്ങാനും കല്യാണ ചെറുക്കൻ വരാമെന്ന് പറഞ്ഞിട്ടുണ്ടോ….”

 

അവന്റെ വായിൽനിന്നും വന്ന മദ്യത്തിന്റെ രൂക്ഷഗന്ധം അവളുടെ മൂക്കിലേക്ക് ഇരച്ചുകയറിയതും അവള് വെറുപ്പോടെ മുഖം തിരിച്ചു.അത് കണ്ടതും അവന്റെ ദേഷ്യം ഇരട്ടിച്ചു.

 

ഇടതു കയ്യിൽ ഉണ്ടായിരുന്ന ബിയറിന്റെ ബോട്ടിലെ നിലത്ത് വച്ച് ശിവയുടെ കൈകൾ ബലമായി പിടിച്ച് പിന്നിലോട്ടാക്കി നിർത്തി.വേദനകൊണ്ട് പുളയുന്ന അവളെ കണ്ടില്ലെന്ന് നടിച്ച് അവൻ തുടർന്നു.

 

“എന്താടി….പുല്ലേ….നിനക്കിപ്പോൾ എന്നെ പിടിക്കുന്നില്ല അല്ലേ…

 

അല്ല നിന്നെ പറഞ്ഞിട്ടും കാര്യമില്ല…. നല്ല പണക്കാരനും സമൂഹത്തിൽ കുറച്ച് നിലയും വിലയുമുള്ള ഒരു പയ്യനെ കണ്ടപ്പോൾ നിന്റെ കണ്ണ് മഞ്ഞളിച്ചു അത്ര തന്നെ.

 

എന്നാലും എന്റെ സംശയം അതല്ല….നിന്റെ എക്സ് കാമുകന് ഇതൊക്കെ ഉണ്ടായിരുന്നതാണല്ലോ…പിന്നെ എന്തിനാ നീ അവനെ തേച്ചത്…..”

 

അത്രയും നേരം കുട്ടന്റെ കൈകളിൽ നിന്നും തന്റെ കൈ വിടുവിക്കാൻ ശ്രമിച്ചുകൊണ്ടിരിക്കുന്ന ശിവ കുട്ടന്റെ പരിഹാസം കേട്ടതും മുഖമുയർത്തി വിശ്വാസം വരാത്തരീതിൽ അവനെ തന്നെ നോക്കി നിന്നു.

 

“ഓ….അവനെ നീ വിട്ടുകളഞ്ഞതല്ലല്ലോ…. നിന്റെ സ്വഭാവഗുണങ്ങൾ കൊണ്ടവൻ ഇട്ടേച്ച് പോയതല്ലേ….”

 

“ഇനഫ് ഈസ് ഇനഫ്….സൂക്ഷിച്ച് സംസാരിച്ചാൽ മതി….”ഒരു താക്കീത് എന്നോണം ശിവ പറഞ്ഞുനിർത്തി.

 

“ഓ…. പിന്നേ….നീയെന്താ എന്നെ പിടിച്ച് വിഴുങ്ങുവോ…ഞാൻ പറഞ്ഞതിൽ എന്ത് തെറ്റാ ഉള്ളേ…എല്ലാം സത്യം തന്നെയല്ലേ…എന്നിട്ടും അവളുടെ ഒരു അഹംകാരം…

 

രാവിലെ അറിയാതെ ഒന്ന് ഉമ്മ വച്ചപ്പോൾ നീ ഓടി പോയില്ലേ….എന്നൽ ഇപ്പൊ അറിഞ്ഞോണ്ട് ഉമ്മ വക്കുവാ ഓടി പോകാൻ പറ്റുവോ നോക്ക്….”

 

“കുറ്റെട്ടാ… പ്ലീസ്…..”

 

മറുത്തൊന്നും പറയാനാകാതെ ശിവ പൊട്ടി പൊട്ടി കരഞ്ഞു.അവളുടെ ഓരോ കണ്ണുനീർ തുള്ളിയും കാരമുള്ള് താഴ്ന്നിറങ്ങുന്നത് പോലെ അവന്റെ ഹൃദയത്തില് ചെന്ന് പതിച്ചു.

 

ഒരു പേമാരി പോലെ പെയ്തിറങ്ങുന്ന തന്റെ കണ്ണുനീരിനെ പിടിച്ചു നിർത്താനാകാതെ ശിവ തന്റെ മുറിയിലേയ്ക്ക് നടന്നു നീങ്ങി.

 

ശിവ പോകുന്നതും നോക്കി നിന്ന കുട്ടന്റെ കണ്ണുകളും ഈറനണിഞ്ഞു.നിലത്ത് വച്ചിരുന്ന കുപ്പിയുമെടുത്ത് അവൻ റൂമിലോട്ട് പോയി.കുടിച്ച് കുടിച്ച് സ്വബോധം നഷ്ടപ്പെടുമ്പോഴും അവന്റെ നാവിൽ ഒരേയൊരു പേര് മാത്രമേ ഉണ്ടായിരുന്നുള്ളൂ

 

ശിവ……!!!!!!!!

 

“””‘”””