അപൂർവരാഗം V (രാഗേന്ദു) 1223

വേച്ചു പോയവൾ നെറ്റി ചുളിച്ചു
എന്നെ ഒന്ന് നോക്കി ശേഷം അവളുടെ ചുണ്ടുകളിൽ ഒരു പുഞ്ചിരി വിടർന്നു.. നേരത്തെ കണ്ട അതെ പുഞ്ചിരി..ആരെയും മയക്കുന്ന ആ പുഞ്ചിരി..

“മ്മ്മ് പോവാം..”

തലയൊന്ന് ആട്ടി അവൾ ഒരു പ്രിത്യേക ഭാവത്തിൽ പറഞ്ഞപ്പോൾ ഒന്ന് കൂർപ്പിച്ചു നോക്കി ഞാൻ വെട്ടി തിരിഞ്ഞു അവിടെ നിന്ന് നടന്നു..

ബൈക്ക് പാർക്ക് ചെയ്തിരുന്ന ഇടത്തേക്ക് എത്തിയതും ഞാൻ അവളെ കാത്തു നിന്നു..തിരിഞ്ഞു നോക്കി.. അവിടെ പ്രകൃതിയും ആസ്വദിച്ചു ചാടി ചാടി വരുന്നു..ജന്തു..!!!

തിരിഞ്ഞു നിന്നു ഞാൻ..

അവൾ എന്റെ അടുത്തു വന്നെന്ന് അറിഞ്ഞതും അവൾക്ക് ബൈക്ക് എടുക്കാൻ വേണ്ടി കുറച്ചു അകന്നു നിന്നു..

“വോണ ഡ്രൈവ്.. എനിക്ക് ഒരു മൂഡ് ഇല്ല..നിന്റെ പുറകിൽ മുറുകെ കെട്ടിപ്പിടിച്ചു ചേർന്നിരുന്നു പോകാൻ തോന്നുന്നു..”

അവൾ അതും പറഞ്ഞു എനിക്ക് നേരെ കീ നീട്ടി..എന്റെ വാ പൊളിഞ്ഞു പോയി…

“ദേ പെണ്ണേ ക്ഷമക്ക് ഒരു അതിരുണ്ട്.. ഛേ!!.. നാണം ഇല്ലാത്ത ജന്തു..!”

പല്ല് ഞെരിച്ചുകൊണ്ട് പറഞ്ഞു..

“ഓക്കെ ഫൈൻ.. എന്ന നടക്കാം.. ഒരു 30 കിലോ മീറ്റർ അല്ലെ ഉള്ളു..നമ്മുക്ക് കൈ കോർത്തുപിടിച്ചു പതുകെ നടക്കാം..എന്ത് പറയുന്നു..”

ഒരു കൂസൽ ഇല്ലാതെ കുസൃതിച്ചിരിയോടെ പറയുന്നവളെ ഞാൻ മിഴിച്ചു നോക്കി.. ഒത്തിരി ദൂരം ഉണ്ട് ഇവിടുന്ന്.. നടക്കുക എന്നു പറഞ്ഞാൽ പറ്റുന്ന പണി അല്ല.. വഴിയിൽ കൂടി ലിഫ്റ്റ് ചോദിച്ചു പോകാം എന്ന് വിചാരിച്ചാൽ പോലും സാധ്യം അല്ല..ഒരുമാതിരി കാട്ടു മുക്ക് പ്രദേശം ആണ്.. എന്ത് നാടാണോ എന്തോ!!..

ഞാൻ പല്ല് ഞെരിച്ചു ദേഷ്യം കടിച്ചമർത്തി..അവൾ കീ വിരലിൽ ഇട്ടു കറക്കുകയാണ്..ശവം..!!