അർജുന യുദ്ധം ? 4 [Cowboy] 360

ഇപ്പൊ എടുക്കാവേ, മക്കളവിടെ ഇരുന്നോളൂ…

കടക്കാരൻ ചേട്ടൻ ഒരു പുഞ്ചിരിയോടെ അവരോട് പറഞ്ഞു…

അജൂ, ബാക്കി പറയെടാ…

ഒന്ന് പതിയെ തിന്നെടാ ശവമേ, അതവിടന്ന് ഓടിപ്പോവത്തൊന്നും ഇല്ല..

അൻവറിന്റെ ആക്രാന്തം കണ്ട് തലയിൽ കൈ വച്ചോണ്ടാണ് അർജുനത് പറഞ്ഞത്…

ചേട്ടാ കുറച്ച് വെള്ളം തരാവോ..
ഇല്ലേല് ഈ തെണ്ടി ബീഫ് തൊണ്ടേ കുടുങ്ങി ചാവും…

വെള്ളം കൊണ്ട് വന്ന് കൊടുക്കാൻ നേരം അൻവർ അദ്ദേഹത്തെ പുകഴ്ത്താൻ മറന്നില്ല..

എന്റെ ചേട്ടാ, കോഴിക്കോട് വിട്ട് വന്നേപിന്നെ ഇത്ര രുചിയുള്ള ബീഫ് കഴിച്ചിട്ടില്ല, ചേട്ടന്റെ കൈപുണ്യം ഒരു രക്ഷേം ഇല്ല കേട്ടോ…

പൊതുവെ വാ തുറന്നാൽ ഊള ചളികൾ മാത്രം പറയുന്ന അൻവർ ഇപ്പൊ പറഞ്ഞതിനെ അർജുൻ ശരി വച്ചു,

ശരിയാ ട്ടോ, നല്ല കിടു ഫുഡ്‌…

മക്കള് എവിടുള്ളതാ,
മുമ്പൊന്നും ഇവിടെ കണ്ടിട്ടില്ലല്ലോ…

ഞങ്ങള് എറണാകുളത്ത് ഫാത്തിമ മാതാ കോളേജില് പഠിക്കുവാ,
ഇവന്റെ വീട്ടിലോട്ട് പോന്നപ്പോ ഇവിടെ കേറി…

ആ അത്‌ ശരി,അതാ മുമ്പൊന്നും കാണാത്തെ…

ചേട്ടന്റെ പേരെന്താ..

എന്റെ പേര് വാസൂന്നാ,
ദാ ആ കാണുന്ന പറമ്പ് കഴിഞ്ഞാ എന്റെ വീടായി..

ഏതായാലും ഇനി ഇങ്ങോട്ട് വരുമ്പോ ഇവിടന്ന് ഫുഡ്‌ അടിച്ചിട്ടെ നമ്മള് പോവൂള്ളൂ അല്ലേ അളിയാ….

അൻവർ വാസുവേട്ടനെ സുഖിപ്പിക്കാനെന്നോണം പറഞ്ഞു…

പെട്ടെന്ന് രണ്ട് കാറുകൾ കടയ്ക്ക് ഓരമായി നിർത്തിച്ചു..
രണ്ട് വണ്ടികളിൽ നിന്നുമായി ഒൻപതോളം പേര് ഇറങ്ങി വന്നു…

അനൂ, നമുക്കുള്ള പണിയാണോന്നൊരു സംശയം…

ആഹാ, നിന്റെ ശത്രുക്കൾ കൊള്ളാല്ലോ അജൂ, ഭയങ്കര സ്പീഡ്,
ആ ഏതായാലും നന്നായി, കൊറേ ആയി ഒരു ഫൈറ്റ് നേരിട്ട് കണ്ടിട്ട്…
അൻവർ അർജുനെ നോക്കി ഒരു കണ്ണടച്ച് കാണിച്ചു…

എടാ മഹാപാപി,
നീ അടി കാണാൻ നിക്കാനാണോ പ്ലാൻ,

പിന്നല്ലാണ്ട്, അവമ്മാർടെ സൈസ് നോക്ക്,
ഞാനെന്താ വല്ല നേർച്ചക്കോഴിയും ആണോ അതിന്റെ എടേല് തല വെക്കാൻ…
അൻവർ ബാക്കിയുള്ള ബീഫ് അല്പം വായിലോട്ടിട്ടു കൊണ്ട് അർജുനെ നോക്കി പല്ലിളിച്ചു…

എന്താ വാസുവണ്ണാ,
എന്നെ അറിയോ…

വന്നവരിൽ നേതാവെന്ന് തോന്നിപ്പിക്കുന്ന ഒരുത്തൻ വാസുവേട്ടനോടായി ചോദിച്ചു…

അജൂ, ഇത് നമുക്കുള്ളതല്ല,
പക്ഷെ പണിയേണ്ടി വരൂന്നാ തോന്നുന്നേ…