ഷെല്ലി [അതിഥി] 141

“ഏട്ടനെ ഇനി അച്ഛൻ എറണാംകുളത് തന്നെ നിർത്താണത്രെ , നാട്ടിലെ കാര്യങ്ങൾ ഒക്കെ അച്ഛൻ തന്നെ മാനേജ് ചെയ്തോളാന്ന് പറഞ്ഞു ”
ഞാൻ ഇത്തിരി ഗൗരവത്തിൽ ഏട്ടത്തിയോട് പറഞ്ഞു .

“എപ്പോ ??? എന്നിട്ട് എന്നോട് ഇത് വരെ പറഞ്ഞില്ലല്ലോ ”
അപ്പോഴേക്കും മൂപ്പത്യേരുടെ മുഖം ഒക്കെ അങ്ങട്ട് പോയി .
അവനെ രണ്ടു ദിവസം കാണാതിരുന്നാൽ തന്നെ ശരിക്കും ഉറങ്ങാത്ത ആളാ .
എന്റെ കള്ളച്ചിരി കണ്ടപ്പോളാണ് പറ്റിച്ചതാണെന്ന് മനസ്സിലായത് .
ഒന്നും മനസ്സിലായില്ലേലും ശ്രിയക്കുട്ടിയും കൈകൊട്ടി ചിരിക്കുന്നുണ്ട് .

” നിനക്കും നിന്റെ ചെറിയച്ഛനും ഞാൻ ഉള്ളത് ഞാൻ തരാടി ” എന്നും പറഞ്ഞു
എന്റെ ഷോള്ഡറില് ഒരു ഇടിയും തന്നാണ് ഏട്ടത്തി ദേഷ്യം തീർത്തത് .
” നന്ദു കുരുത്തക്കേടൊന്നും കാണിക്കരുത് ” അമ്മ ഉപദേശം തുടങ്ങി
” കോളേജിൽ പലതും ഉണ്ടാവും അതിലൊന്നും പോയി തല ഇടരുത് ”
ഇനിയും ഇടപെട്ടില്ലേൽ അമ്മ എന്നെ ഉപദേശിച്ചു കൊല്ലും
“ശരി ശരി ഇനിയും വൈകിയാൽ അച്ഛൻ പോവും ഇന്ന് പോവുന്ന വഴിക്ക് എന്നെ ഇറക്കാം എന്ന് പറഞ്ഞിട്ടുണ്ട് ”
അതും പറഞ്ഞു ബാഗും എടുത്തു ഉള്ള ജീവനും കൊണ്ടോടി .

അച്ഛന് പിന്നെ ഉപദേശം ഒന്നും ഇല്ലാ ഓൺലി ആക്ഷൻ . കോളേജിന്റെ മുന്നിൽ ഇറക്കി പോക്കറ്റിൽ ഇത്തിരി കാശും വെച്ച് തന്ന് മൂപ്പർ പോയി .
കോളേജിന്റെ മുന്നിൽ തന്നെ കൊടിയും തോരണവും ഒക്കെ ആയി സ്വീകരിക്കാൻ സീനിയർസ് നിൽപ്പുണ്ട് .
അച്ഛൻ നല്ലൊരു ബിസിനസ്കാരൻ ആയതോണ്ട് എല്ലാ രാഷ്ട്രീയക്കാരും ഒരുപോലെയാ എന്റെ അറിവിൽ പ്രത്യേകിച്ച് ഒരു ചായ്‌വ് ഇല്ല .
സ്വാഭാവികമായും എനിക്കും രാഷ്ട്രീയത്തോട് ഒന്നും വെല്യേ താൽപ്പര്യം ഒന്നും ഇല്ല .
ഓഡിറ്റോറിയത്തിൽ പ്രിസിപ്പളും തുടർന്ന് വന്ന ഡിപ്പാർട്മെന്റ് ഹെഡ് മാരും
തള്ളി മറിക്കുന്നുണ്ട് . ഇറങ്ങി ഓടിയാലോ എന്ന് വരെ തോന്നിപ്പിക്കുന്ന ഉപദേശങ്ങളും .
ഇനി കുട്ടികളൊക്കെ അവരരുടെ ക്ലാസ്സിലേക്ക് പോവേണ്ടതാണെന്ന് ഏതോ ഒരു സർ വിളിച്ചു പറഞ്ഞപ്പോൾ എന്തെന്നില്ലാത്ത ഒരു ആശ്വാസം .
കമ്പ്യൂട്ടർ സയൻസ് ആയതോണ്ട് മൊത്തം കുട്ടികളിൽ കഷ്ടിച്ച് പകുതിയേ ബോയ്സ് ഉള്ളു …
എവിടെ പോയാലും കട്ടക്ക് ചെക്കന്മാരെ കൂടെ നിർത്തണം എന്നാണല്ലോ .അവന്മാരെ ഒക്കെ വിശദമായി തന്നെ പരിചയപ്പെട്ടു. അതിൽ ‘ജൂഡ് ലൂക്കോസ് ‘
എന്ന ഒരുത്തന്റെ വീട് എന്റെ അതേ വഴിക്കാണെന്നും പോവുന്ന വഴിക്ക് എന്നെ വീട്ടിൽ വിടാം എന്നും അവൻ പറഞ്ഞു .
എന്നെ വീടിനു മുന്നിൽ ഇറക്കി പോവാൻ നിന്ന ജൂഡിനെ പോവാൻ സമ്മതിക്കാതെ ഊണൊക്കെ കൊടുത്താണ് വിട്ടത് .
അന്നത്തെ വിശേഷം ഒക്കെ ഏട്ടത്തിയോടും അമ്മയോടും പറഞ്ഞ് നേരത്തെ തന്നെ കിടന്നുറങ്ങി .

പിറ്റേന്ന് ബൈക്ക് എടുത്തു . ഏട്ടന്റെ ബൈക്ക് ആയിരുന്നു അച്ഛൻ അവനു കാർ വാങ്ങിയപ്പോൾ മുതൽ എന്റേതായി .
കുറച്ചു കാലം പേനയും ബുക്കും എടുക്കാത്തത് ഇന്ന് ശെരിക്കും അറിഞ്ഞു .
ഉച്ച വരെ തള്ളി നീക്കാൻ പെട്ട പാട് .
“ഡാ വാടാ കാന്റീനിൽ പോവാം ”