എന്റെ ഗീതൂട്ടി ??3 [John Wick] 269

“എനിക്ക് ഗീതൂട്ടിനെ ഇഷ്ട്ടാ….”ഞാൻ ഒറ്റശ്വാസത്തിൽ പറഞ്ഞു….

 

“അതിപ്പോ പറയാൻ എന്തിരിക്കുന്നു….എനിക്കറിഞ്ഞൂടെ അത്….”ഗീതൂട്ടി നിസാരഭാവത്തിൽ പറഞ്ഞു….

 

“അയ്യോ… ഇതാ ഇഷ്ട്ടമല്ല….എനിക്ക് ഗീതൂട്ടിനെ കല്യാണം കഴിക്കണമെന്ന്….”ഞാൻ നാണത്തോടെ പറഞ്ഞു….

 

“അയ്യാ….അവന്റെ ഒരു പൂതി….എട്ടാം ക്ലാസ്സിൽ പഠിക്കുന്നവന് കല്യാണം….അങ്ങോട്ട് നടക്കെട….”ഗീതൂട്ടി എന്നോട് ദേഷ്യപ്പെട്ടു….

 

പിന്നെ ഞാൻ ഒന്നും മിണ്ടാതെ നടന്നു….. ലേശം കഴിഞ്ഞപ്പോൾ ഞാൻ വീണ്ടും റോട്ടിൽ നിന്നു…..

 

“ഇനിയെന്താടാ…..”ഗീതൂട്ടി എന്നോട് ചോദിച്ചു ……

 

“അപ്പൊ ഗീതൂട്ടിക്ക് എന്നെ ഇഷ്ടമല്ലേ…..”ഞാൻ ചോദിച്ചു ……

 

“ആഹ്….അത്ര ഇഷ്ട്ടമല്ല….. നീ വരുന്നുണ്ടേൽ വാ… ഞാൻ പോവ്വാ….”ഗീതൂട്ടി ഇതും പറഞ്ഞ് നടന്നു….പിന്നാലെ ഞാനും….

 

ഞങ്ങൾ വീട്ടിലെത്തി….. സാധാരണപോലെ ചായ കുടിച്ചു….. ചായ കുടിക്കവേ ചെറിയമ്മ ചോദിച്ച ചോദ്യങ്ങൾക്കെല്ലാം ഞാൻ യാന്ദ്രികമായി ഉത്തരം നൽകി….

 

ചായകുടിച്ചതിനു ശേഷം ഞാൻ പുറത്തേക്കിറങ്ങി അലക്ഷ്യമായി നടന്നു….. ആ നടത്തം ഒടുവിൽ എത്തി നിന്നത് ഞങ്ങളുടെ കുളപ്പടവിൽ ആണ്…..

 

ഗീതൂട്ടി ഇന്ന് പറഞ്ഞ വാക്കുകൾ എന്റെ ചെവിയിൽ അലയടിച്ചു കൊണ്ടിരുന്നു…..ഒപ്പം അവളുടെ പ്രേമാർദ്രമായ നോട്ടവും….അതും ഇതും തമ്മിൽ ചേരുന്നേയില്ല…..

 

ഞാൻ അങ്ങനെ ഓരോന്ന് ആലോചിച്ചിരിക്കവേ ഗീതൂട്ടി എന്നെ തിരഞ്ഞുകൊണ്ട് കുളക്കടവിലെത്തി…..എന്നിട്ട് വന്ന് എന്റെ അടുത്തിരുന്നു……

 

“എന്താടാ നീ ഇവിടെ വന്നിരിക്കുന്നെ….”ഗീതൂട്ടി എന്നോട് ചോദിച്ചു…..

 

“എന്നെ ഇഷ്ടല്ലാത്തോര് എന്റെ കാര്യങ്ങൾ അന്വേഷിക്കണ്ട…..”ഞാൻ അറുത്തു മുറിച്ചുകൊണ്ട് പറഞ്ഞു…..

 

“എടാ… ഞാനത് ചുമ്മാ പറഞ്ഞതാ….നീയത് വിട്ട് കള….. എന്റെ ജീവൻ അല്ലെടാ നീ….”ഗീതൂട്ടി പറഞ്ഞു….