ഒരു ഓണക്കാലം [ഇന്ദു] 177

എന്നതായും പോലെ അവിടെ നിന്ന് ബസ് സ്റ്റോപ്പ്‌ വരെ ഓട്ടം പതിവാണ് . ഒടുവിൽ ബസ് ഇറങ്ങി വീട്ടിലേക് എത്തിയിട്ടെ ആ ഓട്ടം നില്ക്കു . അമ്മ വന്ന ഉടൻ മൂത്തവൾ അശ്വതി കട്ടൻ ചായയും ആയി നില്കും. “അനു എവിടെ മോളെ” “അവൾ അത്തപൂവിടാൻ പൂ പറിക്കാൻ പോയി അമ്മേ..” അപ്പോഴേക്കും പൂവുമായി അനു കേറി വന്നു “അമ്മേ നമ്മുക്ക് ഓണാക്കോടി എടുക്കാൻ പോകണ്ടേ നല്ല തിരക്ക് ഉണ്ട് എല്ലാകടയിലും.. എന്ത് എല്ലാം ഭംഗി ആണ് ഇപ്പോ തുണികൾ.”
” നീ ഇപ്പോ പോയി പഠിക് പിന്നെ പോകാം കടയിൽ” ബാനു പറഞ്ഞു .. ചന്ദ്രൻ മരിച്ചതിൽ പിന്നെ ബാനു ആണ് വീട്ടിലെ എല്ലാം നോക്കുന്നത്.

അങ്ങനെ ദിവസങ്ങൾ കടന്നു പോയി. “നാളെ അമ്മക് നേരത്ത പോകണം സാറിന്റെ വീട്ടിൽ നാളെ ഗസ്റ്റ് വരുണ്ട് ഓണസദ്യ ഉണ്ടാകണം..”
” അമ്മേ അപ്പോ പായസം ഒക്കെ ഉണ്ടോ നല്ല രസം ആയേരിക്കും അല്ലെ നമുക്ക് ഇവിടെ ഓണാക്കോടി പോലുമില്ല” അനു വിഷമത്തോടെ പറഞ്ഞു
“പിന്നെ എല്ലാം കാണും ഉപ്പേരി ചിപ്പസ്‌ പായസം എല്ലാം സൂപ്പർ ആയിരിക്കും”
അശ്വതി ചിരിച്ചുകൊണ്ട് പറഞ്ഞു. “പണം ഉള്ളവർക്കു ആണ് ഇപ്പോ ഓണം പിള്ളേരെ നിങ്ങൾ ഇപ്പോ കിടന്ന് ഉറങ്ങു എനിക്ക് രാവിലെ പോകണം അടുത്ത ഓണം നമുക്ക് എല്ലാം വാങ്ങാം ..”
ബാനു എന്നതിനേക്കാൾ രാവിലെ എഴുനേറ്റു ഒരു വിധത്തിൽ ഒന്നു ഒരുങ്ങി. ഇന്നു നേരത്തെ എത്തണം സർ പ്രതേകം പറഞ്ഞത് ആണ്.

