ഋതു 3 [Loki] 357

 

അതുകണ്ട് അഭി അറിയാതെ ചിരിച്ചു…

 

പെട്ടന്നവിടേക്ക് രണ്ട് കറുത്ത വസ്ത്ര ധാരികൾ ഓടി വന്നു… ആകാശ് നേരത്തെ അയച്ച ഗാർഡ്‌സ് ആയിരുന്നു അത് 

 

അവരെ കണ്ട ശ്രീ പെട്ടെന്നു നിലത്തു കിടന്ന സ്റ്റിക്ക് കയ്യിലെടുത്തു.. റോബിന്റെ ആൾകാരാണെന്ന് അവൻ കരുതി..

 

ഏയ് … ഞങ്ങൾ നിന്റെ രക്ഷയ്ക്ക് വന്നതാണ്… കൂൾ ഡൗൺ…

 

ശ്രീ അഭിയെ നോക്കി..അവൻ അറിയില്ലെന്ന മട്ടിൽ തല കുലുക്കി..

 

നിങ്ങളെ ആരുവിട്ടതാ…

 

ശ്രീയുടെ ചോദ്യം കേട്ട് അവർ മുഖാമുഖം നോക്കി ചിരിച്ചു…

 

അതാരെങ്കിലും ആവട്ടെ…നിങ്ങൾ ഇവിടെ നിന്ന് പൊയ്ക്കൊള്ളൂ… ഇവന്മാരുടെ കാര്യം ഞങ്ങൾ നോക്കിക്കോളാം…

 

അവർ അവിടെ അടികൊണ്ട് വീണുകിടന്നവന്മാരെ എടുത്ത് തോളത്തു വെച്ചു…

 

പേടിക്കണ്ട….ഇവരുടെ വീട്ടിൽ എത്തിച്ചേക്കാം…

 

റോബിന്റെ അടുത്തേക് വന്നയാളെ ശ്രീ തടഞ്ഞു… അവൻ അപ്പോഴും… കണ്ണ് പോയെന്ന് പറഞ്ഞു നീലിവിളിക്കുന്നുണ്ടായിരുന്നു…

 

ഇവനെ എവിടേക്കും കൊണ്ട് പോവണ്ട… ശ്രീയെ എതിർക്കാതെ അവർ തിരിച്ചു പോയി…

 

എടാ ഈ റോബിനെ നോവിച്ചു… ഇനി നിന്നെ വെറുതെ വിടില്ലടാ.. കൊല്ലും നിന്നെ ഞാൻ.. കണ്ണും തിരുമ്മിക്കൊണ്ട് റോബിൻ പറഞ്ഞു…

 

എടാ ജോർജിന്റെ മോനെ… നിന്റത്ര പവർ ഒന്നുമില്ലെങ്കിലും വേണ്ട സമയത്ത് വേണ്ടത് പോലെ ചെയ്യാൻ ഈ ശ്രീരാജിനറിയാം.. അതും പറഞ്ഞു റോബിന്റെ അടി വയറു നോക്കി ശ്രീ തൊഴിച്ചു….റോബിൻ  വയറും പൊത്തിപിടിച്ചു കരഞ്ഞു…

 

ശ്രീ അഭിയുടെ അടുത്തേക്ക് എത്തി…

 

അളിയാ നല്ലോണം കൊണ്ടല്ലേ… ചിരിയോടെ ശ്രീ അത് ചോദിച്ചപ്പോ അഭി അത്ഭുതത്തോടെ അവനെ നോക്കി…

 

എന്താടാ നോക്കുന്നെ.. ഒന്നും മറന്നിട്ടില്ല…പക്ഷെ സാഹചര്യം അതായോണ്ടാണ് നീ എന്നെ തല്ലിയതെന്ന് എനിക്ക് അറിയാം….പക്ഷെ അത്രയ്ക്കു വേണായിരുന്നോ my*#&#….നീ എന്നെ അത്രയേ മനസിലാക്കിയിട്ടുള്ളരുന്നോ..? 

 

നീ എന്നോട് ക്ഷമിക്കണം ശ്രീ… സത്യം അറിയാതെ നിന്നെ…അവർ എല്ലാവരും നിന്റെ പേര് പറഞ്ഞപ്പോ…

 

അഹ് അതൊക്കെ കഴിഞ്ഞില്ലേ… ഞാൻ ഇന്ന് ഇവനിട്ട് പണിയണം എന്ന് തീരുമാനിച്ചതാ… അതെന്തായാലും നടന്നു കിട്ടി…

 

അഭിയേയും താങ്ങി പിടിച്ചു ശ്രീ പതുക്കെ നടന്നു…