ശിവശക്തി 6 [പ്രണയരാജ] 277

എന്താ… തിരുമേനി… പറയാ….

എൻ്റെ കുലം വരെ മുടിക്കാൻ ശക്തിയുള്ള തലക്കുറിയാ ഇത്….

തിരുമേനി…..

അതെ, ഈ തലക്കുറിയിൽ ദൈവരഹസ്യമാണ് ലിഖിതമായിട്ടുള്ളത് ഈ മുറിയിൽ നമ്മൾ പറയുന്നത് ഈ മുറിക്കുള്ളിൽ വച്ചു മറക്കണം . മൂന്നാമതൊരാൾ അറിയരുത്.

ഉവ്വ് തിരുമേനി.

നാം പറയില്ല , നിങ്ങൾ പറയാൻ തുനിഞ്ഞാ രക്തം ശർദ്ദിച്ചു മരിക്കും ഒപ്പം നമ്മുടെ കുലവും മുടിയും

ഇല്ല തിരുമേനി നാം പറയില്ല, മരിക്കും വരെ പറയില്ല

വിശ്വസിക്കാമോ……

എൻ്റെ മകളാണ് സത്യം

എങ്കിൽ ശരി നാം ഗണിക്കാം ഈ തലക്കുറി.

ഹരിനാരായണൻ തിരുമേനി ആ തലക്കുറിയെടുത്ത് രാശിപ്പലകയിൽ വെച്ചു  , അതിലേക്ക് മന്ത്രങ്ങൾ ഉച്ഛരിച്ചു കൊണ്ട് കമല പുഷ്പ ധളങ്ങൾ അർപ്പിച്ചു , പിന്നെ കൈയ്യിൽ വാരിയെടുത്ത ഭസ്മം മൂന്നു തവണ തലയറിയിലേക്ക് എറിഞ്ഞു.

ധ്യാനത്തിൽ മുഴുകിയ ശേഷം തുളസിമാലയെടുത്ത് ദേവി വിഗ്രഹ കാൽപ്പാദത്തിൽ വെച്ച് തൊഴുത ശേഷം. തലക്കുറിയ്ക്ക് അണിയിച്ചു. പിന്നെ തൊഴുതു നമസ്കരിച്ചു. ഇതെല്ലാം ആശ്ചര്യത്തോടെ കർത്തുമ്പിയുടെ അമ്മ നോക്കി കണ്ടു.

കിഴക്കു ദിക്കിലേക്ക് നിന്ന് സൂര്യനെ തൊഴുത് , ആവാഹന മന്ത്രം ചൊല്ലിയ ശേഷം , കിഴക്കു ഭാഗത്തെ പീഠത്തിൽ ജലത്താൽ കഴുകി തുളസിയും തെച്ചിയും വിതറിയ ശേഷം വിനായക പ്രതിഷ്ഠ അവിടെ സ്ഥാപിച്ചു.

ശേഷം തൻ്റെ  പീഠത്തിൽ വന്നിരുന്ന ശേഷം ഗരുഡ മന്ത്രം ഉച്ഛരിച്ചു. മന്ത്രോച്ഛാരണത്താൽ മുഴുകിയിരുന്നപ്പോ കവാട വാതിലിൽ ശബ്ദം കേട്ടപ്പോ ഹരി നാരായണൻ വാതിൽ തുറന്നു. അടുത്ത നിമിഷം ഒരു കൃഷ്ണ പരുന്ത് അകത്തേക്ക് പാറി പറന്നു.  ഹരിനാരായണൻ കവാടമടച്ച് പീഠത്തിൽ വന്നിരുന്നു.

അവർക്കു ചുറ്റും കൃഷ്ണ പരുന്ത് വട്ടമിട്ടു പറന്നു. ഏഴു വട്ടം പറന്ന ശേഷം കൃഷ്ണ പരുന്ത് രാശി പലകയ്ക്കരികിൽ പറന്നിറങ്ങിയ ശേഷം തൻ്റെ കൊക്കുകൾ കൊണ്ട് തലക്കുറി തൊട്ട് സമ്മതം അറിയിച്ച ശേഷം വിനായക വിഗ്രഹത്തിനരികിലേക്കു പറന്നു. വിനായക വിഗ്രഹത്തിനരികിൽ ഇരുന്ന് കാഴ്ചകൾ വീക്ഷിച്ചു.

ഹരിനാരായണൻ എഴുന്നേറ്റ് ദേവി വിഗ്രഹത്തെ തൊഴുത് നമസ്കരിച്ച ശേഷം വീണ്ടും തൻ്റെ പീഠത്തിൽ ഇരുന്നു. തലക്കുറിയെ തൊഴുത ശേഷം ധ്യാനിച്ചു. ആ സമയം ഹരിനാരായണൻ്റെ കാതുകളിൽ ആ അശരീരി മുഴങ്ങി.

വിനാശം…. വിനാശം…. വിനാശം….

ഹരിനാരായണൻ മിഴികൾ തുറന്ന് പുഞ്ചിരി തൂകി കൊണ്ട് കാർത്തുമ്പിയുടെ അമ്മയോടായി പറഞ്ഞു.

അപ്പോ… തുടങ്ങാല്ലെ….

പ്രതീക്ഷയോടെ ആ അമ്മയും തലയാട്ടി സമ്മതം മൂളി.

ഹരിനാരായണ തിരുമേനി കാർത്തുമ്പിയുടെ തലക്കുറി കയ്യിലേന്തി. തൻ്റെ ശിരസിൽ വെച്ചു, കണ്ണുകൾ അടച്ച് ധ്യാനത്തിൽ ഇരുന്നു. അദ്ദേഹത്തെ തേടി ഒരു കാഴ്ച്ച ധ്യാനദൃഷ്ടിയിൽ തെളിഞ്ഞു വന്നു.