True Demon : King of Hell 4 [Illusion Witch] 728

ഇപ്പൊ എന്താ ഉണ്ടായേ എന്ന് ചോദിക്കും പോലെ ഇതൊക്ക കണ്ട് ബെല്ലയും കൂട്ടുകാരിയും പരസപരം നോക്കി. അന്തിച്ചു നിൽക്കുന്ന അവരെ രണ്ടുപേരെയും നോക്കി ഒന്ന് കണ്ണ് അടച്ച് കാണിച്ചിട്ട് ലൂസിഫർ മല ഇറങ്ങാൻ പോയി. അന്നേരം ആണ് ഒരു രൂപം കിതച്ചു കൊണ്ട് മുകളിലേക്ക് കേറിവന്നത്. നേരത്തെ ലൂസിഫർ കണ്ട ആജാനബാഹു. അവനെ കണ്ടപ്പോൾ ലൂസിഫർ ഒന്ന് ചിരിച്ചു. എന്നാൽ ലൂസിഫരെ കണ്ടതും അവന്റെ മുഖം മാറി. എന്തോ frustrated ആയ ഭാവത്തിൽ അവൻ മുഷ്ടി ചുരുട്ടി. പിന്നെ ബാഡ്ജ് വെച്ചിരുന്നു കല്ലിന്റെ അടുത്തേക്ക് നടന്നു.

” എന്താ ഇവന്റെ പ്രോബ്ലം?? Aaa” ലൂസിഫർ മനസ്സിൽ ആലോചിച്ചു. പിന്നെ തല നന്നായി ഒന്ന് വെട്ടിച്ചിട്ട് മല ഇറങ്ങി.

” ബെല്ല…. ബെല്ല…. 8th പ്രിൻസ് ന്റെ മൂവ് നീ കണ്ടോ?? അത് എന്ത് marital art ആ?? ” കൂട്ടുകാരി ബെല്ലയോട് ചോദിച്ചു. അത്രയും നേരം അടിമകുമാരൻ എന്ന് കളിയാക്കി വിളിച്ചിരുന്ന അവൾ ബഹുമാനത്തോടെ 8th പ്രിൻസ് എന്നാണ് ഇപ്പൊ വിളിച്ചത്. പക്ഷെ ആ മാറ്റം അവൾ തിരിച്ചറിഞ്ഞില്ല.

” ആ എനിക്ക് അറിയില്ല. അയ്യോ കുമാരൻ പോയി നമുക്കും പോവാം ” ബെല്ല അപ്പോഴാണ് ബോധത്തിൽ ആയത്. ലൂസിഫറിന്റെ ഒരു നൃത്തം പോലെ മനോഹരമായ അറ്റാക്ക് ആയിരുന്നു  അവളുടെ മനസ്സ് നിറയെ. അവൾ വേഗം കൂട്ടുകാരിയെയും കൊണ്ട് മല ഇറങ്ങി.