ദൃശ്യം2 ഇരുന്ന് കണ്ടതിനു ശേഷം നേരെ ഇങ്ങോട്ട് പോന്നതാ. ദേ അതിൻ്റെ ഹാങ്ങോവർ മാറുന്നതിന് മുൻപ് അടുത്തത് കിട്ടി.എന്താണ് പറയേണ്ടത് എന്ന് ഒരിക്കൽ കൂടി അറിയാൻ പറ്റാത്ത അടിപൊളി ഭാഗം

എനിക്കുള്ള സംശയങ്ങളിൽ ഒന്ന് ഇതിൽ മാറുമെന്ന് നീ പറഞ്ഞിരുന്നു.ഇതിപ്പോ വായിച്ച് കഴിഞ്ഞ് എൻ്റെ ഏത് സംശയമാണ് മാറിയത് എന്ന ചിന്തയിലാണ് ഞാൻ. എവിടെയൊക്കെയോ നിന്ന് കിളികൾ പറന്നു പോയ കൊണ്ടാകും പലതുമങ്ങ് ബ്ലാങ്ക് ആയപോലെ

കഴിഞ്ഞ ഭാഗം ഒക്കെ വായിച്ചപ്പോൾ ചിന്തിച്ച കാര്യമാണ് അമാറിയുടെ കാര്യം. ആദിയെ ഒന്നും ചെയ്യില്ല എങ്കിലും ഫെബിൻ്റെ കാര്യത്തിൽ കുറച്ച് സംശയങ്ങൾ ഉണ്ടായിരുന്നു.എന്തായാലും അത് ഭംഗിയായി കൈകാര്യം ചെയ്തു

ഫെബിൻ ലിഫ്റ്റിൽ നിന്ന് ഇറങ്ങിയ സമയത്ത് അതുവരെ കൊല്ലണമെന്ന ചിന്തയിൽ നടന്ന അമാറി അതിൽ നിന്ന് മാറി ചിത്രവധം ചെയ്ത് കൊല്ലാതെ കൊല്ലണം എന്ന് ചിന്തിച്ചപ്പോൾ തന്നെ ഒരു ട്വിസ്റ്റ് ഉണ്ടാകും എന്ന് ചിന്തിച്ചിരുന്നു.അയാളുടെ മണ്ടത്തരം ഓർത്ത് ചിരി വരികയും ചെയ്തു

പിന്നെ ഫെബിനും ആദിയും സംസാരിക്കുന്നത് കേട്ട് എല്ലാ വിവരവും മാസ്റ്റർക്ക് ചോർത്തി കൊടുത്തപ്പോൾ ഇനി ആമിയെ അമാറി കൊല്ലാൻ നോക്കുകയും അതുവഴി ആമിക്ക് എന്തെങ്കിലും ശക്തി ഉണ്ടായി അമാറിയെ കൊല്ലും എന്നൊക്കെ ഞാൻ വെറുതെ വ്യാമോഹിച്ചു.

ആദിയെ പോലെ ആമിക്കും എന്തെങ്കിലും ശക്തി ഉണ്ടാകുമോ എന്ന് ഞാൻ ചിന്തിച്ചിരുന്നു.ചിലപ്പോ ഉണ്ടാകുമായിരിക്കും.ഇല്ലെങ്കിൽ സാധാരണ ഒരു പെണ്ണിന് വേണ്ടി മാസ്റ്ററോക്കെ ഇത്രയും പണികൾ ചെയ്യുമോ

ആദി പാത്രം കഴുകുന്ന സമയത്ത് അമാറി ആദിയെ വില കുറച്ച് കണ്ടപ്പോ തന്നെ ബാക്കി ഊഹിച്ചിരുന്നു.കാരണം മാസ്റ്റർ അതിനു മുൻപ് ഫോണിലൂടെ വാണിങ് കൊടുത്തതാണ്.എന്നിട്ടും കേൾക്കാതെ ആദിയുടെ മുന്നിൽ കയറി കൊടുത്തപ്പോൾ മരണം ഉറപ്പിച്ചിരുന്നു.പക്ഷേ അത് ആദിയുടെ അല്ലെന്ന് മാത്രം

