എന്റെ ചട്ടമ്പി കല്യാണി 3

Author : വിച്ചൂസ്

 

തുടരുന്നു….

 

ഞാൻ : “എവിടെ വച്ച കാണാമെന്നു പറഞ്ഞേ…??”

 

ഹരി : “മ്യൂസിയം…”

 

ഞാൻ : “കൊള്ളാം തൊട്ടു അടുത്ത് പോലീസ് സ്റ്റേഷൻ കൂടെ ഉണ്ട്… പിടിച്ചാൽ ഇറക്കാൻ ആരേലും സെറ്റ് ചെയ്തു വച്ചോ…”

 

ഹരി : “അങ്ങനെയൊകെ സംഭവിക്കുവോ???”

 

ഞാൻ :’ചിലപ്പോൾ പറയാൻ പറ്റില്ല…പിങ്ക് പോലീസ് ഉള്ള സ്ഥലം ആണ്…. നീ വാ നോക്കാം.”

 

ഹരി : “എന്നാ പോവാം ഞാൻ എങ്ങനെ ലുക്ക്‌ അല്ലേ. ”

 

ഞാൻ :”എന്റെ അത്ര ഇല്ല.”

 

ഹരി : “തന്നെ…. ഞാൻ സഹിച്ചു കേട്ട..”..

 

ഞാൻ :”ആയിക്കോട്ടെ.”

 

അവന്റെ റൂമിൽ നിന്നു നേരെ ഹാളിൽ ചെന്നപ്പോൾ ശ്രീതു ഏതോ ബുക്ക്‌ വായിക്കുവാ പെണ്ണ് ഡിഗ്രി ഫസ്റ്റ് ഇയർ ആണ്…

 

ഞാൻ : “ശ്രീതു മോളെ കഴിച്ചോ നീ???”

 

ശ്രീതു : “കഴിച്ചു ഏട്ടാ… അച്ഛമ്മക്ക് സുഖം ആണോ…. കണ്ടിട്ടു കുറച്ചു ആയി.”

 

ഞാൻ : “അച്ഛമ്മക്ക് സുഖം… ഇടക്ക് നിന്നെയും അനേഷിക്കും നോക്കട്ടെ പറ്റുമെങ്കിൽ ഇന്ന് വൈകിട്ട് കൊണ്ട് വരാം.”

 

ശ്രീതു :”മം ശെരി…

അല്ല പാച്ചുവും കോവാലനും എങ്ങോട്ടാ…??”

 

ഹരി : “പെണ്ണ് കാണാൻ എന്തെ നീ വരുന്നോ…!”

 

ശ്രീതു : “ദേവിക ചേച്ചി ആയിരിക്കും…!”

 

അതുകേട്ടപ്പോ ഹരി ഒന്ന് ഞെട്ടി എന്നെ നോക്കി ഞാൻ ഒന്ന് ഇളിച്ചു കാണിച്ചു അവൾ ഇത് അറിഞ്ഞിട്ടുണ്ടേൽ എന്റെ വായിൽ നിന്നു ആകുമെന്നു അവനു അറിയാം

 

ഹരി : “ഡാ നാറി നീ അവളോട് പറഞ്ഞല്ലേ.”

 

ഞാൻ : “പറ്റിപ്പോയി ഒരു ദുർബലനിമിഷത്തിൽ നീ ക്ഷമി…”

 

ഹരി : “ഡാ പന്നി നിന്നെ…..”

 

അപ്പോഴേക്കും ലവൻ പറയാൻ വന്നത് നിർത്തി ശ്രീജമ അടുക്കളയിൽ നിന്നു വന്നു അത്കൊണ്ട് രക്ഷപെട്ടു….