അസ്രേലിൻ്റെ പുത്രൻ 3 (climax) [FÜHRER] 501

ഒരു തരം ഭീകരമായ മൃഗത്തിന്റെ രൂപമാണ് അതിന്. ഏഴു തലയുള്ളയാ മൃഗരൂപത്തിനു പത്തുകൊമ്പുകളാണുള്ളത്.

അതിന്റെ ഓരോ മുഖത്തിനും ഓരേ രൂപമായിരുന്നു. അതിന്റെ ശരീരം പുള്ളിപ്പുലിയുടേതിനു സമാനമായിരുന്നു.

സിംഹത്തിന്റേതു പോലെയുള്ള വായില്‍ നിന്നാണു സര്‍വതും നശിപ്പിച്ചൊഴുകുന്ന ലാവയുടെ ഉത്ഭവം. ആ രൂപത്തിന്റെ കാലുകള്‍ കരടിയുടേതു പോലെ അവനു തോന്നിച്ചു. ആരും നോക്കാന്‍ ഭയപ്പെടുന്ന ഭീമാകാരമായ ആ രൂപം കൊത്തിവെച്ച കല്ലിനു കടും ചുവപ്പു നിമായിരുന്നു.

അവന്‍ പതിയെ പാറയുടെ അരികിലേക്കു നടന്നെത്തി. അസഹനീയമായ ചൂടായിരുന്നു അവിടെ. എങ്കിലും അവന്‍ കൗതുകത്തോടെ അതില്‍ തൊട്ടു നോക്കി.. ആ പാറക്കല്ലില്‍ കൊത്തിവെച്ച ശില്‍പം ചുട്ടുപഴുത്തു നില്‍ക്കുകയായിരുന്നു. അവന്റെ വിരലില്‍ അതു പൊള്ളലേല്‍പ്പിച്ചു. അവന്‍ വേദനയോടെ കൈ മാറ്റി.

പ്രദേശമാകെ അസഹനീയമായ ചൂടിനൊപ്പം തന്നെ തണുത്ത കടല്‍ക്കാറ്റും അവനെ കൈയ്യില്‍ തലോടികൊണ്ടിരുന്നു.

പൊടുന്നനെ ഭീകര മൃഗത്തിത്തിന്റെ തലകളിലൊന്ന് അനങ്ങിയതായി അവനു തോന്നി.  അതു കണ്ട അബ്രാം ഭയന്നു പിന്നിലേക്കു മാറിയും അന്തരീക്ഷം വീണ്ടും പഴയപടിയായിരുന്നു.

ഒരു നിമിഷം എന്തു ചെയ്യണമെന്നറിയാതെ അബ്രാം നിന്നുപോയി. അവന്‍ തന്റെ കൈയ്യിലെ വാള്‍ താഴെയിടാനായി തന്റെ കൈയയച്ചതും വാളും അപ്രത്യക്ഷമായിരുന്നു. അവന്‍ എല്ലാം അവിശ്വസനീയതയോടെ നോക്കികണ്ടു. പിന്നെ അവിടെ നില്‍ക്കാന്‍ അവന് തോന്നിയില്ല.

മുറിയില്‍ നിന്നു  താഴേയക്കു നടന്ന അബ്രാമിനെ മൈക്കിളിനും ലൂസഫിറിനും അരികിലിരുന്ന ആഷിയാണ് ആദ്യം കണ്ടത്. കണ്ടമാത്രയില്‍ തന്നെ അവള്‍ അവരെ തട്ടിമാറ്റി അവന്റെ അരികിലേക്കു ഭാന്ത്രമായ വേഗത്തില്‍ ഓടി.

ഓടിയടുത്ത അവള്‍ അന്റെ മേലേയ്ക്കു ചാടി അവനെ വരിഞ്ഞു മുറക്കി. പെട്ടന്നുള്ള അവളുടെ പ്രവര്‍ത്തിയില്‍ അബ്രാം ഞെട്ടി.

തന്റെ മേല്‍ മുറുകെ പടിച്ചു കരയുന്ന അവളെ അവന്‍ തലോടി ആശ്വസിപ്പിച്ചു. എന്നാടീ പെണ്ണേ നീയിങ്ങനെ കരയുന്നേ.

ഇച്ചിരെ മുന്നേ എന്നെ തള്ളിയിട്ടേച്ച് ഓടിപ്പോയവളാ.. ദേ എന്റെ മേത്തു കുഞ്ഞി പിള്ളാരെ പോലെ ചാടിക്കേറി കെട്ടിപ്പിടിച്ചു കരയുന്നേ.. അബ്രാം അവളെ മുറുകെപ്പിടിച്ചുകൊണ്ടു പറഞ്ഞു.. കരച്ചില്‍ മാത്രമായിരുന്നു അവളുടെ മറുപടി.