ശിവശക്തി 6 [പ്രണയരാജ] 277

ഒരു നിമിഷം പാൽ കുടി നിർത്തിയ ബാലശിവ അവളുടെ മുഖത്തേക്കു നോക്കി. പുഞ്ചിരിയോടെ മൊഴിഞ്ഞു.

അമ്മേ……….

ഹരിനാരായണൻ തൻ്റെ മിഴികൾ തുറന്നു. രാശിപ്പലകയിലേക്ക് തലക്കുറി വെച്ചു. ഭയഭക്തിയോടെയാണ് ആ തലക്കുറി അദ്ദേഹം നോക്കി നിന്നത്. തലക്കുറി ഗണിക്കാനായി മനസിനെ സജ്ജമാക്കാനായി അദ്ദേഹം ഒരു നിമിഷം ധ്യാനിച്ചു.ആ സമയം  ഒരു അശരീരി അദ്ദേഹത്തെ തേടിയെത്തി.

സാക്ഷാൽ മഹാദേവൻ്റെ മാതാവിൻ്റെ തലക്കുറിയാണ് നീ… ഗണിക്കാൻ തുനിയുന്നത്…..

അദേഹം മിഴികൾ തുറന്നു.

അമ്മേ…. ഒരു നിമിഷം ഞാനിപ്പോ വരാം

കാർത്തുമ്പിയുടെ അമ്മ അതിശയത്തോടെയാണ് അതു കേട്ടു നിന്നത്, സിദ്ധനായ ഹരിനാരായണ തിരുമേനി ബഹുമാനത്തോടെ തന്നെ അമ്മേ… എന്നു അഭിസംബോധനം ചെയ്തിരിക്കുന്നു. കാർത്തുമ്പിയുടെ അമ്മയിൽ നിന്നും  സമ്മതം വാങ്ങി. അവിടെ തന്നെ ഒരുക്കിയ ചെറിയ പൂജാമുറിയിലേക്ക് ഹരിനാരായണൻ കയറി.

നൂറ്റാണ്ടുകൾ പഴക്കമുള്ള കുഞ്ഞു ശക്തി പ്രതിഷ്ഠയ്ക്കു മുന്നിൽ തിരി കൊളുത്തി. അദ്ദേഹം ധ്യാനത്തിലിരുന്നു. ആവാഹന മന്ത്രങ്ങൾ ചൊല്ലി,

അമ്മേ…. മഹാമായേ….. ദർശനം നൽകിയാലും….

അകക്കണ്ണിൽ ഒരു ജോതി പതിയെ തെളിഞ്ഞു വന്നു. പതിയെ ആ ജോതി സ്വരൂപം പ്രാപിച്ചു.

ചുവന്ന പട്ടുടുത്ത് ആടയാഭരണങ്ങൾ അണിഞ്ഞ്, സിംഹത്തിനു മുകളിൽ വിരാചിതയായി ആയുധമേന്തിയ സക്ഷാൽ ദുർഗ്ഗദേവി സ്വരൂപം.

അമ്മേ…. മഹാമായേ….

ഹരിനാരായണാ…..

അമ്മേ…. അടിയനു സംശയങ്ങൾ തീർക്കാൻ അമ്മയ്ക്കേ…. ആവൂ….

അങ്ങനെയാവട്ടെ,

ആ നീച ജാതക ബാലിക എങ്ങനെ, എന്തു കൊണ്ട് മഹാദേവ മാതൃസ്ഥാനം നേടി….

എല്ലാം ശിവലീല അതിനുത്തരം സാക്ഷാൽ മഹാദേവനു മാത്രം പറയാനാവൂ….

എങ്കിൽ അമ്മേ… തൃക്കണ്ണിലെ കോപാഗ്നി, ബാലികയുടെ മരണമാണോ സൂചിപ്പിക്കുന്നത്, എന്തു കൊണ്ടവൾ ഭസ്മമായില്ല.

മരണമില്ലാത്തവൾക്ക് മരണ സൂചനയോ… ഹരിനാരായണാ……

ഒരു മാതാവിനെ സ്വന്തം കുഞ്ഞ് പ്രഹരിച്ചാൽ അതവൾക്ക് നോവുമോ….. അതും അമ്മയ്ക്ക് കുഞ്ഞിൻ്റെ സ്നേഹമാണ്, ശിവജനനിയാണവൾ ആ കോപാഗ്നി നേരിടാൻ പ്രാപ്തമായവൾ, സാക്ഷാൽ ശക്തിക്കും അമ്മയ്ക്കും  മാത്രം സാധിക്കുന്നവൾ

അമ്മ എന്ന് വിശേഷിപ്പിക്കുന്നത്.

ആ തലക്കുറിയുടെ ഉടമയെ തന്നെ,

സാക്ഷാൽ മഹാമായയും അമ്മയെന്ന്,

ഭർതൃമാതാവിൻ്റെ സ്ഥാനം , ഈരേഴുലകത്തിലും ആർക്കും ലഭിക്കാത്ത മഹാഭാഗ്യം . അതിനു അതിൻ്റേതായ ചിട്ടകൾ ഉണ്ട്. ആ സ്ഥാനം നാം നൽകേണ്ടതാണ്

അമ്മേ……

ഹരിനാരായണാ… കൂടുതൽ പറയുക അസാധ്യം. സാക്ഷാൽ മഹാദേവൻ രചിച്ച ലീലയാണിതെല്ലാം അതിൽ നമുക്കു അനാവനീയമായതെല്ലാം നാം നിനക്കു നൽകി. ഒന്നോർക്കുക ഇതു വിനാശത്തിൻ്റെ വഴി കൂടിയാണ്.