എന്നാലും ഒരു സംശയം ഇപ്പോഴും ബാക്കിയുണ്ട്.ആദി എങ്ങനെയാണ് അമാറിയെ കണ്ടെത്തുന്നത്.അതിൽ തന്നെ പറയുന്നുണ്ട് കാറിൽ വെച്ച് മൂന്നാമത് ഒരാളുടെ പ്രസൻസ് ഫീൽ ചെയ്തെന്നും കോഫി ഷോപ്പിൽ വെച്ച് കണ്ടെന്നും വീട്ടിൽ ശബ്ദം കേട്ടെന്നും.എന്നാലും ഒരാൾക്ക് ഇമ്മാതിരി കഴിവ് ഉണ്ടാകുമോ. ഫെബിനു ഒന്നും കാണാനും കേൾക്കാനും പറ്റിയില്ല.ആദി മാത്രം എല്ലാം കണ്ടു. ഇനി ആദിയുടെ ഉള്ളിൽ ഇപ്പോഴും ഒളിഞ്ഞിരിക്കുന്ന ശക്തിയുടെ ഫലമായാണോ എല്ലാം കണ്ടെത്താൻ കഴിഞ്ഞത്

ഡെയ്സി ശരിക്കും ആരാ.കൂടെ നിന്നവർ പോലും എന്തിന് വേണ്ടിയാണ് ചതിച്ചത്.ഇനി റോബർട്ട് പറഞ്ഞത് പോലെ അവളോട് അസൂയ തോന്നിയിട്ട് വല്ലതുമാണോ.ആണെന്ന് തോന്നുന്നില്ല.ചിലപ്പോ മറ്റേതെങ്കിലും കാരണങ്ങൾ ഉണ്ടാകാം.എന്നാലും വിശ്വസ്തനായി കൂടെ നിന്ന ജയിംസ് പോലും പണത്തിന് വേണ്ടി ചതിച്ചെന്ന് ഓർക്കുമ്പോഴാണ് വിഷമം. ഡെയ്സിയുടെ അടുത്ത യാത്ര മിസോറാമിലേക്ക് ആണല്ലേ. ആ സ്ഥലത്തിന് കഥയിൽ നല്ല പ്രാധാന്യം ഉണ്ടല്ലോ.പലപ്പോഴായി ഈ പേര് കേൾക്കുന്നു

അങ്ങനെ ആദിയുടെ അച്ഛനെയും അമ്മയെയും മനസിലായി. ദേവരാജനും അരുന്ധതിയും.ഇപ്പൊ ഒരു കാര്യം വ്യക്തമായി. ദേവരാജനേ കൊന്നത് മാസ്റ്ററും അരുന്ധതിയെ കൊന്നത് സജീവനുമാണ്.അവരെ കൊന്ന് സർവ്വവും സ്വന്തമാക്കാനാണ് മാസ്റ്റർ ശ്രമിച്ചത്.

പിന്നെ മാസ്റ്റർ പറഞ്ഞ ആ പ്രിൻസ് ആരാ. അയാളും ആദിയും തമ്മിൽ യുദ്ധം ഉണ്ടാകും എന്നല്ലേ പറഞ്ഞത്

തക്കേഷിയെ കണ്ട കാര്യം മാസ്റ്റർ അറിഞ്ഞാൽ സജീവിനെയും വിഷ്ണുവിനേയും കൊല്ലും എന്നല്ലേ പറഞ്ഞത്.വിഷ്ണുവിൻ്റെ കാര്യം ഒന്നും പറയുന്നില്ല.പക്ഷേ സജീവിന് ഒന്നുകിൽ മാസ്റ്ററുടെ കൈ കൊണ്ട് അല്ലെങ്കിൽ സത്യമെല്ലാം അറിഞ്ഞാൽ ആദിയുടെ കൈ കൊണ്ട് മരണം ഉറപ്പാ

വില്യമും മിഷേലും വിഷ്ണുവിനെ എങ്ങനെയാണ് കൊല്ലാൻ ശ്രമിക്കുന്നത് എന്ന് അറിയാനുള്ള ആകാംക്ഷ ഉണ്ടായിരുന്നു.എന്തായാലും അത് കാണാൻ സാധിച്ചു.ഇനി ബാക്കി എന്താണെന്ന് ഊഹം ഉണ്ടെങ്കിലും അതിൻ്റെ ഇടയിലുള്ള കാര്യങ്ങള് എങ്ങനെ നടക്കുന്നു എന്നത് അറിയാണ്ട കാര്യമായ കൊണ്ട് അതിനു വേണ്ടി കാത്തിരിക്കാം.അല്ലാതെ വേറെ വഴിയില്ലല്ലോ

അപ്പോ മുത്തേ നല്ലൊരു ദിവസമായിട്ട് നിൻ്റെ വക സദ്യ കൂടെ കിട്ടിയതിൻ്റെ സംതൃപ്തിയോടെ ഞാൻ നിർത്തുന്നു ??