രാക്ഷസൻ 10 [FÜHRER] 460

 പെട്ടിയില്‍ നിന്നുയര്‍ന്ന ദുര്‍ഗന്ധം അപ്പോഴേയ്ക്കും ആ മുറിയാകെ  പരന്നിരുന്നു.

എന്താ ഏട്ടാ ഈ മണം, വളരെ ബുദ്ധിമുട്ടിയാണ് അവള്‍ അതു ചോദിച്ചത്. വീണ്ടും ഛര്‍ദിക്കാന്‍ വയ്യാത്ത കാരണം അവള്‍ മൂക്ക് പൊത്തി പിടിച്ചു.

എനിക്കുള്ള സമ്മാനമാണത്. നിനക്കു കാണണോ. അവന്‍ ഭദ്രയുടെ കണ്ണുകളിലേക്കു നോക്കി ചോദിച്ചു.

അവള്‍ വേണമെന്നു തലയാട്ടി. ആദ്യം വേണ്ടെന്നു പറയാനാണു ഭദ്രയ്ക്കു തോന്നിയത്. പക്ഷേ, എന്തുകൊണ്ടോ അതൊന്നു കാണുവാന്‍ അവള്‍ക്കു ആഗ്രഹം തോന്നി.

മൂക്കു പൊത്തിപ്പിടിച്ച് അവള്‍ അലോകിനൊപ്പം ബോക്‌സിനു സമീപത്തെത്തി.

നിങ്ങളീ നാറ്റം എങ്ങനെ സഹിക്കുന്നു മനുഷ്യാ.

മൂക്കുടച്ചുള്ള അവളുട സംസാരം കേട്ടു അലോക് പൊട്ടിച്ചിരിച്ചുകൊണ്ട് ബോക്‌സ് തുറന്ന് അവള്‍ക്കു നേരെ നീണ്ടി… ആ ചെറിയ ബോക്‌സു നിറയേ കറുത്തു കട്ടപിടിച്ച എന്തോ ദ്രാവകമാണെന്നു അവള്‍ക്കു തോന്നി.

ഒന്നു കൂടി സൂക്ഷിച്ചു നോക്കിയ അവള്‍ ആ ദ്രാവകത്തിന്റെ നിറം കറുപ്പല്ല കടും ചുവപ്പാണെന്നു തോന്നി.

എന്താ ഏട്ടാ ഇത്… അവള്‍ അവനെ നോക്കി ചോദിച്ചു.

നീ കട്ടപിടിച്ച രക്തം കണ്ടിട്ടില്ലേ ഭദ്രേ. അലോകിന്റെ വാക്കുകള്‍ അവളില്‍ ഒരു നടുക്കം സൃഷ്ടിച്ചു.

അവള്‍ നോക്കി നില്‍ക്കേ അവന്‍ തന്റെ കൈയ്കള്‍ ആ ബോക്‌സു നിറയേ ഉണ്ടായിരുന്ന ചോരയിലേക്കിറക്കി.

അവന്‍ പിന്‍വലിച്ച കൈയ്യിലേക്കവള്‍ നോക്കി.

കട്ടപിടിച്ച രക്തം വാര്‍ന്നിറങ്ങുന്ന അലോകിന്റെ കൈയില്‍ അറുത്തുമാറ്റിയ ഒരു ഹൃദയമാണ് ഉണ്ടായിരുന്നത്.

അതു കണ്ടു നില്‍ക്കേ തനിക്കു ബോധം പോകുമെന്നു ഭദ്രയ്ക്കു തോന്നി. അവള്‍ ഒരാശ്രയത്തിനായി സമീപത്തുണ്ടായിരുന്ന മേശയില്‍ പടിച്ചു നിന്നു.

എന്തിനാണു ഭദ്രേ നീ ഇങ്ങനെ തളരുന്നത്. അവന്‍ അവളുടെ പേടിച്ച ഭാവം കണ്ടു ചോദിച്ചു.