എന്റെ കുറുമ്പികണ്ണിക്ക്❣️[babybo_y] 71

അവളെനിക് മറ്റൊരു ലോകമായിരുന്നു…
എന്നിലെ കുസൃതികുട്ടിക്ക് കട്ടക്ക് ഇടിച്ചു നിൽക്കാൻ പറ്റിയ ഒരേ ഒരു ലോകം….
അന്നുമിന്നും ഞാൻ ജീവിക്കുന്ന ഞാൻ സന്തോഷിക്കുന്ന ഒരേ ഒരു ലോകം ….

ഒൻപതു വര്ഷങ്ങള്ക്ക് ശേഷം കൂട്ടു വന്ന അച്ചൂട്ടിയെ വണ്ടിയേല്പിച്ചു ഞാൻ നടന്നു വന്നോളാം നീ പൊയ്ക്കോ എന്നുപറഞ്ഞാവഴിയിലേക്ക് നടക്കുമ്പോ….
അവൻ പറഞ്ഞു ചേട്ടായിക്ക് പ്രാന്താ മുഴുത്ത വട്ട്

കാലിനടിയിൽ ചരൽകല്ലുകൾ ഞെരിഞ്ഞമരുമ്പോൾ..
പായല് പൊത്തിയ ഈ മതിലിലിങ്ങനെ ചേർന്ന് നിൽക്കുമ്പോൾ..
ഒരിക്കൽ കൂടി അവളുടെ ഒപ്പം നടക്കാൻ ഒരു മോഹം …
ഒരിക്കലെങ്കിലും അവളുടെ കൈകോർത്ത് പിടിച്ചു
എന്നിലെ കുസൃതികുട്ടിയെ കെട്ടഴിച്ചു വിട്ട്
അവളെ കേട്ട്…
അവളുടേതായി നടക്കാൻ ഉള്ളിലെവിടെയോ..ഒരാഗ്രഹം

ഓർമകളുടെ വീഞ്ഞ് ഭരണി പൊട്ടിച്ചെടുക്കാൻ തുടങ്ങുന്ന… നേരത്ത്

മോനേതാ…എന്താ ഇവിടെ എന്ന് ചോദ്യവുമായി കോൺവെന്റിലെ നഴ്സറി സ്കൂളിൽ പണ്ട് പഠിപ്പിച്ച ദൈവത്തിന്റെ സ്വന്തം മാലാഖയും ഓര്മപ്പെടുത്തിയത്…

കരഞ്ഞു കലങ്ങിയ കണ്ണും കേറുവിച്ച മുഖവുമായി എങ്ങലടിച്ച ഒരു കുറുമ്പികുട്ടിയെയാണ്..
അന്ന് കീറി വിളിച്ച എനിക്ക് കട്ടക്ക് കമ്പനി തന്നവരിൽ ഒരാൾ…
കൂട്ടെന്ന രണ്ടക്ഷരത്തിലെന്നെ കെട്ടിയിട്ട…
ചിരിക്കുന്ന എന്നിലെന്നും കരയുന്ന എന്നെ പടച്ചു കൂട്ടിയ പെണ്ണ്…
കരയാത്ത കണ്ണുകൾ നനയിച്ചവൾ…
അന്ന് നീട്ടി വളർത്തിയ നഖങ്ങൾ കൊണ്ട് പിച്ചി നോവിച്ചവൾ
ആദ്യം വാക്കുകൾ കൊണ്ട് നോവിച്ചു..
അന്നിവളൊന്നു മിണ്ടാതിരുന്നെങ്കിലെന്നു ആശിച്ചു പോയിട്ടുണ്ട്….