?സംഹാരം 3? [Aj] 202

ആഹ് മുത്തശ്ശി വിട് വേനിക്കണു…….

അതെ മുത്തശ്ശിയുടെം മോൾടേം സ്നേഹ പ്രകടനം കഴിഞ്ഞോ ആവോ….ഇവിടെ വേറെ ഒരാളും നിക്കുന്നുണ്ടെ…ഓർമ ഇണ്ടോ രണ്ടിനും…

ഇവിടെ വാടി പെണ്ണേ നിന്നെ അങ്ങനെ മറക്കാൻ പറ്റുമോ നീ എൻ്റെ സുന്ദരി കുട്ടി അല്ലെ……. ഓ സോപ്പിങ് ഒന്നും വേണ്ട മോളെ….ഞാൻ വീണു പോരെ….
ഹഹഹ…… രണ്ടുപേരും അച്ചുവിൻ്റെം പരിഭവം കേട്ട് പരസ്പരം നോക്കി ചിരിച്ചു….
അപ്പോഴാണ് മുത്തശ്ശി ഒരു കാര്യം ശ്രദ്ധിച്ചത് . ആമിയെ കാണാൻ ഒരു പ്രത്യേക ഐശ്വര്യം. അവളുടെ കണ്ണുകളിൽ അതിമനോഹരമായ ഒരു തിളക്കം ആ സൗന്ദര്യത്തെആവോളം നോക്കി നിന്നിട്ട് മുത്തശ്ശി പറഞ്ഞു…

ആമി മോളെ കാണാൻ എന്താ ഒരു തേജസ്സ്. ഈ സൗന്ദര്യം ഒക്കെ ഇവിടെ ഒളിപ്പിച്ചു വച്ചേക്കയിരുന്നു…..

അതോ അത് അങ്ങനെയൊന്നും പുറത്തെടുക്കാൻ പറ്റൂലാലോ മുത്തശ്ശി കുട്ടിയെ……

മ്…… മ്…… കൊള്ളാം എന്തായാലും സുന്ദരി ആയിട്ടുണ്ട് ട്ടോ….

മുത്തശ്ശി പറഞ്ഞതു കേട്ട്  ഒരു ചെറു പുഞ്ചിരിയോടെ  മുഖം താഴ്ത്തി  അച്ചുവിനെ നോക്കി കണ്ണിറുക്കി കാണിച്ചു ആമി. അപ്പോളാണ്   ചേച്ചിമാരെ…… എന്ന് നീട്ടി വിളിച്ചുകൊണ്ട്  ദേവു  ഓടി വന്നത്..

അതെ ഇവിടെ തന്നെ നിന്നാതിയോ രണ്ടാൾക്കും . എൻ്റെ ഏട്ടനെ പരിജയപെടണ്ടെ…. വാ ഞാൻ കൊണ്ടോയി പരിചയപെടുത്തിച്ച് തരാം…

ഹൊ….. പെണ്ണിൻ്റെ ഒരു ഉത്സാഹം നോക്കണേ.. ഏട്ടൻ വന്നതിൽ പിന്നെ നിലത്തൊന്നുമ്മല്ല കക്ഷി. ഏട്ടനെ പരിചയപെടുത്തി കൊടുക്കാൻ എന്താ ഒരു തിടുക്കം.

അതെലോ ദേവൂമെ….. എൻ്റെ ഏട്ടനെ പരിചയപെടുത്തി കൊടുക്കാൻ എനിക്ക് ഭയങ്കര തിടുക്കാ. ചേച്ചിമാർ എൻ്റെ ഏട്ടനെ കണ്ടട്ടില്ലാലോ… അവരോന്ന് കാണട്ടെ എൻ്റെ സൂപ്പർ ഹീറോയെ…..

എന്നാല് മക്കൾ ചെല്ലു…ഇവൾക്ക് ഏട്ടൻ എന്ന് വെച്ചാ അവൾടെ ഹീറോ ആണ്. അതുകൊണ്ട് ഏട്ടനെ കുറിച്ച് പറയുമ്പോ നൂറുനാവ പെണ്ണിന്. ആരോടെങ്കിലും ഏട്ടനെ കുറിച്ച് പറഞ്ഞ് തുടങ്ങിയാൽ പിന്നെ നിർത്താൻ  കുറച്ച് പാടുപെടണം…..
അതുകൊണ്ട് മക്കൾ പൊയ്ക്കോ. പിന്നെ ദേവു… കാർത്തി മുകളിൽ അവൻ്റെ മുറിയിൽ ഉണ്ട് കേട്ടോ…
ശെരി  മുത്തശ്ശി എന്നും പറഞ്ഞ് ദേവു ആമിയെയും അച്ചുവിനെയും കൂട്ടി മുകളിലേക്ക് പോകുവാൻ ഒരുങ്ങി..