ഷെല്ലി [അതിഥി] 141

” നടപ്പില്ല മോനെ നിന്റെ അമ്മ സ്നേഹത്തോടെ തന്നയക്കുന്നതല്ലേ അതിന്റെ വില എനിക്കറിയാം , നീയല്ല ഇത് കഴിക്കുന്നതെന്ന് അമ്മയോട് പറയുവാണേൽ ഓക്കേ . അല്ലെങ്കിൽ …..’
അവൾ കട്ടായം പറഞ്ഞു
“ശരി വാ ഇന്ന് കൊണ്ട് വന്നിട്ടില്ലല്ലോ രണ്ടാൾക്കും കൂടി കഴിക്കാം ”
അവള്ടെ മറുപടി കേട്ട് ചിരിയാണ് വന്നത്
അവളും അവളുടെ യക്ഷി പല്ല് കാണിച്ചു ചിരിച്ചു .
ഷെല്ലിക്ക് ഒരു പല്ല് യക്ഷിയുടെ പോലെയാ ചിരിക്കുമ്പോൾ മാത്രേ കാണു . വെറുതെ അല്ല അവൾക്കൊരു യക്ഷിയുടെ സൗന്ദര്യം .”ഷെല്ലി ഞാൻ എന്നും നിനക്കുള്ളതും കൂടി കൊണ്ട് വരട്ടെ ”
എന്തായാലും ആദ്യത്തെ പ്ലാൻ നടന്നില്ല .
“എന്തിനാടാ അതൊക്കെ നിനക്കൊരു ബുദ്ധിമുട്ടാവില്ലേ ”
മുഖം ചുളിച്ചു കൊണ്ട് അവൾ ചോദിച്ചു
“അതിനു ഞാൻ തലയിൽ ഏറ്റിയല്ലലോ വരുന്നേ ബൈക്ക് ഇല്ലേ ”
ഞാൻ ചിരിച്ചു കൊണ്ട് തന്നെ ചോദിച്ചു .
“മ്മ്ശരി ശരി “”

ഊണൊക്കെ കഴിഞ്ഞ് ക്യാന്റീനിൽ പോയവന്മാർ വരുന്നതും നോക്കി ഇരിക്കുമ്പോൾ ഷെല്ലി ബാഗിൽ നിന്നും ഒരു ഡയറി മിൽക്ക് പുറത്തെടുത്തു .
പെണ്പിള്ളേര്ക്ക് അതിനി എത്ര വയസ്സായാലും ചോക്കലേറ്റ് ഒരു വീക്നെസ് ആണല്ലോ .
അതും കഴിച്ചോണ്ടിരിക്കുമ്പോൾ ജൂഡ് കേറി വന്നു .
“വന്ന് കേറിയപ്പോഴേക്ക് മിട്ടായി കൊടുപ്പൊക്കെ തുടങ്ങിയോടാ ”
പുറത്തു വരാന്തയിൽ എത്തിയപ്പോൾ അവൻ എന്നേ ഒന്നാക്കിക്കൊണ്ട് ചോദിച്ചു .

“””എന്റെ പൊന്നു മലരേ ഇത് നീ ഉദ്വേശിക്കുന്ന പോലെ ഒന്നുമില്ല “”

“എന്തായാലും കുട്ടി കൊള്ളാം ”
എന്നെ ഇളക്കാൻ വേണ്ടി തെണ്ടി ഓരോന്ന് പറയുവാ .
“എന്നാൽ നീ നോക്കിക്കോട ”
ഞാൻ ഇത്തിരി പുച്ഛം ഇട്ട് പറഞ്ഞു .
“ആ ഇത് എവിടെ വരെ പോവും എന്ന് നോക്കട്ടെ എന്നിട്ട് തീരുമാനിക്കാം ”
അവന്റെ ഒരു കോണച്ച ചിരി ചിരിച്ചു എന്നേ നോക്കി തല ആട്ടികൊണ്ട് പറഞ്ഞു .
പിന്നെ ഉച്ചക്കുള്ള ഞങളുടെ സ്ഥിരം കറക്കത്തിന് പോയി .
********* ********** *********

“അതേയ് ചേച്ചി നാളെ മുതൽ രണ്ടു പേർക്കുള്ള ഫുഡ്‌ വേണം ”
വീട്ടിൽ എത്തിയ പാടെ ഏട്ടത്തിയോട് കാര്യം പറഞ്ഞ് .
“നീയെന്താ ബോഡി ബിൽഡിങ്ങിനു പോവുന്നുണ്ടോ ”
പുരികം പൊക്കി എന്നേ ചോദ്യ ഭാവത്തിൽ ഒന്ന് നോക്കി ..
“ആർക്കാ ഡാ ചെക്കാ ”
ഓഹ് അമ്മ ഇവിടെ ഉണ്ടായിരുന്നോ
“അതമ്മേ ഷെല്ലി എന്നൊരു കുട്ടിക്കാണ് അവൾക്ക് ഹോസ്റ്റലിലെ ഫുഡ്‌ ഒന്നും പിടിക്കുന്നില്ല ”
“കുട്ടി കാണാൻ എങ്ങനെ ഉണ്ടെടാ കൊള്ളാമോ ”
അമ്മ പോയപ്പോൾ ഏട്ടത്തി ഒരു കള്ള ചിരിയോടെ എന്നേ നോക്കി ചോദിച്ചു .
“കാണാൻ പെണ്ണിനെ പോലെ ഉണ്ട് .എന്തൊക്കെ അറിയണം ”
ഞാൻ മുഖം വെട്ടിച്ചു നേരെ റൂമിൽ പോയി

ഷെല്ലി പതുക്കെ ഹോസ്റ്റലുമായി പൊരുത്തപ്പെട്ടു വന്നെങ്കിലും അവൾ എന്നോടിനി അവൾക്ക് വേണ്ടി ഫുഡ്‌ കൊണ്ട് വരേണ്ടെന്ന് പറയാനോ ഞാൻ അത് സ്വയം നിർത്താനോ നിന്നില്ല …

അഭിപ്രായങ്ങൾ നല്ലതാണെങ്കിലും മോശം ആണെങ്കിലും പറയുക . മോശം ആണെങ്കിൽ എന്തായാലും പറയുക