Hi Porus…,

വളരെ നല്ല തീം. എനിക്ക് ഏറ്റവും ഇഷ്ടപ്പെട്ട തരത്തിലുള്ള genre ആണിത്. കഥ മുന്നോട്ട് കൊണ്ട് പോകുന്ന രീതിയും നന്നായിട്ടുണ്ട്. കഥയ്ക്ക് നല്ലോരു ഫ്ലോയും ഉണ്ട്. ഇതെല്ലാമാണ് എന്നെ പിടിച്ചിരുത്തി രണ്ട് പാര്‍ട്ടിനേയും ഒരുമിച്ച് വായിപ്പിച്ചത്.

പിന്നേ എനിക്ക് പ്രത്യേകിച്ച് പറയാനുള്ളത്: (തെറ്റായ രീതിക്ക് നിങ്ങൾ എടുക്കില്ല എന്ന വിശ്വാസത്തോടെ)
* കഥ എഴുതാന്‍ തുടങ്ങി കഴിഞ്ഞാൽ, ഈ കഥ തുടരണോ വേണ്ടയോ എന്ന ചോദ്യം ശെരിയല്ല — കാരണം (എന്റെ കാര്യത്തിൽ) സ്വന്തം എഴുത്തില്‍ വിശ്വസം ഇല്ലെങ്കില്‍ മാത്രമേ അങ്ങനെയുള്ള ചോദ്യം വായനക്കാരോട് ഞാൻ ചോദിക്കു.

* പിന്നെ ചില വാക്കുകളില്‍ ആദ്യത്തെ അക്ഷരം മാറി കിടക്കുന്നത് കാരണം ആ വാക്കിന്റെ അര്‍ത്ഥം തന്നെ മാറി പോയതായി കാണാന്‍ കഴിഞ്ഞു (“ഇവിടെ കൊണ്ട് വരാൻ കാരണം” എന്നതിന് പകരം “എവിടെ കൊണ്ടുവരാന്‍ കാരണം” എന്നു കിടക്കുന്നു… അതുപോലെ കുറെ വാക്കുകള്‍ ഉണ്ട്)

*സ്പെല്ലിംഗ് mistakes കഴിയുന്നതും മാറ്റാൻ ശ്രമിക്കുക (ഞാനും അത്ര തെളിഞ്ഞ എഴുത്തുകാരൻ ഒന്നുമല്ല. ഞാൻ എഴുതുമ്പോള്‍ എല്ലാ തരത്തിലുമുള്ള ഒരുപാട്‌ mistakes വരാറുണ്ട്, അത് പലരും എപ്പോഴും പറയാറുമുണ്ട്…)

കഥ വായിച്ചപ്പോൾ നിങ്ങള്‍ക്ക് നന്നായി എഴുതാനുള്ള കഴിവുണ്ടെന്ന് മനസ്സിലായി. കഴിവുള്ള നിങ്ങൾ കുറച്ചൊന്നു മനസ്സിരുത്തി എഴുതിയാല്‍ ഇതെല്ലാം പരിഹരിക്കാൻ കഴിയും എന്നാണ് എന്റെ വിശ്വാസം.

ഈ കഥ എനിക്ക് വളരെയധികം ഇഷ്ടമായത് കൊണ്ടാണ് ഇത്രയും പറയാൻ കാരണം.

നന്നായി എഴുതാന്‍ എന്റെ ആശംസകള്‍. അടുത്ത പാര്‍ട്ടിനായി കാത്തിരിക്കുന്നു.

സ്നേഹത്തോടെ ♥️❤️♥️