ഷെല്ലി [അതിഥി] 141

“അമ്മെ ഞങ്ങൾ ഇറങ്ങാട്ടോ ” അടുക്കയിലേക്ക് നോക്കി ചേച്ചി വിളിച്ചു പറഞ്ഞു .
“ഗൗരി നോക്കി പോണേ ,ടാ ഇവരെ ശ്രെധിചോണെ ” അമ്മയുടെ ഉപദേശം കേട്ടാൽ തോന്നും ഏതോ ദൂര യാത്രക്ക് പോവാണെന്ന് . ഇവിടന്നു ഒരു 5 മിനിട്ടെ ഉള്ളു അമ്പലത്തിലേക്ക് .”ശരി അമ്മെ അമ്മേടെ പുന്നാര മോളെ ഞാൻ കൊണ്ടോയി കളയാനൊന്നും പോണില്ല ” ഞാൻ ചിരിച്ചോണ്ട് പറഞ്ഞു
” നീ എന്റെ കയ്യിൽ നിന്നും രാവിലെ തന്നെ മേടിക്കാൻണ്ട് പൊയ്ക്കെ നന്ദു .” അതും പറഞ്ഞു കയ്യിൽ ഒരു നുള്ളും തന്ന് അമ്മ അടുക്കള ഡ്യൂട്ടിക്ക് പോയി . ഏട്ടത്തി അമ്പലത്തിൽ വരുന്നോണ്ട് അമ്മക്കിത്തിരി തിരക്കുള്ള ദിവസം ആണല്ലോ ഇന്ന് .
ശ്രിയ കുട്ടിയേം എടുത്തോണ്ട് ഞാനും ഏടത്തിയും കൂടി നടന്നു .
സിറ്റ്ഔട്ടിൽ പേപ്പറും വായിച്ചിരിപ്പുണ്ട് ദി ഗ്രേറ്റ്‌ രാജശേഖര മേനോൻ എന്റെ അച്ഛൻ .
പാരമ്പര്യമായിട്ട് ഭൂസ്വത്തൊക്കെ ഉണ്ടെങ്കിലും അച്ഛന് ബിസിനസിൽ ആയിരുന്നു താൽപ്പര്യം .
കല്യാണം കഴിഞ്ഞപ്പോൾ അമ്മയുടെ പേരിൽ ഒരു ട്ടെക്‌സൈറ്റൽസ് ഇട്ടായിരുന്നു തുടക്കം . “സരസ്വതി ട്ടെക്‌സൈറ്റൽസ്”.

ഇപ്പൊ മൊത്തം 5 എണ്ണം ആയി .എല്ലാം അമ്മയുടെ ഐശ്വര്യം ആണെന്ന അമ്മ പറയുന്നേ .
“അച്ഛാ ഞങ്ങൾ ഒന്ന് അമ്പലത്തിൽ പോയി വരാം ” ഏട്ടത്തി പറഞ്ഞു
“അച്ഛാ കാർ ഞങ്ങൾ എടുക്കുന്നുണ്ട് ”
അച്ഛൻ മറുപടി പറയുന്നെന് മുന്നേ ഞാനും പറഞു .
“ശരി പോയ്‌ വാ ”
“അച്ചാച്ചന്റെ ശ്രീക്കുട്ടി അമ്പലത്തിൽ പോവാണോ” അമ്പലത്തിൽ പോവാണോ എന്നും ചോദിച്ചു അവൾക്കൊരു ഉമ്മയും കൊടുത്തു അച്ഛൻ അകത്തേക്ക് പോയി

അമ്പലത്തിൽ വെല്യേ തിരക്കൊന്നും ഇല്ലാ .അല്ലെങ്കിലും ഈ ചെറിയ ക്ഷേത്രങ്ങളിൽ വരുന്നത് ഒരു പ്രത്യേക സുഖം ആണ് .
എല്ലാവരുടെയും പേരിൽ വഴിപാട് ഒക്കെ കഴിച്ചു പ്രസാദം ഒക്കെ വാങ്ങി തിരിച്ചു ഇറങ്ങി .

” ഏട്ടൻ എന്നാ വരുന്നേ ” തിരിച്ചു ഡ്രൈവ് ചെയ്യുമ്പോൾ ഞാൻ ചോദിച്ചു .
“ഇന്ന് വരുമെന്ന പറഞ്ഞതൊക്കെ പിന്നെ നിന്റെ അല്ലെ ഏട്ടൻ വന്നാൽ വന്നു” ഏട്ടത്തി ഇത്തിരി പരിഭവത്തോടെ പറഞ്ഞു .
ഏട്ടൻ ‘ആദിത്യൻ ‘ MBA ഒക്കെ കഴിഞ്ഞു അവന്റെ സ്വന്തം ഐഡിയയിൽ അച്ഛൻ ഒരു റെസ്റ്റോറന്റ് തുടങ്ങി . അവന്റെ ഹാർഡ് വർക്ക് കൊണ്ട് അത് നന്നായി തന്നെ പച്ച പിടിച്ചു ഇപ്പോ എറണാംകുളത് പുതിയ ബ്രാഞ്ചിന്റെ പണി നടന്നോണ്ടിരിക്കുന്നു . അവൻ അതിന്റെ എന്തോ കാര്യത്തിനായി പോയിട്ടിപ്പോ 2 ദിവസായി .
എഞ്ചിനീയറിംഗ് നോക്കെ പോവാൻ സമ്മതിച്ചെങ്കിലും പുറത്തു ഒരാളുടെ കീഴിൽ പണി എടുക്കാനൊന്നും അച്ഛൻ എന്നെ വിടുമെന്ന് തോന്നുന്നില്ല .ഏട്ടനെ പോലെ വല്ല ബിസിനസും നോക്കി നടക്കേണ്ടി വരും .