എന്റെ ചട്ടമ്പി കല്യാണി 14[വിച്ചൂസ്] 305

ഹരി : “എന്തെ ഇത്ര പെട്ടന്നു… ”

ഞാൻ : “പോണം.. ഇന്നലെ വിളിച്ചവൻ ആരാന്നു കണ്ടു പിടിക്കണം.. കുറച്ചു ദിവസം കഴിഞ്ഞ കല്ലു അങ്ങോട്ടു തന്നെ വരുമാലോ… അതുകൊണ്ടാ ”

വെങ്കി : “അത് ശെരിയാടാ.. കല്യാണിയെയും… നിന്നെയും ഒരുമിച്ച് കണ്ട ഉറപ്പായും… അവൻ റിയാക്ട് ചെയ്യും..അതിനു പറ്റിയത് നമ്മടെ സ്ഥലം തന്നെയാണ്.. ”

ഹരി : “എപ്പോ പോകാം ”

ഞാൻ : “നാളെ രാവിലെ വിടാം.. എന്തു പറയുന്നു ”

വെങ്കി : “എനിക്ക് ഓക്കേ ”

ഹരി : “എനിക്കും ഓക്കേ ”

ഇടക്ക് ഞാൻ കല്യാണിക്കു മെസ്സേജ് ചെയ്തു പോകുന്നതിനെ പറ്റി… പക്ഷേ അവൾ മെസ്സേജ് കണ്ടിട്ടും റിപ്ലൈ തന്നില്ല… സമയം നീങ്ങി കൊണ്ടിരുന്നു… ഞാൻ വൈകിട്ടു… കല്യാണിയുടെ.. അച്ഛനെ പോയി കണ്ട് ഞങ്ങൾ പോകുന്നതിനെ പറ്റി സംസാരിച്ചു… പുള്ളിക്ക് വേറെ അഭിപ്രായങ്ങൾ ഒന്നുമില്ലായിരുന്നു… അവിടെ വച്ചു ഞാൻ കല്യാണിയെ കാണാൻ ശ്രെമിച്ചു കണ്ടില്ല…

അന്ന് രാത്രിയിൽ.. അവസാന പാക്കിങ് കഴിഞ്ഞു ഞങ്ങൾ മൂന്നും കൂടെ കിടന്നു… പക്ഷേ എനിക്ക് ഉറക്കം വന്നില്ല.. ഞാൻ റൂമിനു വെളിയിൽ വന്നു ഹാളിൽ ഇരുന്നു… എന്തൊക്കെയോ ആലോചിച്ചു.. ഇരിക്കുന്ന സമയത്താണ്… വാതിലിൽ ആരോ തട്ടുന്നത്.. പോലെ തോന്നി..അല്ല തോന്നൽ അല്ല… ആരോ തട്ടുന്നു… ഞാൻ പോയി വാതിൽ തുറന്നു.. എന്റെ മുന്നിൽ കല്യാണി….ഇവൾ എങ്ങനെ ഇവിടെ വന്നു…ഞാൻ അവളെ നോക്കി ആകെ കോലംകെട്ടു നിൽക്കുന്നു.. കരഞ്ഞു കലങ്ങിയ കണ്ണുകൾ….എന്നെ നോക്കിയിട്ട് അവൾ അകത്തു കേറി….ഞാൻ വാതിൽ ചാരി തിരിയുമ്പോഴേക്കും. അവൾ എന്നെ കെട്ടിപിടിച്ചു കരയാൻ തുടങ്ങിയിരുന്നു…

“കല്ലു.. മോളെ കരയാതെ… കാര്യം പറ “