അമ്മ

“കുഞ്ഞോളെ”, അമ്മയുടെ വിളികേട്ട് അവൾ ഉണർന്നു. ‘5 നിമിഷം കൂടി കിടന്നോട്ടെ അമ്മേ പ്ലീസ് ‘ അവൾ പതിവ് പല്ലവി പാടി. “എണീക്കണഉണ്ടൊ, സമയം എത്രയായി ന്നു അറിയോ?നിൻറെ പ്രായത്തിലുള്ള കുട്ട്യോളൊക്കെ വീട്ടു ജോലി ചെയ്യാൻ തുടങ്ങി കാണും… പെണ്ണച്ചാൽ പത്തു മണിയായിട്ടും കിടക്കപയേന്നു എനിക്കില്യചലോ”. പിറുപിറുത്തു കൊണ്ട് അമ്മ ജോലി തുടർന്നു. കുറച്ചു നേരം കഴിഞ്ഞു അവള്കരികിൽ വന്നു അവളുടെ തല കൊത്തികൊണ്ടു ‘എണീക്ക ഉണ്ണ്യേ… വിശകൂലെ മോൾക്ക്‌… മോൾക്ക്‌ ഇഷ്ടമുള്ള പൂരിയും മസാലയും ഉണ്ടാക്കി വച്ചിട്ടുണ്ട്… ഉം എണീക്ക.. “. ചടവ് അകറ്റി കൊണ്ട് അവൾ എഴുന്നേറ്റു.

പതിനെട്ടു വയസ്സായി എങ്കിലും അനു അവളുടെ അമ്മക്ക് എന്നും കൊച്ചു കുട്ടിയായിരുന്നു. കോളേജ്ഉം വീടുമായി നടന്ന അവൾക്കു പഠിത്തത്തിൽ കവിഞ്ഞ ജോലി അവർ നൽകിയിരുന്നില്ല. ചില ദിവസങ്ങളിൽ താളിയില തേച്ചു അവളെ കുളിപ്പിച്ചിരുന്നതു പോലും അമ്മയായിരുന്നു. “ന്താ അമ്മേ ഇത് ഞാൻ കൊച്ചു കുട്ടിയൊന്നുമല്ലട്ടോ” ‘മിണ്ടാതിരുന്നാൽ മതി മുടിയൊക്കെ നല്ലോണം തേച്ചില്ലേൽ പേൻ കൂടും പെണ്ണെ’. ആ അമ്മക്ക് അവളും അനിയത്തിയും ജീവനായിരുന്നു.

ഭർത്താവിന്റെയും മക്കളുടെയും കാര്യങ്ങൾ നോക്കി സ്വന്തം സന്തോഷങ്ങൾ അവർ പാടെ മറന്നിരുന്നു. കുളി കഴിഞ്ഞു ഭക്ഷണവും കഴിച്ചു അനു ടീവിയ്ക്ക് മുന്നിൽ കുത്തിയിരിപ്പായി. അമ്പലത്തിൽ പോയ അനുജത്തി തിരിച്ചു വന്നപ്പോൾ മുതൽ റിമോട്ടിന് വഴക്കായി. “അമ്മേ നിക്ക് ആകെ ഒരീസല്ലേ ലീവ് ഉള്ളൂ… അവൾകാച്ചൽ കോളേജിൽ ഒന്നും പടികാന് ഇല്യ… ഇന്ന് ഞാൻ കാണട്ടെ “‘അന്വേ… അതങ്ക് കൊടുക്കെടി ”അമ്മയ്ക്ക് അല്ലേലും വാവേണോടാ സ്നേഹം ‘.

അനുവിനെക്കാൾ 2 വയസിനു ഇളയതാണ് അനിയത്തി.. അനിയത്തിയെ അടിക്കുന്നതോ വഴക്ക് പറയുന്നതൊ അനുവിന് ഇഷ്ടമല്ല.. അതുപോലെ അവൾക് സുഖമില്ലാത്തയാൾ പരിചരണം ഏറ്റെടുത്തു നടത്തുക അനിയത്തി യാണ്. കണ്ടാൽ കീരം പാമ്പും ആണേലും ഒരാളില്ലാതെ മറ്റെയാള്ക് നിലനിൽപ്പില്ല. ഉച്ചയപ്പോഴേക്കും അച്ഛനുമെത്തി. അങ്ങനെ ആ ദിവസം കളിയും ചിരിയും വഴക്കുമായി മുന്നോട്ടു നീങ്ങി.

പെട്ടെന്നാണ് മൈബൈൽ മെസ്സേജ് ടോൺ കേട്ടു അനു ഉൺാന്നത്. സമയം ഏഴരയായിരുന്നു. വൈകി എഴുന്നേറ്റത്തിന് വഴക്കു കിട്ടും എന്നവൾക് ഉറപ്പാണ്. അരികത്തു കിടക്കുന്ന ഭർത്താവിന്റെ പതിവുമ്മ നൽകി കൊണ്ട് അവൾ പുറത്തു കടന്നു. പ്രഭാതകർമം നിർവഹിച്ച ശേഷം അടുക്കളയിൽ കടന്നു ജോലികളൊക്കെ തീർത്തു… അപ്പോളും അവിടുത്തെ അമ്മയും അച്ചനും ഉറക്കത്തിലായിരുന്നു. വയറ്റിൽ കിടന്നു കുഞ്ഞു ഫുട്ബോൾ തുടങ്ങിയപ്പോളാണ് പാല് കുടിക്കാൻ മറന്ന കാര്യം അവൾ ഓർത്തതു.