അസ്രേലിൻ്റെ പുത്രൻ 3 (climax) [FÜHRER] 501

അബ്രാമിനു ചുറ്റും പടര്‍ന്ന അഗ്‌നിക്കു ഒരു രൂപം കൈയ് വന്നിരിക്കുന്നു.. രൂപമല്ല അവന്റെ ചിറകുകളാണ് അവയെന്ന് അവര്‍ക്കു തോന്നി.. അവന്‍ തന്റെ അഗ്‌നി ചിറകുകളാല്‍ മറിയയെപൊതിഞ്ഞു പടിച്ചിരിക്കുയാണ്.

അവന്റെ ചിറകില്‍ നിന്നുള്ള അഗ്‌നിയുടെ സ്പര്‍ശനമേറ്റു ഭൂമിയില്‍ അവർക്ക് ചുറ്റും പലതരത്തിലുള്ള ചെടികള്‍ വളര്‍ന്നു പൂവിട്ടുതുടങ്ങിയതും സൂര്യനെപോല ജ്വലിക്കുന്ന ചിറകിനു നീലപ്രകാശം കൈയ്‌വന്നു. അവര്‍ക്കു ചുറ്റും ഒരു പൂന്തോട്ടം പോലെ ചെടികള്‍ വളര്‍ന്നു കൊണ്ടിരുന്നു.

പെട്ടന്നാണ് തന്റെ കവിളില്‍ വിരല്‍ സപര്‍ശമേറ്റ അബ്രാം ഇറുക്കിയടച്ച കണ്ണുകള്‍ തുറന്നുനോക്കി.. മറിയയുടെ പുഞ്ചിരിക്കുന്ന മുഖമാണ് അവനെ വരവേറ്റത്. അവന്റെ അഗ്നിചിറകളുടെ സ്പര്‍ശനത്താല്‍ മറിയയ്ക്കു ജീവന്‍ തിരികെ ലഭിച്ചിരിക്കുന്നു.

അബ്രാം വശ്വാസം വരാതെ അവളെ തുറിച്ചു നോക്കിയതും മറിയ അവനെ ചേര്‍ത്തുപടിച്ചു അവന്റെ നെറുകയില്‍ തുരുതുരാ മുത്തം നല്‍കി. ആ നിമഷം അബ്രാമിന്റെ സന്തോഷത്തിനു അതിരുകളില്ലായിരുന്നു.   അവന്‍ മറിയയെ പൊതിഞ്ഞുപിടിച്ചിരുന്ന തന്റെ ചിറകുകള്‍ വിടര്‍ത്തി അസ്രേലിന്റെ ശില്‍പത്തിലേയ്ക്കു നോക്കി.

അസ്രേയലിന്റെ കാല്‍ചുവട്ടിലേക്കു നോക്കിയ അബ്രാം മറിയയെ ആ കാഴ്ച കാട്ടിക്കൊടുത്തു.