അഗർത്ത 3 [ A SON RISES ] ︋︋︋{✰ʂ︋︋︋︋︋เɖɦ✰} 282

ഡും…….,,,,,,

എന്താണെന്ന് ചിന്തിക്കുന്നതിന് മുൻപേ എല്ലയുടെ കൈ മുഷ്ട്ടി എന്റെ നെഞ്ചിൽ പ്രഹരമേൽപ്പിച്ചിരുന്നു…..,,, അതിന്റെ ശക്തിയിൽ ഞാൻ കുറെ പുറകിലേക്ക് തെറിച്ചു പോയി..,, വീണു….,, മേലാകെ വേദന എവിടെക്കെയോ പോറൽ ഏറ്റിട്ടുണ്ട്…… കൈയിലുണ്ടായിരുന്ന വാൾ കുറച്ചു അപ്പുറത് വീണു കിടക്കുന്നു…… കരഘോഷം മുഴങ്ങുന്നുണ്ട്……,,,

മെല്ലെ തലയുയർത്തി നോക്കി അവൾ എന്റെ നേരെ നടന്നു വരുന്നുണ്ട്….. ഇനിയും ഇങ്ങനെ കിടന്നാൽ ശെരിയാവില്ല എന്ന് തോന്നി ഞാൻ എഴുന്നേറ്റു…… വീണു കിടക്കുന്ന വാളെടുത്തു….. നെഞ്ചിൽ ഒക്കെ ഭയങ്കര വേദന…. ഞാൻ വിചാരിച്ചതിലും ശക്തിയാണിവൾ എന്ന് എനിക്ക് മനസിലായി………,,,

ഒന്ന് ദീർഘ ശ്വാസമെടുത്ത് ഞാൻ അവളെ നോക്കി എന്റെ നേരെ സാവധാനം നടന്നു വന്നിരുന്നവൾ പെട്ടന്ന് മുകളിലേക്ക് ഉയർന്ന് ചാടി…….,,, എന്റെ നേരെ വാള് വീശി….പെട്ടന്ന് വലത് ഭാഗത്തേക്ക്‌ മാറിയത് കൊണ്ട് ഒന്നും പറ്റിയില്ല….. എന്നാൽ അവളുടെ അടുത്ത നീക്കം വളരെ വേഗമായിരുന്നു……..

എന്റെ വാലുവീശീയപ്പോൾ വലത്തൊട്ട് തിരിഞ്ഞവൾ പെട്ടന്ന് ഒന്ന് വട്ടം കറങ്ങി ഒന്നു കൂടെ വാൾ എന്റെ നേരെ വീശി….. എന്നാൽ ഞാൻ പെട്ടന്ന് തന്നെ എന്റെ കൈയിലെ വാൾ ഉപയോഗിച്ച് അതിനെ പ്രതിരോധിച്ചു……,,,,, ഞാൻ അവളുടെ ആക്രമണം തടഞ്ഞത് കണ്ട് അവൾ എന്നെ ഒന്ന് നോക്കി…. അവൾ ശക്തിയിൽ വാൾ എന്റെ വാളിൽ അമർത്തിയതും എനിക്ക് അവളുടെ ശക്തി താങ്ങാൻ കഴിഞ്ഞില്ല……,,, ഞാൻ മുട്ട് കുത്തിയിരുന്നു പോയി……

തോറ്റു പോകരുതെന്ന് ആരോ ഉള്ളിൽ നിന്ന് പറയുന്നത് പോലെ ഒരു ഫീൽ…. സർവ്വശക്തിയുമെടുത്ത് ഞാൻ വാളുകൊണ്ട് തിരിച്ച് ഉന്തി…..പെട്ടന്ന് ഉണ്ടായ പ്രതികരണത്തിൽ അവൾ പുറകിലേക്ക് പോയി….,,, ഞാൻ എഴുന്നേറ്റ് നിന്ന് കിതച്ചു…….,,, പക്ഷേ പുറകിലേക്ക് പോയവൾ എന്റെ നേരെ വാൾ വീശിയതും ഞാൻ എന്റെ വാളുകൊണ്ട് തടുത്തു…….. അവൾ തലങ്ങും വിലങ്ങും വാൾ വീശി കൊണ്ടിരുന്നു….,,,, അതൊക്കെ ഞാൻ തടുക്കുകയും ചെയ്തു……….,, എനിക്ക് അത് ഇങ്ങനെ കഴിയുന്നു എന്ന് എനിക്ക് മനസിലായില്ല………..