പ്രകൃതിയുടെ നിറമുള്ള പൂക്കളം [ഒറ്റപ്പാലം കാരൻ] 139

ഇവ എല്ലാം പൂക്കളത്തിന്റെ ചന്തം കൂട്ടുന്നതാണ്
നിങ്ങൾ ഇതൊക്കെ വേഗം പോയി പറിച്ചു കൊണ്ട് വാ മക്കളെ നമ്മൾക്ക് നല്ല അടിപൊളി ഒരു പൂക്കളം ഉണ്ടാക്കാം….;ആദിയും കൂട്ടുക്കാരും വളരെ സന്തോഷത്തോടെ സ്കൂളിന്റെ മതിലിനോട് ചേർന്നുള്ള തെങ്ങിൽ തോട്ടത്തിലും
അതി നടത്തുള്ള
കാലിത്തൊഴുത്തിനടത്തും
തൊടിയിലും പാടത്തും
മതിലിലും മരക്കൊമ്പിലും ആയി
” നീണ്ട കമ്പിന്റെ അറ്റത്ത് ബ്ലേഡ് കെട്ടിയിട്ട് അവർ
നടന്നും ഓടിയും ഞെട്ടറ്റ് വീഴുന്ന പുക്കളെല്ലാം
ശബ്ദമുണ്ടാക്കാതെയായിരുന്നു അവരുടെ പൂ പറിക്കൽ.

കുറഞ്ഞ സമയത്തിൽ ആവശ്യത്തിലധികംപൂക്കൽ ഒറ്റയടിക്ക് കിട്ടിയ ആഹ്ലാദത്തിൽ അവരെല്ലാവരും മത്സരം നടക്കുന്ന ടത്തേക്ക് ഓടി വന്നു..!!!

” ശേഖരിച്ച പൂക്കൾ മായി വരുന്ന ആദിയെ കണ്ടപ്പോൾ 6A യിൽ പഠിക്കുന്ന ശിവന് ചിരിയാണ് വന്നത് .

അയ്യേ …., പൂവ് വാങ്ങാൻ കാശില്ലെങ്കിൽ ഇങ്ങനെയൊക്കെ ചെയ്യാമോ..
ഞങ്ങളേ കിലോക്കണക്കിന്, പൂവാ.. കടയിൽ നിന്നും വാങ്ങിച്ചു വെച്ചിരിക്കുന്നത്.
ഇപ്രാവശ്യം എല്ലാത്തവണത്തെയും പോലെ ഫസ്റ്റ് ഞങ്ങൾക്കുള്ളതാണ് ഇത് കൊണ്ട് പോയി നാണംകെടണ്ടെങ്കിൽ മത്സരത്തിൽ പങ്കെടുക്കേണ്ടാട്ടോ…”
ഇത്രയും പറഞ്ഞ് കളിയാക്കി ശിവ സ്ഥലംവിട്ടു .

ആദിയും അതൊന്നും കാര്യമാക്കിയില്ല.
കയ്യിലുള്ള പൂക്കൾ മായി ക്ലാസ്സിലേക്ക് ചെന്നു..!

എല്ലാവരും അവരവർ ശേഖരിച്ച പൂക്കൾ എല്ലാം ഒരു മിച്ച് വച്ചു .

പൂക്കളം ഇടാൻ എല്ലാം അരിഞ്ഞു എടുത്തു വച്ചു…!!!

“….സ്കൂളിന്റെ കിഴക്കേ മൂലയിൽ നിന്ന് വയസ്സൻ മൈക്ക് വിറച്ചു വിറച്ച് സംസാരിക്കാൻ തുടങ്ങി.
” കുട്ടികളെ ഇപ്പോൾ സമയം പത്തുമണി
പൂക്കൾ മത്സരം ഇതാ ആരംഭിക്കുന്നു. പന്ത്രണ്ട് മണി വരെയാണ് നിങ്ങൾക്കുള്ള സമയം..’
വിജയികളെ കാത്ത് ഒരുപാട് സമ്മാനങ്ങൾ കാത്തിരിക്കുന്നുണ്ട്.

കുട്ടികൾ എല്ലാവരും ആവേശത്തോടെ പൂക്കൾ ഇടാൻ തുടങ്ങി ഒന്നാം സ്ഥാനത്തിൽ കുറഞ്ഞതൊന്നും ആരും ആഗ്രഹിച്ചില്ല
മത്സരം അതിന്റെ അവസാനഘട്ടത്തിലേക്ക് എത്തി. പന്ത്രണ്ട് മണിക്ക് മുഴങ്ങിയ ബെല്ലോടുകൂടി മത്സരം അതിന്റെ സമാപ്‌തിയിൽ എത്തി .
ആദിയും കൂട്ടുകാരും നിറഞ്ഞ മനസോടെ അവർ ഇട്ട പുക്കളത്തിന്റെ ചുറ്റും നിരന്ന് നിന്നു.

പൂക്കളങ്ങൾക്ക് മാർക്കിടാൻ ആയി അമ്മു ടീച്ചറും നന്ദൻ മാഷും ഹർഷൻ മാഷും അവരുടെ പൂക്കളത്തിന്റെ അരികിലെത്തി.
കോടതിയിലെ ജഡ്ജിയുടെ ഗൗരവത്തോടുകൂടി അവരെയും അവർ ഇട്ട പൂക്കളത്തെയും എല്ലാം അടിമുടി നിരീക്ഷിച്ചു….!

ഞങ്ങൾക്ക് തന്നെ ഫസ്റ്റ് എന്നുറപ്പിച്ചു ശിവനും കൂട്ടരും മൈക് പോയിന്റ് അടുത്ത സ്ഥാനമുറപ്പിച്ചു.
ഒന്നാം സ്ഥാനക്കാർക്ക് ഉള്ള തിളങ്ങുന്ന കല്ല് പതിപ്പിച്ച ട്രോഫി തന്നെ നോക്കി ചിരിക്കുന്നതായി അവനു തോന്നി.

നന്ദൻ മാഷ് മൈക്ക് കയ്യിലെടുത്തു