പതിവിലും നേരത്ത അവൾ വീട്ടിൽ നിന്ന് ഇറങ്ങി. ബസ് നേരത്തെ വന്നു. “ദൈവമെ കാക്ക ഇന്നു മലർന്ന് പറക്കും ബാനു ചേച്ചി നേരത്തെ ഇറങ്ങി അല്ലോ ” കണ്ടക്ടർ വേണു ചിരിച്ചോണ്ട് പറഞ്ഞു “കളിയാക്കാതെ വേണു ജീവിത പ്രശ്നം അല്ലെ” എന്ന് പറഞ്ഞു ബാനു ഉള്ളിൽ കയറി ഇരുന്നു, പുറത്തേക്കു നോക്കി കാഴ്ചകൾ നോക്കിയെങ്കിലും മനസ്സിൽ മുഴുവൻ കുട്ടികളെ മുഖമായിരുന്നു പാവങ്ങൾ അവർക്കും കാണില്ലേ നല്ല കുപ്പായം ഒക്കെ ഇട്ടു നല്ല സദ്യ ഒകെ കഴിക്കാൻ മോഹം. അപ്പോഴേക്കും ബസ് അവൾക്കുള്ള സ്റ്റോപ്പിൽ എത്തിച്ചേർന്നു
ബസ് ഇറങ്ങി അവൾ ഓടി “ഗുഡ് മോർണിംഗ് സർ..” “ഹാ ഗുഡ് ഇന്നു നേരത്തെ ആണെലോ.. ഞാൻ ഇനി ഒന്നും പറയണ്ടാലോ എല്ലാം അതിന്റടതായ രീതിയിൽ വേണം ഒന്നിനും ഒരു കുറവ് വരരുത് എല്ലാം ഉച്ചക്ക് മുൻപ് റെഡി ആകണം കേട്ടോ “രവി ചിരിച്ചു കൊണ്ട് പറഞ്ഞു
“ശരി സർ “അവൾ മറുപടി നൽകി. അവൾ തന്റെ ജോലികൾ തുടങ്ങി കുറച്ചു കഴിഞ്ഞു ആശ അടുക്കളയിൽ വന്നു “ബാനു പായസം മൂന്ന് എണ്ണം വേണം കുറച്ചു കൂടുതൽ വെച്ചോളൂ കേട്ടോ.. ഒന്നും കഴിച്ചില്ല എങ്കിലും കാണുമ്പോ ഒരു കുറവ് വേണ്ട.”
“ശരി മാഡം” അവൾ പറഞ്ഞു.
അവൾ ഓരോന്ന് ആയി വെയ്ക്കാൻ തുടങ്ങി ബാനുവിനു നല്ല കൈപുണ്യം ആണ്

പച്ചടി, കിച്ചടി, തോരൻ അവിയൽ, കൂട്ടുകറി സാമ്പാർ പരിപ്പ് തുടങ്ങി രസം പുളിശ്ശേരി പായസം മൂന്നിനം എല്ലാം ഉച്ചക്ക് മുൻപ് ടേബിളിൽ റെഡിയാക്കി വച്ചു. എല്ലാം ശെരി ആക്കണേ എന്ന് പ്രാർത്ഥിച്ചു. ഗസ്റ്റ് എല്ലാം വന്നു പുറത്ത് കളിയും ചിരിയും ബഹളം തന്നേയായിരുന്നു. എല്ലാവരും കഴിച്ചു കഴിഞ്ഞു പതിവ് പോലെ കളയാൻ അന്നും ആഹാരം ബാക്കിയായി. ഇടക് ആശ വന്നു പറഞ്ഞു “എല്ലാം നല്ലതു ആയിരുന്നു ബാനു. ഇനി താൻ കഴിച്ചോളൂ. നാളെ തിരുഓണം അല്ലെ ഇവിടെ എല്ലാം വൃത്തിയാക്കി കഴുകിട് പോയാൽ മതി കേട്ടോ.”
ശരി എന്ന് ബാനു പറഞ്ഞു എങ്കിലും മനസ്സിൽ ആകെ വിഷമം ആയിരുന്നു കാരണം വീട്ടിൽ തനിച്ചാകുന്ന കുട്ടികളെ ഓർത്തു. ഒരു അല്പം ചോറ് രസംകൂടി അവൾ കഴിച്ചു തന്റെ കുട്ടികൾക്കു ഇല്ലാത്ത സദ്യ തനിക്കും വേണ്ട എന്ന് അവൾ മനസ്സിൽ കരുതി. ഗസ്റ്റ്‌ എല്ലാം പോയി വീട് വൃത്തിയാക്കി കഴുകി അവൾ ഇറങ്ങി മനസ്സിൽ തന്നെ കാത്തിരിക്കുന്ന കുട്ടികൾ ആയിരുന്നു.കൈയ്യിൽ ഒന്നുമില്ലാതെ കേറി ചെല്ലുമ്പോൾ അവർ വിഷമിക്കും അത് ഓർത്തു ബാനുവിന്റെ മനസ്സിൽ ഒരു വിങ്ങൽ.