പ്രണയം അനശ്വരമാണ്…
പ്രണയം മരണത്തേക്കാൾ ശക്തമാണ്…പ്രണയത്തിൽ നമ്മൾ കേട്ടിട്ടുള്ളതെല്ലാം വിജയ കഥകൾ ആയിരിക്കും.. അല്ലെങ്കിൽ നഷ്ട പ്രണയത്തിന്റെ വിരഹ കഥകൾ ആയിരിക്കും…പക്ഷേ അതിനേക്കാൾ കൂടുതൽപേർക്ക്‌, അല്ലെങ്കിൽ നമ്മൾ ഓരോരുത്തര്‍ക്കും പറയാനുണ്ടാവും, തിരിച്ചറിയാതെ പോയ ഒരു പ്രണയത്തിന്റെ കഥ…

ഒരിക്കലും പറയാൻ സാധിക്കാതെ പോയതോ അല്ലെങ്കിൽ ശരിയായ സമയത്തിന് വേണ്ടി കാത്തിരുന്ന് അവസരം നഷ്ടമായതോ ആയ പ്രണയത്തിന്റെ കഥ…

ടൈറ്റാനിക് എന്ന ചിത്രത്തിന്റെ അവസാന ഭാഗത്ത് റോസ് പറയുന്ന ഒരു സംഭാഷണം ഉണ്ട്..

“ജാക്കിന്റെ മരണ ശേഷം അവർ അദ്ദേഹത്തെ കുറിച്ച് ആരോടും സംസാരിചിരുന്നില്ല, അവരുടെ ഭർത്താവിനോട് പോലും.. ഒരു സ്ത്രീയുടെ മനസ്സ് രഹസ്യങ്ങളുടെ സമുദ്രമാണ്… (A women’s heart is an ocean of secrets.)”

തന്റെ പ്രണയത്തെ എന്നെന്നേക്കും ആയി തന്റെ മനസ്സിൽ ഒതുക്കിയ റോസിന്റെ കഥ ഒറ്റപ്പെട്ടത് അല്ല… ഒരു പക്ഷെ നമുക്കിടയിലും അങ്ങനെ ഉള്ളവർ ഉണ്ടായിരിക്കാം… മൊയ്തീനെ പ്രണയിച്ച കാഞ്ചനമാല അതിനൊരു ഉദാഹരണം മാത്രമാണ്…

റോഷൻ റിച്ചാർഡ് എന്ന എന്റെ കഥ ആരംഭിക്കുന്നതും പറയാതെ പോയ, അല്ലെങ്കിൽ ശരിയായ സമയത്ത് പറയാതെ പോയ ഒരു പ്രണയത്തിൽ നിന്നുമാണ്……………………………..

??????????????

നാളെ ഞാനും കുടുംബവും അമേരിക്കയിൽ നിന്നും ഹംഗറിയിലേക്ക് പോവുകയാണ്…

ഞാൻ ജനിച്ചതും വളർന്നതും ഒക്കെ അമേരിക്കയിൽ ആയിരുന്നെങ്കിലും എന്റെ അച്ഛന്റെയും അമ്മയുടെയും ജന്മ നാട് ഹംഗറി ആയിരുന്നു.. ശരിക്കും പറഞ്ഞാൽ ഞാൻ ഒരു അമേരിക്കൻ – ഹംഗേറിയൻ ആയിരുന്നു..

അച്ഛനും അമ്മയും ബിസിനസ്സ് കുടുംബത്തിൽ ഉള്ളവരും അതെ പ്രൊഫഷനിൽ ഉള്ളവരും ആയതുകൊണ്ട് സ്വാഭാവികം ആയും ഞാനും അല്ലെങ്കിൽ എന്റെ താൽപര്യങ്ങളും ബിസിനസിലേക്ക് തന്നെ ആയിരുന്നു…

ഇംഗ്ലണ്ടിലെ ഓക്സ്ഫോർഡ് യൂണിവേഴ്സിറ്റിയിൽ നിന്ന് ബിസിനസ് അഡ്മിനിസ്ട്രേഷനിൽ ബിരുദം നേടുക എന്നതായിരുന്നു എന്റെ ഏറ്റവും വലിയ സ്വപ്നം…

നാളെ രാവിലെ ആണ് ഫ്ളൈറ്റ്.. സാധനങ്ങൾ എല്ലാം പാക്ക്‌ ചെയ്യുന്ന തിരക്കിൽ ആയിരുന്നു ഞാൻ.. അത്രയും പ്രിയപ്പെട്ടത് എന്ന് തോന്നുന്ന സാധങ്ങൾ മാത്രം ആണ് കൊണ്ട് പോകാൻ പ്ലാൻ ചെയ്തിരിക്കുന്നത്…

പെട്ടന്നാണ് ഫോൺ റിംഗ് ചെയ്തത്.. നോക്കുമ്പോൾ ലീനയാണ്…

“ഹലോ ലീന..??”

“റോഷൻ.. നീ തിരക്കിൽ ആണെന്ന് അറിയാം.. അത്യാവശ്യം ആയതൊണ്ട് ആണ് വിളിച്ചത്…”

“നോ പ്രോബ്ലം ലീന.. എന്താ കാര്യം..??”