എന്റെ പ്രണയം

             Author : Cyril

            [Other Stories]

ഞാൻ കണ്ട എത്രയോ പുഞ്ചിരികൾ എന്നെ സ്വാധീനിച്ചില്ല…. പക്ഷേ ആദ്യമായി ഞാൻ പഠിക്കുന്ന ക്ലാസ്സില്‍ നി കടന്ന് വന്നപ്പോൾ പൊതുവായി നി വിതറിയ ആ പുഞ്ചിരി എന്നെ വീഴ്ത്തി….,,,

പതിനാല് വയസ്സിലും പ്രേമം ഉണരുമെന്ന് അന്ന് ഞാൻ മനസ്സിലാക്കി….,,,,

കല എന്ന് കേട്ടാലും, കണ്ടാലും — അതിനെ കളിയാക്കി മാത്രം ചിരിച്ചിരുന്ന ഞാൻ, ആ വർഷത്തെ കലോത്സവം കണ്ട് ആരാധനയോടെ  നി നൃത്തം ചെയ്തിടത്ത് ആരും കാണാതെ മൂക്കും കുത്തി ഞാൻ വീണു…..,,,,

നൃത്തവും – തുള്ളി ചാട്ടവും, ഗാനവും – കൂവലും തമ്മിലുള്ള വിത്യാസം പോലും അറിയാത്ത ഞാൻ, നിന്റെ കടുത്ത ആരാധകനായി മാറി……,,,

ഒരിക്കല്‍ പോലും വിട്ടുമാറാത്ത നിന്റെ പുഞ്ചിരിയെ മാത്രമല്ല — നിന്നെയും ഞാൻ പ്രണയിക്കാൻ തുടങ്ങി…..,,,,,,

എന്റെ പരുക്കന്‍ ഹൃദയം നിനക്ക് വേണ്ടി അലിഞ്ഞു. ഒരിക്കലും വിട്ടുമാറാതിരുന്ന എന്റെ ഗൗരവ നോട്ടം നിനക്കായ് ഉതിര്‍ന്നു…., സിംഹത്തിന്റെ മുഖഭാവം മാറി ഇന്ന്‌ ജനിച്ച നായ് കുട്ടിയുടെ മുഖഭാവം കൈവന്നു…….,,,,,

മൂളിപ്പാട്ട് കഴുത ഹൃദയം ഉള്ളവര്‍ക്ക് പറഞ്ഞിട്ടുള്ളതാണ് എന്ന് സ്ഥാപിച്ചിരുന്ന ഞാൻ, എന്റെ ഉള്ളിന്റെ ഉള്ളില്‍ മൂളിപ്പാടി……,,,

ഇടക്കൊക്കെ നീയെന്നെ പാളി നോക്കുന്നതിന്‍റെ പൊരുള്‍ —ഭയം കാരണമോ സ്നേഹം കാരണമോ — എന്നൊന്നും മനസ്സിലാവാത്ത എന്റെ ഹൃദയം തേങ്ങി……,,,,

നിന്റെ സുരക്ഷയ്ക്ക് വേണ്ടിയാണോ, അതോ ആ പതിനഞ്ചു നിമിഷം കൂടി നിന്റെ അടുത്ത് ഉണ്ടാവണം എന്ന കൊതി കൊണ്ടാണോ എന്ന് മനസ്സിലാവാതെയാണ് നിന്റെ വീട് വരെ എന്നും നിന്നെ ഞാൻ പിന്തുടർന്നത്…..,,,

അപ്പോഴും നീയെന്നെ പാളി നോക്കുക മാത്രമാണ് ചെയ്തത്….,,,,

നിനക്കെന്നെ ഇഷ്ടമാണൊ എന്നറിയാതെ ഞാൻ എപ്പോഴും ഒറ്റക്കിരുന്ന് വിതുമ്പി…….,,,,

നിന്നോട് തുറന്ന് ചോദിച്ചാൽ — എന്നെ വേദനിപ്പിക്കുന്ന ഉത്തരം ലഭിക്കും എന്ന ഭയം കാരണം ഞാനൊരു മൗന കാമുകനായി മാറി തീര്‍ന്നു…..,,,

നീയെന്റെ മനസില്‍ കടന്ന് കൂടിയിട്ട് മൂന്ന് കൊല്ലം കഴിയാറായിട്ട് പോലും നി എന്നോട് സംസാരിച്ചില്ല…….,,,

എന്റെ സ്നേഹം നി മനസ്സിലാക്കി എന്ന് നിന്റെ കണ്ണുകള്‍ മാത്രം പലപ്പോഴും മൊഴിഞ്ഞതായി തോന്നി……,,,

എന്നെ കാണുമ്പോൾ എല്ലാം പുതിയ ഒരു പ്രത്യേകതയുള്ള പുഞ്ചിരി നി എനിക്ക് സമ്മാനിക്കുന്നത് പോലെയും എനിക്ക് തോന്നി……,,,,

നിന്റെ കണ്ണുകൾ കൊണ്ട്‌ നി എന്തോ പറയാൻ ശ്രമിക്കുന്നത് പോലെയും എനിക്ക് തോന്നാന്‍ തുടങ്ങി……,,,

പക്ഷേ ഒരിക്കല്‍ പോലും നി എന്നോട് സംസാരിച്ചില്ല…….,,,

അതോ ഞാൻ വന്നു നിന്നോട് സംസാരിക്കാത്തത് കൊണ്ടാണോ……?