?സംഹാരം 3? [Aj] 202

വിനോദ്  പോയി കഴിഞ്ഞു കുറച്ചു  കഴിഞ്ഞപ്പോൾ  കാർത്തിക്  ദേവൂന്റെ  കൂടെ  ഡ്രെസ്സുമായി    വന്നു. വേറെ  കുഴപ്പം  ഒന്നും  ഇല്ലാത്തത് കൊണ്ട്  ആത്മികക്  നടക്കാൻ  ഒന്നും  ബുദ്ധിമുട്ടില്ലായിരുന്നു.വൈകുന്നേരം  ആയപ്പോഴേക്കും  രണ്ടുപേരെയും   ഡിസ്ചാർജ്  ചെയ്തു. കാർത്തി  ആണ്  കാർ  ഡ്രൈവ് ചെയ്തത്.
കാർ മുറ്റത്തെത്തിയപ്പോഴേക്കും  മുത്തശ്ശിയും രാധുമ്മയും കാറിൻ്റെ അരികിലേക്ക് ഓടി വന്നു.  ആമിക്കും അച്ചുവിനും  ഒരു  ആക്സിഡന്റ് പറ്റി  എന്ന്  മാത്രമേ  അവരോട്  പറഞ്ഞിട്ടുണ്ടായിരുന്നുള്ളു.

കാറിൽ നിന്നും ആമിയും അച്ചുവും ഇറങ്ങിയതും    അവരെ  കെട്ടിപിടിച്ചു  കരഞ്ഞു  മുത്തശ്ശി. മുത്തശ്ശിയുടെ  അടുത്തേക്ക് വന്ന  മുത്തശ്ശൻ   ദൈവാനുഗ്രഹം കൊണ്ട്  ആർക്കും  ഒന്നും  പറ്റിയില്ലലോ എന്ന് ഗൗരവത്തിൽ പറഞ്ഞു . എങ്കിലും  ആ കണ്ണ് നിറഞ്ഞത്  മുത്തശ്ശിക്കും,  അർച്ചനക്കും മനസിലായി  അർച്ചനയുടെ  ഒടിഞ്ഞ  കൈയിൽ  തലോടിയ  ശേഷം ആത്മികയുടെ  മുറിവ്  പറ്റിയ  നെറ്റിയിൽ ഒന്നും തൊട്ടു.

മക്കൾക്ക് ഇപ്പൊഎങ്ങനെയുണ്ട്……. ആക്സിഡൻ്റ് പറ്റി എന്നറിഞ്ഞതും ഒരു സമാധാനവും ഉണ്ടായില്ല…. നിങ്ങൾ ഇവിടെ എത്തുന്ന വരെ പൂജാമുറിയിൽ ഇരുന്ന് പ്രാർത്ഥിക്കുകയായിരുന്നു..

അയ്യേ……എന്താ ഇത്  എൻ്റെ മുത്തശ്ശി കുട്ടിയെ ഞങ്ങൾക്ക് ഒന്നുല…..ഇതൊക്കെ വെറുതെ അല്ലെ…. ആ കണ്ണൊന്നു തുടച്ചെ വേഗം..

വേണ്ട എന്നെ സമാധാനിപ്പിക്കാൻ നോക്കണ്ട നിൻ്റെ  ഈ മുഖവും  അച്ചുൻ്റെ കയ്യും കണ്ടാൽ അറിയാം ഒന്നും ഇല്ല എന്ന്….

അതെ ഇവരെ ഇവിടെ തന്നെ നിർത്താതെ അകത്തേക്ക് കൊണ്ട് പോ….. വയ്യാത്തതല്ലെ അവർ ഒന്ന് വിശ്രമിക്കട്ടെ

ശെരി അച്ഛാ…. മക്കൾ വരൂ…..അകത്തേക്ക് പോകാം…

ടാ കാർത്തി നീ അവരുടെ ബാഗ് ഒക്കെ എടുത്ത് റൂമിൽ കൊണ്ട് വേക്ക്

ആഹ് അമ്മേ….. നിങ്ങൾ അകത്തേക്ക് ചെന്നോ ഞാൻ കൊണ്ടു വന്നോളാം.

അർച്ചനയെയും ആമിയേയും മുറിയിലേക്കാക്കി അവർക്കുള്ള ഭക്ഷണം തയാറാക്കാൻ രധുവമ്മ അടുക്കളയിലേക്ക് പോയി ഒപ്പം അവരോട് പോയിട്ട് വരാട്ടോ എന്നും പറഞ്ഞ് അമ്മയെ സഹായിക്കാൻ ദേവുവും പോയി.

( അടുക്കളയിൽ ഭക്ഷണം പാകം ചെയ്തുകൊണ്ട് ഇരിക്കുകയായിരുന്ന അനുരാധയുടെയും ദേവുൻ്റെയും അടുത്തേക്ക് ദേവരാജൻ കടന്നു വന്നു…)