അപരാജിതൻ 16 [Harshan] 10069

മറ്റുള്ളവർ വരുന്നത് കണ്ടു കൃഷ്ണ പരുന്ത് ചിറകടിച്ചു മുകളിലേക്കു പറന്നു

കൃഷ്ണപരുന്തിനെ കണ്ടതു൦ എല്ലാവരും കൈകൾ കൂപ്പി

കൃഷ്ണ പരുന്തിനെ ഗരുഡമൂർത്തി ആയി ആണല്ലോ സങ്കൽപ്പിക്കുന്നത്

“എന്താ അപ്പു ,,,,,,,ഇവിടെ നിൽക്കുന്നെ ?”

“മണിയേട്ട ,,ഞാൻ ആ ആൽത്തറയിൽ ഇരിക്കുക ആയിരുന്നു , അപ്പോൾ ആണ് ആ പരുന്ത് എന്നെ ഇങ്ങോട്ടു കൊണ്ടുവന്നത് , എന്നിട്ടു ഇവിടെ നിർത്തി ”

എല്ലാവരും അതുകേട്ടു അദ്ഭുതത്തോടെ അവനെ നോക്കി

“ഇവിടെ എന്താ പ്രതിഷ്ഠ ഇല്ലാത്തതു ?”

“അപ്പു ,,,,,,,,,,,,,അവിടെ ഒരു പ്രതിഷ്ഠ ഉണ്ടായിരുന്നു, ഇപ്പോൾ അതില്ല ”

അപ്പു ,,ഒന്നും മനസിലാകാതെ നരനെ നോക്കി

ഒരല്പം പ്രായമുള്ള കൃഷ്ണദേവ അയ്യങ്കാർ എന്ന വ്യക്തി അപ്പുവിന് സമീപ൦ ചെന്നു

“,,,തമ്പി ,,, ഇവിടെ മുന്നേ ഒരു പ്രതിഷ്ഠ ഉണ്ടായിരുന്നു , ആ പ്രതിഷ്ഠ,  അത് ഒരു ആയുധം ആയിരുന്നു,  ആയിരകണക്കിന് വര്‍ഷങ്ങള്‍ക്കു മുന്പ്  മുൻപ് ഈ പ്രദേശത്തു രാക്ഷസശക്തികൾ നിറഞ്ഞു ,  അവർ ഒരുപാട് ദ്രോഹങ്ങൾ ചെയ്തു , യാഗങ്ങളെ യജ്ഞങ്ങളെ ഒക്കെ തടസപ്പെടുത്തി .യുവതികളെ മാനഭ൦ഗപ്പെടുത്തി , കുട്ടികളെ ബലി കഴിച്ചു അങ്ങനെ ഒരുപാട് ദ്രോഹങ്ങള്‍,  തോല്‍പ്പികാന്‍ പോലും സാധിക്കില്ലായിരുന്നു അവരെ അത്രക്കും ശക്തര്‍ ..ഒരു നിവൃത്തിയും ഇല്ലാതെ ആയപ്പോള്‍ അന്ന് നാടു ഭരിച്ചിരുന്ന രാജാവ് ഇവിടെ നിന്നും ഒരുപാട് അകലേ താമസിച്ചിരുന്ന ഭാര്‍ഗ്ഗവകുലത്തെ ബ്രാഹ്മണ യോദ്ധാവിന് മുന്നില്‍ അഭയം പ്രാപിച്ചു , പരശുരാമ ഉപാസകന്‍ ആയിരുന്ന ആ യോദ്ധാവ് ഇവിടെ വന്നു ,  രാത്രിയില്‍ രാക്ഷസ ശക്തികളുമായി ഏറ്റുമുട്ടി,, പക്ഷേ മഹാശക്തരായ അവരെ പരാജയപ്പെടുത്താന്‍ സാധിച്ചില്ല ,,ആ രാക്ഷസന്‍മാര്‍ സൂര്യന്‍ ഉദിച്ചപ്പോള്‍ അവിടെ നിന്നും വേഗം കടന്നു കളഞ്ഞു ,,പകല്‍വെളിച്ചത്തില്‍ അവര്‍ക് ശക്തി കുറയും ,,,പോരാടി തളര്‍ന്ന് നാരായണ മലയിലെ  ശ്രീ മന്നരായണ ക്ഷേത്രത്തില്‍ കിടന്നു ഉറങ്ങിയപ്പോള്‍ ആ  ബ്രാഹ്മണയോദ്ധാവിനു  നാരായണന്‍ , ഭാർഗവരാമന്റ്റെ രൂപത്തില്‍  സ്വപ്നത്തിൽ വന്നു ഒരു ആയുധം ഉപദേശിച്ചു കൊടുത്തു , ആ വീരന്‍ ഉറക്കമുണ൪ന്നു നാരായണ മലയിലെ ശ്രീമന്നാരായണ ക്ഷേത്രത്തിലെ  തീർത്ഥ കുളത്തിൽ മുങ്ങി ഭഗവാ൯ സ്വപ്നത്തില്‍ വന്നു ഉപദേശിച്ച ആ ആയുധം കണ്ടെത്തി. അതായിരുന്നു ആയിരുന്നു ദ്വിവക്ത്ര പരശു എന്ന പേരുള്ള ആയുധം

