അർജുന യുദ്ധം ? 4 [Cowboy] 360

അർജുൻ ഒന്ന് മന്ദഹസിച്ചു…
എന്നാ ശരി ഡോക്ടർ..
ഞാൻ പോയി വരാം..
ടേക്ക് കേർ ഓഫ് ഹിം…

ഡോക്റ്ററിന്റെ മറുപടിക്ക് കാത്തു നിൽക്കാതെ അവൻ നടന്നകന്നു…

ദി ഹണ്ട് ഹാസ് ബിഗൺ….

അപ്പൊ അർജുന യുദ്ധം അവിടെ തുടങ്ങി അല്ലേ…

അൻവറിന്റെ ചോദ്യത്തിന് ഒരു ദീർഘ നിശ്വാസമിട്ടു കൊണ്ട് അർജുൻ തുടർന്നു…

മ്മ്, പക്ഷെ അവിടന്ന് പുറപ്പെട്ടപ്പോൾ എവിടന്ന് തുടങ്ങണം, ആരിൽ തുടങ്ങണം, കുറെ ചോദ്യങ്ങളുമായിട്ടാണ് ബാംഗ്ലൂരിലോട്ട് ഞാൻ പുറപ്പെട്ടത്…

ജയാനന്ത ഷെട്ടി…
വൻ സ്രാവ്,
അവന്റെ അങ്കബലമോ,
സ്വാധീനങ്ങളോ ഒന്നും എന്നെ അലട്ടിയിരുന്നില്ല,
പക്ഷെ എങ്ങനെ തുടങ്ങണം എന്ന് ഒരു പിടിയും ഇല്ലായിരുന്നു…

നമുക്ക് ഇവിടൊന്ന് വണ്ടി ചവിട്ടിയാലോ…
നല്ല വിശപ്പ്..

റോഡിന്റെ ഓരത്ത് കണ്ട ഒരു തട്ടുകട നോക്കി അൻവർ പറഞ്ഞു..

എന്നാ ചവിട്ടിക്കോ..

അൻവർ വണ്ടി കടയ്ക്ക് അരികിലായി പാർക്ക് ചെയ്തു കൊണ്ട് ഇറങ്ങി..

ചേട്ടാ, കഴിക്കാൻ എന്താ ഉള്ളത്..

നല്ല ചൂട് ദോശയുണ്ട്, എടുക്കട്ടെ..

മധ്യവയസ്കനായ കടയുടമ ഒരു പുഞ്ചിരിയോടെ അവരോടായി പറഞ്ഞു…

എന്നാ രണ്ട് പ്ലേറ്റ് പോരട്ടെ..

ബീഫുണ്ടോ ചേട്ടാ..

ഓ ഉണ്ട്..

എന്നാ എനിക്ക് ബീഫ് മതി,നിനക്ക്‌ കറി എന്താടാ വേണ്ടേ..

എനിക്കും ബീഫ് തന്നെ പറയെടാ..

ഓക്കേ, ചേട്ടാ രണ്ട് ബീഫും എടുത്തോളൂട്ടോ..