ശിവശക്തി 6 [പ്രണയരാജ] 277

അടുത്ത നിമിഷം ആ സ്വരും ജോതിയായി രൂപാന്തരം കൊണ്ടു. പിന്നെ അപ്രത്യക്ഷമായി. ഹരിനാരായണൻ മിഴികൾ തുറന്ന് തൊഴുത ശേഷം തിരികെ പോയി.

തലക്കുറി എടുത്ത് ഗണിച്ച, ഹരിനാരായണൻ്റെ മുഖത്ത് പല ഭാവങ്ങളും മിന്നിമറിഞ്ഞു. അദ്ദേഹം കാർത്തുമ്പിയുടെ അമ്മയോടായി പറഞ്ഞു.

അമ്മേ… ഈ തലക്കറിക്ക് ഞാൻ മുന്നെ പറഞ്ഞതൊക്കെ മറക്കാ….

അത്, തുരുമേനി എന്താ….

ആർക്കും കിട്ടാത്ത മഹാഭാഗ്യങ്ങൾ കൈവന്ന ജാതകമാ… ഇത് , അപൂർവ്വങ്ങളിൽ അപൂർവ്വ ജാതകം

എനിക്കൊന്നും…

മനസിലാവണില്ല, അതല്ലെ,

അതെയെന്നു കാർത്തുമ്പിയുടെ അമ്മ തലയാട്ടി.

അതികം ഒന്നും പറയാൻ എനിക്കാവില്ല, പക്ഷെ ചിലതു പറയാം , നമ്മളല്ലാതെ മറ്റാരും അറിയരുത്.

ഇല്ല.

കുഞ്ഞിനെ ഓർത്ത് എനി വേവലാതികൾ വേണ്ട, അതു സാക്ഷാൽ ശിവാംശമാണ്

തിരുമേനി…..

സാക്ഷാൽ മഹാദേവൻ്റെ മാതൃസ്ഥാനത്താണ് ഈ ജാതകക്കാരി…..

തിരുമേനി…..

ആ അമ്മയ്ക്ക് എന്തു പറയണം എന്നറിയില്ലായിരുന്നു.

മുപ്പത് വയസ് ആയുസ്സ് നാം പറഞ്ഞത് ഈ ജാതകക്കാരിക്ക്, എന്നാൽ ഇപ്പോ അവളുടെ മരണം ലിഖിതമല്ല

ഞാനെന്താ… കേൾക്കുന്നത്.

പക്ഷെ ഒന്നുണ്ട്

എന്താ… തിരുമേനി

അത്

പറയൂ….

നിങ്ങൾ, അൽപ്പായുസ്സാണ്

ഞാനോ…..

അതെ, ഈ ജാതകത്തിൽ വന്ന മാറ്റ പ്രകാരം, നിങ്ങൾക്ക് മൃത്യു യോഗം കാണുന്നു.

നേരാണോ തിരുമേനി,

അതെ, ഒരു പക്ഷെ നിങ്ങൾ മാത്രമാണ് മകൾക്കുള്ള ബന്ധം അതും അറുത്താൽ ശിവാംശവും ഈ ജാതകക്കാരിയും ഒരിക്കലും പിരിയില്ല

പക്ഷെ , അവൾ പിന്നെ

എന്താ പറയുന്നത്, ഈ പ്രപഞ്ചവും അവൾക്കു സ്വന്തമാണിപ്പോ… അവൾ ആഗ്രഹിക്കുന്നത് നടക്കും, അവൾ അരുളുന്നത് നടക്കും, സർവ്വ ഐശ്വര്യങ്ങളും അവൾക്കുണ്ട്. പക്ഷെ

എന്താ….