അർജുന യുദ്ധം ? 4

Author :Cowboy

എന്തുവാ പെണ്ണെ ഇരുന്ന് ആലോചിക്കുന്നേ..

ഭക്ഷണത്തിന് മുന്നിലിരുന്ന് സ്വപ്നം കാണുന്ന ഭാമ അമ്മയുടെ ശാസന കേട്ട് ഞെട്ടിയുണർന്നു…

ഒന്നൂല്ല ന്റെ സ്മിതക്കൊച്ചേ..
കെട്ട് പ്രായം ഒക്കെ ആയില്ല്യോ, ഭാവി വരനെ സ്വപ്നം കണ്ട് മയങ്ങിപ്പോയതാ…

പിന്നേ…
ഭക്ഷണോം മുന്നിൽ വച്ചോണ്ടാണോ പെണ്ണെ നിന്റെ സ്വപ്നം..
ആ അല്ലേലും ആദിത്യനെ സ്വപ്നം കാണുന്നതിൽ തെറ്റില്ല കേട്ടോ, സംഭവം നിന്റെ തന്തേടെ അനന്തരവനാണെങ്കിലും കാണാൻ നല്ല ലുക്ക്‌ അല്ലേ..

ഇടം കണ്ണിട്ട് കൊണ്ട് സ്മിത ഭാമയെ ഒന്ന് നോക്കിക്കൊണ്ടാണ് അത്‌ പറഞ്ഞത്..

മകളുടെ ഭാവമാറ്റം കണ്ടിട്ട് ഒന്നൂറിചിരിച്ചു…

അമ്മേ…

ഓ അട്ടഹസിക്കേണ്ട.. പതിയെപ്പറഞ്ഞാ എനിക്ക് കേൾക്കാം..

അമ്മയും കൂടി ഇങ്ങനെ തുടങ്ങിയാ ഞാൻ ഇറങ്ങിപ്പോവും, പറഞ്ഞേക്കാം..
അല്ലാ ഇതിപ്പോ എല്ലാരും കൂടി തീരുമാനിച്ചുറപ്പിച്ചില്ലേ..
എന്റെ ഇഷ്ടത്തിന് ആരേലും പുല്ല് വിലയെങ്കിലും തന്നോ…

എന്റെ മോളെ, നിന്റെ തന്തപ്പടിയോട് ഞാൻ പറഞ്ഞതാ, അപ്പൊ അങ്ങേർക്ക് കൊടുത്ത വാക്കും അഭിമാനവും ഒക്കെയാ വലുത്..
ഞാനെന്ത് ചെയ്യാനാ…

ആ വാക്കുകളിൽ കനത്ത നിസ്സഹായതയായിരുന്നു..

ഇല്ലമ്മേ, അങ്ങേര് വാലും പൊക്കി ഓടും..
അതിനുള്ള വഴി ഞാൻ കണ്ടിട്ട്ണ്ട്..

ഓ പിന്നെ..
അവന്റെ സ്വഭാവം അറിഞ്ഞ ഗുണ്ടകൾ പോലും പിന്മാറിയത് നീയും കണ്ടതല്ലേ…
അതോണ്ട് മോള് വേണ്ടാത്തതൊന്നും ചിന്തിക്കണ്ടാട്ടോ,
അമ്മ എന്തേലും വഴി കാണുന്നുണ്ട്…

അവളെ ആശ്വസിപ്പിക്കാൻ വേണ്ടി പറഞ്ഞതാണെങ്കിലും എന്ത്‌ ചെയ്യണമെന്ന് അമ്മയ്ക്കും അറിയില്ലായിരുന്നു…

സ്മിതക്കൊച്ചേ ഇത് ഗുണ്ടാ ഏർപ്പാടൊന്നും അല്ല ട്ടോ…
ആദിയേട്ടനെ നിലം തൊടാതെ ഓടിക്കാൻ പറ്റിയ ഒരു ആൺകുട്ടിയുണ്ട്..