ആരതി [ഏകാകി] 117

വീട്ടിലേക് വന്നപ്പോൾ തന്നെ അച്ഛൻ പൂമുഖത്തു പത്രം വായിച്ചു ഇരിപ്പുണ്ട്.നല്ലൊരു ചിരിയും പാസാക്കി ഞാൻ കുളിക്കാൻ ആയി റൂമിൽ കയറി.

കുളികഴിഞ്ഞു ഡ്രെസ്സും മാറി താഴോട്ട് ചെന്നു.

അപ്പോഴുകും ന്റെ ദേവൂട്ടി നല്ല പുട്ടും കടലയും ഉണ്ടാക്കി വച്ചിരുന്നു.ഞാൻ അമ്മക്ക് ഒരു ഉമ്മയും കൊടുത്ത് പുട്ടും കടലയും തട്ടിക്കൊണ്ടിരുന്നു. കഴിച്ചു കഴിഞ്ഞു അമ്മയോട് യാത്ര പറഞ്ഞു കോളേജിലേക്ക് ഇറങ്ങി. നേരെ എന്റെ ബുള്ളറ്റും കൊണ്ട് വിഷ്ണുവിന്റെ വീട്ടിലേക്ക് പോയി.അവിടെ ചെന്നപ്പോൾ അവന്റെ അനിയത്തി ചിന്നു ഉമ്മറത്തിരിക്കുന്നു. എന്നെ കണ്ടതും അജു ചേട്ടാ എന്നും വിളിച്ചു എന്റെ അടുത്തേക്ക് ഓടി വന്നു.പിന്നെ അവളോട് കുറച്ച് നേരം കത്തി വച്ചു അവനു വേണ്ടി വെയിറ്റ് ചെയ്തു. ഞങ്ങളുടെ സംസാരം കേട്ട് അവന്റെ അമ്മ പുറത്തേക്ക് വന്നു..

എന്താടാ അജു നീ വന്നിട്ട് ഉമ്മറത്തു ഇരുന്നത് അകത്തോട്ടു വാടാ ചായകുടിക്കാം എന്ന്.നല്ല ഇഡലിയും സാമ്പാറും ഉണ്ട്.

ഫുഡിന്റെ കാര്യത്തിൽ നോ കോംപ്രമൈസ് ആയ കാരണം കേട്ടപാതി ഞാൻ അകത്തു ചെന്നു സാമാന്യം നല്ല രീതിയിൽ തന്നെ കഴിച്ചു. അപ്പോഴാണ് വിഷ്ണു ഡ്രസ്സ്‌ മാറി വരുന്നത്. പിന്നെ അവനും കൂടെ ഇരുന്നു കഴിച്ചു. ശേഷം ഞങ്ങൾ കോളേജിലേക്ക് നീങ്ങി.

ഞാൻ പറഞ്ഞില്ലാലോ ഞങ്ങൾ രണ്ട് പേരും ഒരേ കോളേജിൽ ആണ് പഠിക്കുന്നത്. ആദ്യ ദിവസമാണ് ഇന്ന്. അത് കൊണ്ട് തന്നെ അത്യാവശ്യം നല്ലപോലെ ഒരുങ്ങിയാണ് പോയത്.

വിഷ്ണുവിന്റെ അനിയത്തിയോട് യാത്രയും പറഞ്ഞു ഞങ്ങൾ എന്റെ ബുള്ളറ്റിൽ കോളേജിലേക്ക് പോയി.