എന്റെ ചട്ടമ്പി കല്യാണി 14[വിച്ചൂസ്] 305

ദേവു : “എന്നിട്ടു അഹ് പെണ്ണ് എന്തിയെ ”

ഹരി : “അവള് കെട്ടിപ്പോയി ”

ദേവു : “ആരെ ”

വെങ്കി : “ആരാണ്ടെയോ… അതായിരുന്നു… തുടക്കം… ഞങ്ങൾ പിന്നെ ഒരു ടീം ആയി.. ഞാൻ പിന്നെ തറവാട്ടിൽ നിന്നും താമസം മാറ്റി വിചുവിന്റെ കൂടെ ആയി താമസം.. ”

ഞാൻ : “അതുകൊണ്ട് എന്താ… എന്റെ അച്ഛനും അമ്മക്കും… എന്നെയും ഹരിയേയും പോലെ ഇഷ്ടം ഇവനെ തന്നെയാ.. അമ്മയുടെ പല പാചക പരീക്ഷണങ്ങൾ….ഇവനിലൂടെ ആണ്..”

ഹരി : “കഴിക്കുന്ന ഭക്ഷണത്തിന്റെ പ്രാക്‌ കൊണ്ടാവും ഒന്നും ദേഹത്തു കാണുന്നില്ല…”

വെങ്കി : “അച്ഛനും അമ്മയും പിന്നെ നാട്ടിൽ സെറ്റിൽ ആയെങ്കിലും.. എനിക്കു അത്ര അറ്റാച്ച്മെന്റ്റ് ഇല്ല.. ഇവരന്മാര് ഇടക്ക് വിളിക്കുന്നത് കാണാം പക്ഷെ എനിക്ക് എന്തോ പറ്റുന്നില്ല ”

കല്ലു : “അത് പാടില്ല ഏട്ടാ എന്തായാലും അച്ഛനും അമ്മയും അല്ലെ… ”

വെങ്കി : “അറിയാം കല്ലു… പക്ഷെ എന്തോ പറ്റുന്നില്ല.. ചിലപ്പോ ആഗ്രഹിച്ചപ്പോൾ കിട്ടാത്തത് കൊണ്ടാവും.. എനിക്ക് പക്ഷെ ഇവരില്ലേ.. അതുമതി.. ഏതു പാതിരാത്രി വിളിച്ചാലും….ഏതു അപകടത്തിൽ പെട്ടാലും.. ഒരു വിളിക്കു അപ്പുറം ഇവർ ഉണ്ട്.. അതുമതി എനിക്ക് ”

ദേവു : “ഈ കഥ എഴുത് എപ്പോൾ തുടങ്ങി”

ഹരി : “ഇവൻ ക്ലാസ്സിൽ നിന്നും ചാടാൻ വേണ്ടി ഒരിക്കൽ കഥ രചനക്ക് പേര് കൊടുത്തു.. എന്നിട്ടു… നേരെ പോയി എന്തോ എഴുതി… പക്ഷെ അത് അങ്ങ് കേറി ക്ലിക്ക് ആയി… അങ്ങനെ ഇവൻ കഥകാരനായി ”