ഒരു ബോബൻ പ്രണയം
Oru Boban Pranayam by Shabna Shabna Felix
“ടീ ഇങ്ങ്ട് കേറി കിടക്കടീ….
അടുത്ത തവണ സമാധാനം ഉണ്ടാക്കാം … ഒന്നു നേരം വെളുത്തോട്ടെ ……” ദേ .. മര്യാദക്ക് അടങ്ങി കിടക്കണ് ണ്ടാ..
ഞാന്‍ താഴെ കെടന്നോളാം .. എന്നെ പറ്റിച്ചില്ലേ ഇങ്ങ്ള്… എല്ലാരുടേം മുന്നില്‍ നാണം കെടുത്തീലേ…നാളെ ഞാന്‍ അപ്പുറത്തെ ലൈലേൻ്റെ മോത്തെങ്ങനെ നോക്കും” അവള്‍ മൂക്ക് പിഴിഞ്ഞു കരഞ്ഞോണ്ടിരുന്നു….
കരച്ചില്‍ കണ്ടാ തോന്നും അവള്ടെ ഉപ്പ മയ്യത്തായീന്ന് … ഒരൊറ്റ ചവിട്ട് വെച്ച് കൊടുക്കാന്‍ തോന്നണ്.. പക്ഷേ ആ സാഹസം വേണ്ട … അടിതട പഠിച്ചുട്ടുണ്ടെന്ന് കഴിഞ്ഞ തവണ അവളുടെ ചെവി തിരുമ്മാൻ ചെന്നപ്പോള്‍ പിടി കിട്ടി ..
അടിച്ചു പരത്തി കളഞ്ഞു മൂക്ക് …
എല്ലാം പെട്ടെന്ന് ആയിരുന്നു …
അതും കഴിഞ്ഞു അവളുടെ ഒരു സോറി …
കെട്ടിയവനാണെന്ന് മറന്ന് പോയീന്ന്….
പെണ്ണ് കാണാന്‍ ചെന്നപ്പോള്‍ … പെണ്ണിനോട് കുശലം ചോദിക്കാന്‍ കാരണവൻമാര് റാൻ മൂളിയപ്പോ വിറച്ച് വിറച്ചു ചെന്ന തന്നോട് ഒരൊറ്റ ചോദ്യം …
ബോബനെ ഇഷ്ടാണോ?
ചോദ്യം കേട്ടപ്പോള്‍ പെട്ടെന്ന് ചോദിച്ചു പോയി … എന്താന്ന് ?
“ബോബനെ ഇഷ്ടാണോ”
ചോദ്യം ആവർത്തിക്കുന്നു..
ചിന്തയില്‍ ആദ്യം ഓടി വന്നത് ബോബനേം മോളിയേം ആണ് ..പിന്നെ ഒരു ബോബൻ ..
നാട്ടിലെ ബാർബർ… അയാളെ ഇഷ്ടാണെന്നോ ?
പിന്നെ ഒരെണ്ണം തന്റെ ചങ്ങാതി ബോബൻ .. പടച്ചോനേ ഒന്നാന്തരം കോഴിയാ ….
അവനിവളേം …..
ചിന്തയില്‍ പല തരം സീനുകൾ മിന്നി മാഞ്ഞു ബോധം മറഞ്ഞു നിൽക്കുമ്പോ വീണ്ടും കിളിനാദം…
നമ്മുടെ കുഞ്ചാക്കോ ബോബനേയ്…..
അത് കേട്ടപ്പോള്‍ അത് വരെ മേലോട്ട് കേറിയ ശ്വാസം വണ്ടി പിടിച്ചു താഴോട്ട് പോന്നു …
“പിന്നില്ലേ… റൊമാൻ്റിക് ഹീറോ…” പറഞ്ഞൊപ്പിച്ചതും .. പിന്നെ കേട്ടത് ഹീറോയുടെ വർണനയാണ്..
മുറിയില്‍ മതിലില്‍ നിറഞ്ഞു നിൽക്കുന്നു ബോബൻ്റെ ചിത്രങ്ങള്‍ …
എല്ലാം കണ്ടും കേട്ടും ബ്ളിങ്കസി അടിച്ചു നിൽക്കുമ്പോ കേട്ടു പതിഞ്ഞ സ്വരത്തില്‍ ഒരു ഡയലോഗ് ..
“ഇങ്ങളെ എനിക്കിഷ്ടായിട്ടോ .. ബോബൻ്റെ തല പോലെയാ ഇങ്ങടേം……”
തീർന്നു … അതോടെ എല്ലാം ..
പക്ഷേ അവളെ നോക്കി ഇഷ്ടമില്ലാന്ന് പറയാന്‍ നാവു പൊങ്ങീല്ല…
അവളടുത്ത് വന്നപ്പോള്‍ മൂക്കിലടിച്ച അത്തറിൻ്റെ മണം … ഹാ….
അന്ന് ആ അത്തറിൽ മയങ്ങീത് ഇപ്പോ ദാണ്ടേ തന്റെ മുറിയില്‍ താഴെ കിടക്കുന്നു ..
അവളുടെ വീട്ടുകാര്‍ ചെവിയില്‍ പണ്ട് അടക്കം പറഞ്ഞു
പെണ്ണിന് കുഴ�പ്പമൊന്നുമില്ല ബോബൻ ന്ന് വെച്ചാ പ്രാന്താ….
അന്ന് തൊട്ട് തുടങ്ങിയതാ……
എത്ര തവണ കണ്ടാലും മതിവരