എന്റെ ചട്ടമ്പി കല്യാണി 4 [വിച്ചൂസ്] 198

“ഡാ മതിയട നിന്റെ കൊലച്ചിരി ” അവന്റെ ചിരി കണ്ടിട്ടു എനിക്ക് വിറഞ്ഞു കേറാൻ തുടങ്ങി… പട്ടി കുറെ നേരം ആയി….എന്റെ വരവ് കണ്ടതും അവൻ ചിരി നിർത്തി.

“എന്താടാ കിണ്ണിക്കുന്നില്ലേ??”

“ഓരോന്ന് ആലോചിച്ചു ചിരിച്ചു പോയതാടാ “

“ഇപ്പോ എന്താണാവോ സർ ആലോചിച്ചത്??”

“കുറച്ചു മുൻപ് അവളെ കണ്ടപ്പോ പിരിവെട്ടി നിന്ന നീയാണോ മോനുസേ അഹ് പെണ്ണിന്റെ പിന്നാലെ പോകാൻ നിൽക്കുന്നത് “

കാര്യം ലവൻ പറഞ്ഞത് ശെരിയാ ഭദ്രകാളിയെ പോലെ അല്ലേ അവളൂടെ നിൽപ്പു എന്തെങ്കിലും മിണ്ടാൻ പറ്റുവോ… പക്ഷേ ഇനി എനിക്ക് അഹ് ഭദ്രകാളിയെ മതി…. എനിക്ക് ഉറപ്പാ അഹ് ഭദ്ര കാളിയുടെ ഉള്ളിൽ ഒരു ദേവി രൂപം ഉണ്ട്…

“ഡാ ഇനി എന്താ പ്ലാൻ???” ഹരിയാണ്.

അവൻ പറഞ്ഞപോഴാ ഞാനും അത് ആലോചിച്ചത്….

“നീ അച്ഛനെ വിളിക്കു എന്നിട്ടു എവിടെ ഉണ്ടന്ന് ചോദിക്കു രണ്ടു പേരും..നമ്മുക്ക് പോയി നോക്കം.. “

അവൻ ഫോൺ ചെയ്യാൻ തുടങ്ങി ഞങ്ങളോടെ അച്ഛന്മാരെ പറ്റി പറഞ്ഞില്ലാലോ…??എന്റെ അച്ഛൻ അനിൽ… ഹരിയുടെ അച്ഛൻ കുട്ടൻ രണ്ടുപേരും അടുത്ത കൂട്ടുകാർ ആണ്… ഒരു ചെറിയ തട്ടുകടയിൽ തുടങ്ങി ഇന്ന് സിറ്റിയിൽ പല ഇടത് ആയിട്ട് ഹോട്ടലുകൾ ഉണ്ട്…. പിന്നെ ചെറിയ കൺസ്ട്രക്ഷൻ വർക്കസും ഞങ്ങൾക്ക് രണ്ടുപേർക്കും ഇതിൽ ഒന്നും താല്പര്യമില്ലാത്തത് കൊണ്ട് തല ഇടാറില്ല…

“വിച്ചുവെ അവര് ഹോട്ടലിൽ ഉണ്ട് അങ്ങോട്ടു ചെല്ലാൻ പറഞ്ഞു…. എന്നാ നമ്മുക്ക് പോവാം???”