എന്റെ ചട്ടമ്പി കല്യാണി

Author : വിച്ചൂസ്

ഹായ് പങ്കാളിസ്

സുഖമെന്നു വിശ്വസിക്കുന്നു. ഞാൻ വിച്ചൂസ് ഇത് എന്റെ കഥയാണ് അതിൽ എൺപത് ശതമാനം സങ്കല്പവും 15 ശതമാനം സത്യവും ബാക്കി 5 ശതമാനം തള്ള് ആണ്, ആദ്യമായി ആണ് ഒരു കഥ എഴുതുന്നത് അതിന്റെതായ തെറ്റുകൾ ഉണ്ടാവും…. പ്രീതിക്ഷയുടെ അമിത ഭാരം ഇല്ലാതെ നിങ്ങൾ ഈ കഥ സ്വീകരിക്കുമെന്നു വിശ്വസിക്കുന്നു

ചളികൾ ഉണ്ടാവും സഹിക്കണേ

രാവിലെ തന്നെ നിർത്താതെ ഉള്ള അലാറം കേട്ടാണ് ഞാൻ എണീറ്റത്… ഇന്നലെ കിടക്കുമ്പോ ഓഫ്‌ ചെയ്യാൻ മറന്ന ടീവി എപ്പോഴും ഓടികൊണ്ട് ഇരിക്കുന്നു..ഏഷ്യാനെറ്റ്‌ മൂവീസ് ആണ് രാവിലെ തന്നെ തൂവാനത്തുമ്പികൾ മഴ, ക്ലാര, ജയകൃഷ്ണൻ അഹ് അന്തസ്സ്.. ഞാൻ ഫോൺ എടുത്ത് നോക്കി…. ശ്രീഹരിയുടെ മെസ്സേജ് ഉണ്ട്…

“എഴുനേൽക്കുമ്പോൾ വിളിക്കടാ നാറി ” ഇതായിരുന്നു മെസ്സേജ് എന്തായാലും ഞാൻ വിളിക്കാൻ നിന്നില്ല ഫ്രഷ് ആയിട്ട് അവനെ കാണാൻ ചെല്ലാമെന്നു വിചാരിച്ചു…

അപ്പോ ഞാൻ ഇനി എന്നെ പറ്റി പറയാം എന്റെ പേര് വിച്ചു പഠിത്തമൊക്കെ കഴിഞ്ഞു നല്ല അന്തസ്സ് ആയി ഒഴപ്പി നടക്കുന്നു… അച്ചന്റെ അച്ഛനും പിന്നെ എന്റെ അച്ഛനും ഉണ്ടാക്കി വച്ചതൊക്കെ തിന്നു ജീവിക്കുന്നു.. ഇനി എന്റെ കുടുംബം ഞാൻ,അച്ഛൻ,അമ്മ പിന്നെ അച്ഛമ്മയും ബാക്കി കുറച്ചു പേരൊക്കെ ഉണ്ട് അത് ഞാൻ പോകുന്ന വഴിക്കു പറയാം

ഫ്രഷ് ആയി ഞാൻ ഇറങ്ങി ഈ ഫ്രഷ് ആയി ഇറങ്ങിയിന്നു പറഞ്ഞ ജസ്റ്റ്‌ പല്ല് തേപ്പു മാത്രം കുളി അങ്ങനെ പതിവ് ഇല്ല പല്ല് തേക്കാതെ അമ്മ ചായ തരില്ല അതുകൊണ്ടാ പല്ല് തേക്കുന്നെ.

താഴേക്കു ചെല്ലുമ്പോൾ അച്ഛമാ ഉണ്ട് ദോശ കഴിക്കുന്നു…എന്നെ കണ്ടിട്ടുണ്ട് പക്ഷേ മൈൻഡ് ഇല്ല.

ഞാൻ : “എന്താ മോളുസേ ജാട ആണോ???”

അച്ഛാമ : “നീ എന്നോട് മിണ്ടണ്ട…. നീ ശെരി അല്ല”

ഞാൻ : “ഇപ്പോ അങ്ങനെ ആയോ എന്താ കാര്യമെന്നു പറ മുത്തേ ”

“നീ ഇന്നലെ വൈകിട്ടു ബൈക്കിൽ കൊണ്ട് പോകാമെന്നു പറഞ്ഞിട്ടു പറ്റിച്ചതിന്റെ ദേഷ്യത്തിൽ ഇരിക്കുവാ”

എവിടെ നിന്നോ ഒരു ഒരു ശബ്ദം ഞാൻ തിരിഞ്ഞു നോക്കി അതാ മുറ്റത് ഒരു മൈന അല്ല അമ്മ…