അശുദ്ധി [മണവാളൻ] 104

എൻ്റെ ഡയലോഗ് കേട്ട് കലി കയറിയ മുത്തശ്ശി അപ്പുവേട്ടനോട് അലറി.

” ഈ താറാവാട്ടിലാരും മാസമുറയൊന്നും
ആണുങ്ങളോട് കൊട്ടിഘോഷിച്ചിട്ടില്ല,
ഞാനുള്ളിടത്തോളം കാലം അത് നടക്കേമില്ല…”
മുത്തശ്ശി വിടാൻ ഉദ്ദേശം ഇല്ല.

“പോയിട്ട് വരുമ്പോൾ ബോംബോന്നും അല്ലല്ലോ വാങ്ങി വരാൻ പറഞ്ഞത്, പാഡല്ലേ…!”
ഞാനും വിട്ടു കൊടുത്തില്ല.

അങ്ങനെ രാത്രി കിടക്കാൻ സമയമായി.
അങ്ങനെ മുത്തശ്ശി അടങ്ങി എന്ന് നിങ്ങൾക്ക് തോന്നി എങ്കിൽ തെറ്റി.
ഇപ്പൊ മുത്തശ്ശിയുടെ വേട്ട മൃഗം അമ്മയാണ്.

“അതേ സുഭദ്രേ പുലർച്ചെ വിളക്ക്
കൊടുത്താനുള്ളതല്ലേ നിനക്ക്, അമ്മുവിനെ
ഇന്ന് നിൻ്റടുത് കിടതണ്ട … അപ്പുറത്തെ ഒഴിഞ്ഞ മുറിയിലാക്കാം.”

രാവിലെ മുതൽ ഉള്ള മുത്തശ്ശിയുടെ ഓരോ വാക്കുകളും കേട്ടും ക്ഷമിച്ചും അമ്മയുടെ നിയന്ത്രണവും നഷ്ടപ്പെട്ടു.

“എന്റെ പൊന്നമ്മേ ഈ ഇരുപത്തൊന്നാം
നൂറ്റാണ്ടിലും ഇത്തരം പഴഞ്ചൻ മുറകൾ
വച്ചൂട്ടുന്ന നിങ്ങളോട് എന്ത് പറയാനാണ്
ഞാൻ.

Menstruation അല്ലെങ്കിൽ ആർത്തവം എന്നു പറയുന്നത് ഒരു പെൺകുട്ടി അശുദ്ധയാണെന്നല്ല മറിച്ച് നമ്മളെ
പോലെ അവളുടെ ശരീരവും അമ്മയാകാനും
മറ്റുമുള്ള പ്രാപ്തി നേടിയെന്നുമാണ്.
ഇനിയിപ്പോൾ അവൾ അടുത്ത് കിടന്നിട്ട്
നശിച്ചു പോകാവുന്ന വിശുദ്ധിയാണെങ്കിൽ
അതങ്ങ് പൊക്കോട്ടെ എന്ന് വയ്ക്കും ഞാൻ.

ഒരാൺകുട്ടിയോട് പറയാൻ കൊള്ളാത്ത
പ്രയോഗമല്ല ഈ മാസമുറ. ഇതൊരാണും അറിഞ്ഞിരിക്കേണ്ട ഒന്നാണ് ആർത്തവം.
ഒരു പെൺകുട്ടി കടന്നു പോകുന്ന
ജീവിതഘട്ടങ്ങൾ അവരും മനസിലാക്കുക
തന്നെ വേണം. പിന്നെ അങ്ങനെ ഇങ്ങനെ
തൊട്ടാൽ കരിഞ്ഞു പോകാവുന്നതേയുള്ളല്ലോ തൊടിയിലെ തുളസിക്കതിർ , അങ്ങനെ ആയിരുന്നു എങ്കിൽ ഈ വീട്ടിൽ തുളസി ഒക്കെ എന്നെ വംശനാശം സംഭവിച്ചു പോയേനെ.
അമ്മേ നമ്മുടെ ശരീരത്തിന് ആവശ്യം ഇല്ലാത്ത ഒന്ന് ശരീരം പുറം തള്ളുന്നു . അതിനെ അശുദ്ധമായി കണ്ടാൽ ഒരു പനി വന്നാലും നമ്മൾ അശുദ്ധ ആകുമോ?”

മുത്തശ്ശിയുടെ മുഖം വിവർണമായി… കുറ്റബോധതാൽ തല കുമ്പിട്ട് നിക്കാനേ മുത്തശ്ശിക്കായോള്ളു.

” ശ്ശോ….!
ഈ കണ്ണാടിയുടെ പവർ കുറഞ്ഞെന്നാ
തോന്നുന്നേ, തീരെ കാണാൻ വയ്യ”

പെട്ടെന്നായിരുന്നു അമ്മയുടെ മറുപടി

“തോന്നും അച്ഛാ , കാരണം നിങ്ങളുടെ ഒക്കെ ഉള്ളിൽ അന്ധവിശ്വാസത്തിൻ്റെ ഇരുട്ടാണ് ഇപ്പോഴും , അത് കണ്ണിലേക്കും ബാധിച്ചത് ആയിരിക്കും .”

ഇത്രയും പറഞ്ഞു അമ്മ രംഗം ഒഴിഞ്ഞു. മുത്തശ്ശനും മുത്തശ്ശിക്കും മറുപടി ഒന്നും തന്നെ ഇല്ലായിരുന്നു.

അന്നു ഞാൻ അമ്മയോട് തന്നെ ചേർന്നുറങ്ങി.

ഇനി മുതൽ എങ്കിലും മുത്തശ്ശനും മുത്തശ്ശിക്കും നല്ല ബുദ്ധി തൊന്നണെ എന്ന പ്രാർഥനയുമായി.

നമസ്കാരം,
ഒരിക്കൽ എൻ്റെ സുഹൃത്തുമായി ഉള്ള സംസാരത്തിൽ അവൾ പറഞ്ഞു തന്ന ഒരു കഥയാണിത്. എന്തെങ്കിലും തെറ്റ് കുറ്റങ്ങൾ ഉണ്ടെങ്കിൽ എല്ലാവരും ക്ഷമിക്കുക , ഒന്ന് ഉപദേശിച്ചു വിട്ടാൽ മതി ഞാൻ നന്നയിക്കോളും. പിന്നെ കഴിഞ്ഞ കഥയിൽ എല്ലാവരും നല്കിയ പിന്തുണയ്ക്കും അഭിപ്രായങ്ങള്ക്കും നന്ദി ..♥️
ഈ കഥയും  ഇഷ്ടപെട്ടാൽ ♥️ കുത്തിപൊട്ടികാനും അഭിപ്രായങ്ങൾ കമൻ്റായി രേഖപ്പെടുത്താനും മറക്കല്ലേ…..

സ്നേഹത്തോടെ
മണവാളൻ ❣️