ക്വാറന്റൈൻ പൊന്നോണം [Aadhi] 1329

നിങ്ങടെ ഭാഗത്തൊക്കെ മീൻകാരന് കൊറോണ ആണെന്നും പറഞ്ഞു ഇവിടെ കൊറേ കാലങ്ങളായി മീനൊന്നും മേടിക്കാറില്ലായിരുന്നു… അപ്പോഴേക്കും ഈ അത്തം ഒക്കെ ആയി.. ഈ പച്ചക്കറി ഒക്കെ തീരാൻ ആയപ്പോ അമ്മ നൈസായിട്ട് രാവിലെ മീൻകാരൻ വരുമ്പോ മീൻ മേടിക്കാൻ തൊടങ്ങി…ഏത് ഈ അത്തം ഒക്കെ തൊടങ്ങിയാ, അല്ലേ ഈ മണ്ഡല കാലം മൊത്തം ഒരു മൊട്ട പോലും പൊരിച്ചു തരാതെ ഫുൾ വെജിറ്റേറിയൻ ആയിട്ട് ഞങ്ങളെ കൊണ്ട് നടക്കണ അമ്മ..അല്ല.. ഒരുകണക്കിന് നന്നായി.. ഈ മീനും കൂട്ടി ചോറ് കഴിക്കണ സുഖം സാമ്പാറും അവിയലും കൂട്ടിയാ കിട്ടുവോ?? ”

” അല്ലേടാ.. രണ്ടാഴ്‌ച അല്ലെ.. അപ്പൊ ഇത് വരെ തീർന്നില്ലേ?? ”

” തീർന്നെടാ തീർന്നു.. ഈ ഒന്നാം ഓണമില്ലേ..എന്താ അതിനു പറയാ..ഉത്രാടോ ചതയോ..അതിന്റെ തലേന്ന് തീർന്ന്..അന്ന് ഹെൽത്തിലെ ചേച്ചീനെ വിളിച്ചു ചോദിച്ചിട്ട് ഒക്കെയാ കൊറച്ചു ശുദ്ധവായു ശ്വസിക്കാൻ വേണ്ടി ഞാൻ പൊറത്തോട്ട് എറങ്ങിയേ…. അമ്മയാണേൽ നാളെ ഓണമാണെന്നും പറഞ്ഞു ദോണ്ടേ വല്യൊരു ലിസ്റ്റും എടുത്ത് തന്നു..ടൗണിലൊക്കെ നല്ല തീർക്കാണെന്നേ..എല്ലാര്ക്കും ഓണം മതിയെന്ന് തോന്നുന്ന്.. കൊറോണ ഒക്കെ ആരും മൈൻഡ് ചെയ്യാത്ത പോലാ.. പക്ഷെ പതിനാല് ദിവസം ക്വാറന്റൈനിൽ കെടന്നവന് അതത്ര സുഖം ഉള്ള പണിയല്ലാന്നു അറിയാലോ… ഏത്.. അതോണ്ട് ഞാൻ കൊറച്ചു പൈസ കൂടിയാലും പോട്ടെന്നു പറഞ്ഞു നമ്മടെ ആ തെരക്കില്ലാത്ത സൂപ്പർ മാർകെറ്റി കേറി സാധനം മേടിച്ചു..അതെല്ലാം വാങ്ങി വണ്ടിയേ വെച്ച് തിരിക്കുമ്പോഴാ അമ്മ പറഞ്ഞ കാര്യം ഓർക്കുന്നേ.. ഈ ഡ്രസ്സ് ഒക്കെ ഒണക്കാൻ കൊണ്ടിടുമ്പോ എന്റെ രണ്ടു കീറിയ ബോക്‌സർ അമ്മ കണ്ടാരുന്ന്.. നിനക്ക് വേറെ ഒന്നും ഇല്ലേ ഇടാൻ എന്നും പറഞ്ഞു അന്നെന്നെ കൊറേ പള്ള് വിളിച്ചതാ.. അതേപ്പിന്നെ ഞാനത് റൂമിലെ ടേബിൾ ഫാനെല് ഹാങ്ങറി തൂക്കിയാ ഒണക്കിയാർന്നത്….ഞാനാണേൽ ഈ ബോക്‌സർ ഒക്കെ വല്ല ഓഫറും ഉണ്ടാവുമ്പോ ഓൺലൈനിന്നാണല്ലോ മേടിക്കാറ്.. അന്നാ മാസ്‌ക് മേടിച്ചപ്പോ തന്നെ ആകെ സീൻ ആയിരുന്ന്.. ഇതൊക്കെ എവിടുന്നു വരുന്നേ ആണെന്നറിയാമോ.. ഇവിടെ മെഡിക്കൽ ഷോപ്പീ കിട്ടാത്ത സാധനം ഒന്നും അല്ലല്ലോന്നും പറഞ്ഞു.. അതോടെ ഞാൻ ഓൺലൈൻ മേടിക്കൽ നിർത്തി.. സേഫ് ഒക്കെയാ.. പക്ഷെ ഈ വീട്ടുകാരെ പറഞ്ഞു മനസിലാക്കുന്നതിനേക്കാ ഭേദം ഇവിടുന്നു മേടിക്കൽ  ആണല്ലൊന്നും വെച്ച്… ”

” ആഹാ.. അടിപൊളി.. എന്നിട്ട് ?? ”

” അങ്ങനെ ഞാനാ ചമയത്തിന്റവിടെ വണ്ടി നിർത്തി നോക്കിയപ്പോ..അതിന്റെ ഉള്ളിലതാ ഒരു ലോഡ് ആൾക്കാര്.. കൊറേ പെണ്ണുങ്ങളാ.. ഞാൻ കൊറച്ചു നേരം കാത്തു നിന്ന് ആ തെരക്കൊക്കെ കഴിഞ്ഞു തുണി ഷോപ്പിനകത്തേക്ക് കാലെടുത്തു വെക്കാൻ പോയേ ഉള്ളൂ…ദോണ്ടേ ഒരുത്തൻ ഓടി വരുന്നു..എന്നേം ഇടിച്ചിട്ട് അപ്പുറത്തേക്ക് മറിഞ്ഞു വീഴുന്നു. ഞാൻ വീണേടത്തു നിന്ന് എണീറ്റ് നാല് തെറി പറയാൻ നോക്കിയപ്പോഴാ.. അയാൾ, ആ റോഡിലേക്കാ വീണു കെടക്കുന്നെ…ഞാൻ വേഗം പോയി പിടിച്ചെഴുന്നെപ്പിച്ചു എന്തേലും പറ്റിയൊന്നും ചോദിച്ചപ്പോ അവനെന്നെ പൂരത്തെറി..ഞാനാകെ അന്തം വിട്ട് നിക്കുമ്പോഴാ ദേ  ഹെൽത്തുകാര്  .ഈ വെള്ളക്കോട്ടും ആ കണ്ണാടി ഹെൽമെറ്റും ഒക്കെ ഇട്ട്…”