ശിവശക്തി 7 [പ്രണയരാജ] 298

ഒരു നിമിഷം കൊണ്ട് നേടാൻ കഴിയുന്ന ഒന്നല്ല അത്, കൃത്യമായ നിഷ്ഠയോടെ, സ്വയം മറന്ന് സ്വാതികഭാവത്തിൻ്റെ ഉച്ഛസ്തായിയിൽ ദൈവീകത്വത്തിൽ നിന്നു കൊണ്ട് പ്രീതി നേടുന്ന കഠിന തപസ്സ്. പഞ്ചഭൂതങ്ങളെ ജയിക്കണം അതിന് . പഞ്ചഭൂതങ്ങളിൽ പ്രധിനി അഗ്നി . ആ അഗ്നിയെ ജയിക്കുവാനുള്ള പൂജയാണിവിടെ നടക്കുന്നത്. അഗ്നിയെ ജയിച്ചാൽ മറ്റു നാലു പഞ്ചഭൂതങ്ങളെയും ജയിക്കാനാവും

അഗ്നി പഞ്ചഭൂതങ്ങളിൽ ഒന്നാമൻ, കാരണം മറ്റു ഭൂതഗണങ്ങൾക്ക് ഇല്ലാത്ത അഗ്നിയുടെ കഴിവ്. മറ്റു നാലു ഭൂതങ്ങളും അഴുക്കിനെ കഴുകി കളയുമ്പോ സ്വയം മലിനമാകുന്നു. എന്നാൽ അഗ്നി ഏതഴുക്കിനെയും അഗ്നിയിൽ ശുദ്ധി വരുത്തുന്നതോടൊപ്പം സ്വയം ശുദ്ധമായി നിൽക്കുന്നു.

71 കന്യകമാർ അവർക്കായി കാത്തിരിക്കുന്ന പരീക്ഷണങ്ങൾ അറിയാതെ, അവരുടെ സംരക്ഷകൻ്റെ സംരക്ഷണത്തിനായി സ്വയം മറന്ന് അഗ്നിശുദ്ധിക്കായി, പൂജകൾ നടത്തുന്നു. ലക്ഷ്യം കാളി പ്രീതി മാത്രം.

?????

സന്ധ്യ സമയം, കർത്തുമ്പിയും അപ്പുവും മുറിയിലായിരുന്നു. ആ സമയം അപ്പുവിൻ്റെ കൈകൾ അവളുടെ വലതു നെഞ്ചിന് മുകളിൽ ആയിരുന്നു. തൻ്റെ കൈ പത്തി അവരുടെ നെഞ്ചിൽ അമർത്തി വെച്ച അപ്പുവിനെ നോക്കിയ അവൾ കണ്ടത് വശ്യമായ ഒരു പുഞ്ചിരിയോടെ അവൻ തന്നെ നോക്കുന്നതാണ്.

പെട്ടെന്ന് ഒരു ഇടി മുഴക്കം കേട്ടു കാർത്തുമ്പി ഒന്നു ഞെട്ടി. പെട്ടെന്നു തന്നെ ശക്തമായ മഴയും പെയ്തു. കരണ്ടു പോയതും അവിടെയാകെ അന്ധകാരം പരന്നു.

മോളെ…. അമ്മ തുണിയെടുത്തിട്ടു വരാം….

വാതിൽക്കൽ നിന്നും വിളിച്ചു പറഞ്ഞു കർത്തുമ്പിയുടെ അമ്മ തുണിയെടുക്കാൻ പോയി. അപ്പു കാർത്തുമ്പിയുടെ മുകളിൽ ഇരിക്കുന്നു. കൈകൾ അവളുടെ മാറിനു മുകളിലും. അവൻ്റെ മുഖത്തെ പുഞ്ചിരി കൂടി വന്നു. മഴയും കനത്തു വന്നു. ശക്തമായ കാറ്റും , ഭീതിപ്പെടുത്തുന്ന അന്തരീക്ഷം, ചുറ്റും ആർത്തിരമ്പി പെയ്യുന്ന മഴ.

ഇരുട്ടിൽ ആ മുറിയിൽ അപ്പുവിനും കാർത്തുവിനും പരസ്പരം കാണാൻ കഴിയില്ല എന്ന അവസ്ഥ. ആ സമയം കാർത്തുമ്പിയുടെ നെഞ്ചിൻ്റെ ഭാഗത്ത് ഒരു ചുവന്ന പ്രകാശം തെളിഞ്ഞു വന്നു. ഒറ്റ നോട്ടത്തിൽ ആ വെളിച്ചത്തെ അപ്പു തൻ്റെ കൈകൾ കൊണ്ട് പൊത്തിപ്പിടിച്ചതു പോലെ.

ഭയചകിതയായ കർത്തുമ്പി എഴുന്നേൽക്കാൻ ശ്രമിച്ചെങ്കിലും അതു നടക്കാതെ വന്നു. കാരണം അവളുടെ ശരീരം പൂർണ്ണമായി തളർന്നിരിക്കുന്നു. അവൾക്ക് എഴുന്നേൽക്കാൻ ആഗ്രഹമുണ്ട് , അവൾ അതിനായി പരിശ്രമിക്കുന്നുമുണ്ട് പക്ഷെ ശരീരം അതിനോടൊത്ത് പ്രതികരിക്കാത്ത അവസ്ഥ.