ശിവശക്തി 7 [പ്രണയരാജ] 298

അതെ, ജീവൻ്റെ നേർപാതിയായി ശക്തി ശ്രോതസ്സായി, ആരോ അലിഞ്ഞു ചേർന്നു.

അതിനർത്ഥം

അതെ, അതാരു തന്നെയായാലും , ശിവാംശത്തിൻ്റെ ശക്തികളുടെ പത്തിലൊന്ന് ശക്തി ആ വ്യക്തിയിലും പ്രകടമാകും.

അപ്പോ…….

ആ വ്യക്തിയെ കൊണ്ട് ശിവാംശത്തെ അനുസരിപ്പിക്കാനാവും, ഏതു നിയമവും തെറ്റിക്കാനാവും

അപ്പോ കുഞ്ഞ് പാപകർമ്മം ചെയ്താൽ

ആ വനം, അവനു മുന്നിൽ വഴി തുറക്കില്ല.

അപ്പോ ദിവ്യാസ്ത്രം

അതവന് കാണാൻ പോലും സാധിക്കില്ല.

ആരാണ് ആ വ്യക്തി.

അതു മാത്രം അറിയാൻ കഴിയുന്നില്ല

എന്താ… ആചാര്യാ…. പറയുന്നത്

അതെ, അതു തേടുമ്പോ നാം കാണുന്നത്, ഓംങ്കാര ചിഹ്നത്തിൽ ജ്വലിക്കുന്ന അഗ്നിയാണ്.

എന്താ… ഈ പറയുന്നത്

അതെ, വൈഷ്ണവാ… ആ ശക്തിക്കു പിന്നിലാണ് ആ വ്യക്തിയുടെ മുഖം , ആ ശക്തിയെ നമുക്ക് മറികടക്കാനാവുന്നില്ല.

വർണ്ണശൈല്യമിന്ന് പരിഭ്രാന്തിയിലാണ്. ഇന്നു വരെ കാണാത്ത രൗദ്ര താണ്ഡവം ആടുകയാണ് പ്രകൃതി. മൃഗങ്ങളുടെ അമറലും, കടപുഴകി വീഴുന്ന വൃക്ഷങ്ങളുടെ ശബ്ദവും എല്ലാം കേൾക്കാം. വല്ലാത്തൊരവസ്ഥ.