അപരാജിതൻ 40 5203

“ഞാനെ ഇന്ന് വൈകീട്ട് മയങ്ങുമ്പോ ഒരു സ്വപ്നം കണ്ടു”

“എന്ത് സ്വപ്നം ?”

“പറഞ്ഞാ എന്നെ വഴക്ക് പറയോ ?’

“ഇല്ലെടാ ,,നീ പറ”

“നമ്മുടെ അവ്വയാറമ്മയില്ലേ,,പാർവ്വതിയേച്ചി”

“ഹ്മ്മ് ,,,അവൾക്കെന്താ”

‘ഇല്ല ഒന്നൂല്ലാ,,ഈ വീട്ടില് അപ്പുവേട്ടന്റെ വീട്ടുകാരിയായി അവ്വയാറമ്മ താമസിക്കുന്നതും അപ്പുവേട്ടനു ഭക്ഷണം  വെച്ച് വിളമ്പുന്നതുമൊക്കെ കണ്ടു”

“അതൊക്കെ സ്വപ്നമല്ലേ,,ശംഭൂട്ടാ”

“പിന്നെ അപ്പുവേട്ടാ,,ഈ വീടിനു ചുറ്റും നിറയെ താമരപ്പൂക്കൾ നിറഞ്ഞു നിൽക്കുവായിരുന്നു, സ്വപ്നത്തിൽ എനിക്ക് കിട്ടിയ  ആ താമരപ്പൂക്കളുടെ വാസനയിപ്പോഴും എനിക്കോർമ്മയുണ്ട്”

ആദി അത് കേട്ടപ്പോൾ അതിശയത്തോടെ അവനെയൊന്നു നോക്കി.

“അപ്പുവേട്ടാ,,,അത് കണ്ടപ്പോൾ വൈകീട്ട് ഞാൻ വന്നു ശങ്കരന് കൂവളത്തില വെച്ച് പ്രാർത്ഥിച്ചു, അപ്പുവേട്ടന് അവ്വയാറമ്മയെ മംഗലം കഴിക്കാനൊക്കണേന്ന്,,എനിക്കൊരുപാട് ഇഷ്ടാ അവ്വയാറമ്മയെ,,ഒരുപാട് പാവമാ,,അവ്വയാറമ്മ ഇവിടെ വന്നാൽ എനിക്ക് ഏട്ടത്തി കൂടെ ആകില്ലയോ, അപ്പൊ എനിക്കൊരുപാട് സന്തോഷമാകും”

“നിനക്കെന്നെയാണോ അതോ അവളെയാണോ ഇഷ്ടം ശംഭൂട്ടാ”

“അപ്പുവേട്ടനെയാ എനിക്കൊരുപാട് ഇഷ്ടം, പക്ഷെ അവ്വയാറമ്മ അപ്പുവേട്ടന്റെയൊപ്പം ഉണ്ടേൽ അപ്പുവേട്ടനോടുള്ള  ഇഷ്ടം ഒരുപാട് ഇരട്ടിക്കും”

ആദി ഒന്നും മിണ്ടാതെ ചിരിച്ചുകൊണ്ട് അവന്റെ ശിരസിൽ തലോടി.

“ഒക്കെ ,,ഒക്കെ ഈ ശംഭൂട്ടന്റെ  സ്വപ്നങ്ങൾ മാത്രമല്ലേ,,അതൊന്നും ഒരിക്കലും നടക്കില്ല,”

അവനൊന്നും പറയാതെ ആദിയുടെ വിരൽ കവിളിനോട് ചേർത്ത് മുറുകെ പിടിച്ചു കിടന്നു

അല്പം കഴിഞ്ഞവ൯ എഴുന്നേറ്റു

“പോട്ടെ അപ്പുവേട്ടാ ഒറക്കം വരുന്നുണ്ട്”

ആദി അവനെ പോകാൻ അനുവാദിച്ചു.

അവൻ മെല്ലെ കാൽ വലിച്ചു തിരികെ നടന്നു.

@@@@@@@