അർജുന യുദ്ധം 🔥 4 [Cowboy] 360

വേണ്ടടാ..
നമുക്ക് കോളേജിലേക്ക് തന്നെ തിരിച്ച് പോവാം,
എന്തോ പണിയുണ്ട്…

ശെടാ..

അൻവർ പിറു പിറുത്തു കൊണ്ട് വണ്ടി തിരിച്ചു…

എന്താ അജൂ, വല്ലായ്മ പോലെ…
ആ കോള് വന്നേപിന്നെ ഞാൻ ശ്രദ്ധിക്കുന്നുണ്ട്,
എന്താ കാര്യം..

ഒന്നൂല്ലടാ, അച്ഛൻ തിരിച്ചു ചെല്ലാൻ പറഞ്ഞു… അവിടെ എന്തൊക്കെയോ സംഭവിച്ചിട്ടുണ്ട്…

എടാ നിനക്കൊന്നും തോന്നൂല്ലെങ്കി ഞാനൊരു കാര്യം ചോദിക്കട്ടെ…

വല്ല എടങ്ങേറ് ചോദ്യവും ആണേൽ എടുത്ത് റോഡേൽ കളയും ഞാൻ..

നിന്റെ ഫ്ലാഷ്ബാക്ക് പറയോ ന്നോട്..
ഒരു കള്ളച്ചിരിയോടെ അൻവർ അർജുനോട് ചോദിച്ചു..

അവിടന്ന് ഇറങ്ങുമ്പോ വല്ല്യ മാസ്സ് ഡയലോഗ് അടിച്ചല്ലോ,

നിന്റെ കഥയൊന്നും എനിക്കറിയണ്ട, നീയെന്റെ ഫ്രണ്ടാണ് തേങ്ങയാണ് എന്നൊക്കെ,

 

അത്‌ കൊണ്ടല്ലടാ തെണ്ടീ,
ഇതൊരുമാതിരി കൊറിയൻ സിനിമ സബ് ഇല്ലാണ്ട് കാണുന്ന പോലെയാണ്..
എന്തൊക്കെയോ നടക്കുന്നുണ്ട് പക്ഷെ ഒന്നും അങ്ങട് മനസ്സിലാവുന്നില്ല..
ഇനിയിപ്പം കുറച്ച് ദൂരം ഇല്ലേ, ആ ഗ്യാപ്‌ല് നീ കഥ പറ…

മ്മ്..
അർജുൻ ദീർഘമായി ഒന്ന് നിശ്വസിച്ചു…

അനൂ,

എന്താടാ…

എന്നെ ആദ്യം കണ്ടപ്പോ നിനക്ക്‌ എന്താ തോന്നിയത്..

പ്രത്യേകിച്ച് ഒന്നും തോന്നിയില്ലടാ,
പിന്നെ ഞാൻ ആ ടൈപ്പ് അല്ലല്ലോ…

ഏത് ടൈപ്പ്..
അർജുൻ ഇടംകണ്ണാലെ അൻവറിന്റെ തുറിച്ചു നോക്കികൊണ്ട് ചോദിച്ചു..

അല്ലാ,എനിക്ക് പെമ്പിള്ളാരോടാ താല്പര്യം…

പ്ഫ തെണ്ടി..

അർജുന്റെ ആട്ടൽ കേട്ട് അൻവറിന്റെ ചിരി ഒരു പൊട്ടിച്ചിരിയിലേക്ക് വഴിമാറി…

എന്റെ പൊന്ന് അജൂ…
നിന്നെ കണ്ടപ്പോ വല്ല്യ സാമ്പത്തികം ഒക്കെ ഫീൽ ചെയ്തതാ, പക്ഷെ ഈ തോളത്ത് കയ്യിട്ട് നടക്കാൻ പറ്റിയ ചങ്കായി മാറും എന്ന് സ്വപ്നത്തിൽ പോലും വിചാരിച്ചിരുന്നില്ല…