എന്റെ ചട്ടമ്പി കല്യാണി 14[വിച്ചൂസ്] 305

ദേവു : “ഹരിയേട്ടൻ കവിതാരചനക്ക് മത്സരിക്കാറില്ലേ.. ”

 

ഞാൻ : “ഇവന്റെ വാക്കുകൾ അവർക്കു മനസിലായി എന്ന് വരില്ല… അത് കൊണ്ട് മത്സരിക്കാറില്ല…അതുകൊണ്ട് ഇവന് ഗപ്പ് ഒന്നും കിട്ടിയില്ല ”

 

വെങ്കി :”ഇവര് കാരണമാ ഞാൻ പിന്നെ എല്ലാം എൻജോയ് ചെയ്യാൻ തുടങ്ങിയത്… എന്നെ മാറ്റിയത് ഇവരാണ് ”

 

ദേവു : “അത് ശെരിയാ… അത് ഇപ്പോൾ എനിക്ക് മനസിലാവുന്നുണ്ട്…”

 

ഹരി : “എങ്ങനെ ”

 

ദേവു : “ഇവിടെ ഒരാൾ സ്നേഹിക്കാൻ തുടങ്ങിയതിൽ.. പിന്നെ ഇടക്കൊക്കെ കണ്ണാടി നോക്കി സംസാരിക്കുന്നു… പാട്ടു പാടുന്നു….ഒറ്റക്ക് ചിരിക്കുന്നു ”

 

അവൾ ഉദേശിച്ചത് കല്ലുവിനെ ആണ്… ഞാൻ നോക്കുമ്പോൾ പെണ്ണ് ചമ്മി ഇരിക്കുന്നു

 

കല്ലു : “ഇവൾ ചുമ്മാ പറയുന്നതാ… ”

 

ദേവു : “ഉവ്വ….നേരത്തെ ഇവൾ വിച്ചേട്ടേനെ നോക്കി കോക്രി കാണിച്ചു… ഞാൻ ആദ്യം ആയിട്ട ഇവൾ ഇങ്ങനെ കാണിക്കുന്നത് കണ്ടത്.. പെണ്ണിന് നല്ല മാറ്റം ഉണ്ട് ”

 

ഇപ്പോൾ പെണ്ണ് ശെരിക്കും ചമ്മി നാറി… ഇടക്ക് എന്നെ നോക്കുന്നുണ്ട്… സാരമില്ല ചട്ടമ്പി ഇങ്ങനെ ചമ്മുന്നത് കാണാൻ നല്ല രസമുണ്ട്….

 

വെങ്കി : “അതൊക്കെ വിട്… കല്ലു ഒരു പാട്ടു പാട് ”

 

കല്ലു : “ഇവൾ ചുമ്മാ പറഞ്ഞതാ ഏട്ടാ… ഞാൻ അങ്ങനെ പാടാറില്ല ”

 

ഞാൻ : “ഡാ അവൾക്കു തോന്നുമ്പോൾ പാടട്ടെ… പാവം കൊച്ച് ”

 

വെങ്കി : “എന്താ സപ്പോർട്ട്… എന്നും വേണം ഇത് പോലെ… ”