ശിവശക്തി 6 [പ്രണയരാജ] 277

അമ്മേ… അപ്പുവിന് നൊന്താ… എനിക്ക് ഭ്രാന്താവുമേ….

മോളെ ഞാൻ

അവൾ ദേഷ്യം കടിച്ചമർത്തി കൊണ്ട് പറഞ്ഞു.

അമ്മ എനി ഈ മുറിയിൽ കയറണ്ട

മോളെ….

കയറണ്ട, അതോണ്ടല്ലേ ഇവനെ

നീ ഒന്ന് ക്ഷമിക്ക് എനിക്കു തെറ്റു പറ്റി

അമ്മക്കിവനെ ഇഷ്ടമല്ലെ അതു പറഞ്ഞാ പോരെ എന്തിനാ ഇങ്ങനെ

ദേ… കാർത്തു ഒന്നു ഞാൻ തന്നാലുണ്ടല്ലോ…

ഈ തക്കുടുവിനെ ആർക്കാ ഇഷ്ടപ്പെടാതിരിക്കാൻ പറ്റാ…

ആന കുത്തിയാലും നീ എഴുന്നേക്കില്ല പക്ഷെ ഇവൻ ഒച്ചയിട്ടാ അപ്പോ പൊന്തും അതാ ഞാൻ

ഉം…

അവൾ ഒന്നു ശാന്തമായ ശേഷം പതിയെ മൊഴിഞ്ഞു.

അതെനിക്കും അറിയില്ല അമ്മെ , അവൻ കരഞ്ഞാ… വിളിച്ചാ… ചങ്കിൽ തീയാ… ഞാനറിയാതെ എന്തൊക്കെയോ…

അതൊക്കെ പോട്ടെ നീയിത് കുടിച്ചേ…

എന്താ അമ്മേ….

പാൽക്കത്തിയാ….

ഇനിക്കൊന്നും വേണ്ട

ദേ… കുടിക്കാൻ നോക്ക്,

അയ്യോ… ചൂടു തണഞ്ഞല്ലോ… അമ്മ ഇപ്പോ ചൂടാക്കി കൊണ്ടു വരാം

അതൊന്നും വേണ്ട അമ്മേ…

അതെന്താടി, ചൂടോടെ കുടിക്കാനല്ലെ രസം

ഇവനുള്ളതല്ലെ ചിലപ്പം  പൊള്ളും ഇങ്ങു താ…

അവളത് വാങ്ങി കട്ടിലിൽ വെച്ച്, മെല്ലെ സ്പൂണിൽ  കോരി കുടിക്കാൻ തുടങ്ങി.

ആ സമയം അപ്പു മെല്ലെ വന്ന് പാൽ കഞ്ഞിയിൽ തൻ്റെ കുഞ്ഞി കൈയ്യിട്ടു, വറ്റു ഞമിണ്ടാൻ തുടങ്ങി.

അയ്യോ… അപ്പൂ…

എന്താ അമ്മേ….

അവൻ, കൈ,…

അതു സാരമില്ലമ്മേ….

കാർത്തൂ… നീ തന്നെ ആണോ ഈ പറയുന്നെ

എന്താ അമ്മേ…

ഞാനെൻ്റെ കൈ കൊണ്ട് ചോറുരുട്ടി തന്നാൽ പോലും അറപ്പാവണെന്നു പറയുന്ന നീ…

അമ്മെ അതൊക്കെ വിട്ടേ….

അവളുടെ അമ്മ ആശ്ചര്യത്തോടെ ആണ് ആ കാഴ്ച്ചയൊക്കെ കണ്ടു നിന്നത്.

അപ്പു കഞ്ഞിയിൽ കൈ ഇട്ട് ചോറു വറ്റ് ഞമണ്ടി ഉടയ്ക്കുന്നു . ഇടക്ക് കൈ ഉയർത്തി കഞ്ഞിവെള്ളവും പാലും കലർന്ന മിത്രിതം നക്കി കുടിക്കുന്നു.