“ദിവക്ത്ര പരശുവോ ?” അപ്പു ചോദിച്ചു

“അതെ രണ്ടു വായ്ത്തലകൾ ഉള്ള ഭാരമേറിയ പരശു,, ആ ആയുധം കൊണ്ട് ആ രാക്ഷസന്മാരുടെ തല അറുത്തു , ഈ നാടിനെ രക്ഷപ്പെടുത്തി , സന്തോഷവാന്‍ ആയ രാജാവ് , ആ ബ്രാഹമണയോദ്ധാവിന് സകല ബഹുമാനങ്ങളും പുരസ്കാരങ്ങളും ഭൂമിയും ഒക്കെ സമ്മാനിച്ച് ഇവിടെ ഒരു ഭവനം നിർമിച്ചു നൽകി, അങ്ങനെ ആണ് ഭാർഗവഇല്ലം ഇവിടെ താമസമായത്..

അന്ന് രാജാവ് കല്ലിൽ നിർമിച്ച ക്ഷേത്രം ആണ് ഇത് ,, ആ യോദ്ധാവ് ഭഗവാൻ ഉപദേശിച്ച ആ ആയുധം, ഭാർഗവരാമ പ്രതിഷ്ഠക്കു സമീപം ആയി   ശ്രീകോവിലിൽ പ്രതിഷ്ടിച്ചു.

“അപ്പൊ ,പിന്നെ ആ ആയുധം ഇപ്പോൾ എവിടെ പോയി ?” അപ്പു തിരക്കി

“ഒരു ഇരുപത്തി ഏഴുവർഷങ്ങൾക്ക് മുൻപ് രാത്രി ഇവിടെ നിന്നും ആ ആയുധം മോഷ്ടിച്ച് കൊണ്ടുപോയി , ഒരുപാട് ഇടത്തു തേടി എങ്കിലും പിന്നെ കിട്ടിയില്ല, നാടും നാട്ടുകാരും ഒരുപാട് തേടി അലഞ്ഞു  ” അദ്ദേഹം മറുപടി പറഞ്ഞു

“ആര് കൊണ്ട് പോയി എന്ന് ഒരു അറിവും ഇല്ലായിരുന്നോ ?” അപ്പു ചോദിച്ചു

“അന്ന് രാത്രി ഈ പ്രദേശത്തു ഒരു അഘോരി ചുറ്റി തിരിയുന്നുണ്ടായിരുന്നു , ആ അഘോരി സന്യാസി ആയിരിക്കണം , കാരണം രാവിലെ പിന്നെ അയാളെ കണ്ടിട്ടേ ഇല്ല ”

“അപ്പൊ , പ്രതിഷ്ഠ ഇല്ലാതെ ആയാൽ അത് അപശകുനം അല്ലെ ” അപ്പു ചോദിച്ചു.

“ദേവപ്രശനം നടത്തിയപ്പോൾ കണ്ടത്  ഇനി ആരും അതിനെ അന്വേഷികണ്ട ,  ആ ദ്വിവക്ത്രപരശുവിന് ഇനിയും ലക്ഷ്യങ്ങളുണ്ട് , നിഗ്രഹ൦ തന്നെ ,, ആ ലക്ഷ്യ൦ നിറവേറ്റിയാൽ ആ ആയുധം കൈമറഞ്ഞു ഇവിടെ തന്നെ  വന്നു ചേരും , അപ്പോൾ പുനഃ പ്രതിഷ്‌ഠ നടത്തിയാൽ മതി എന്ന്  ,, ”

ഇവിടെ മുന്പ് നടന്നിരുന്ന ചടങ്ങുകൾ അനുസരിച്ചു ഇവിടെ നിന്നും വാദ്യമേളങ്ങളോടെ താലപ്പൊലികളോടെ ആ ഭാർഗവരാമന്റെ മണ്ണിൽ തീർത്ത വിഗ്രഹത്തെ രഥത്തിൽ എഴുന്നള്ളിച്ചു നാരായണമലയിൽ ശ്രീ മന്നാരായണാ ക്ഷേത്രത്തിൽ നാരായണ വിഗ്രഹത്തിനു മുന്നിൽ സമർപ്പിച്ചു

ഭഗവാന്റെ അഭിഷേക ജലത്തിൽ ആ മൺവിഗ്രഹം അലിഞ്ഞു പോകുമ്പോൾ ഭാർഗവരാമൻ നാരായണനിൽ വിലയം പ്രാപിച്ചു എന്നാണ് വിശ്വാസം.,,പക്ഷെ ദേവപ്രശനം നടത്തിയിയപ്പോൾ , ദ്വിവക്ത്ര പരശു തിരികെ ലഭിക്കുന്നത് വരെ ആ ചടങ്ങു ഒഴിവാക്കി മണ്ണുകൊണ്ട് വിഗ്രഹത്തിനു പകരം ദ്വിവക്ത്ര പരശു രൂപം ഉണ്ടാക്കി അതെ ചടങ്ങുകൾ നടത്താൻ ആണ് പറഞ്ഞത് ”

“എന്നിട്ടു ,,,,,,,എന്നിട്ടു നടത്തിയില്ലേ ? അപ്പു ചോദിച്ചു

“ഇല്ല .. സാധിച്ചില്ല ,,നടത്താൻ അനുവദിച്ചില്ല ”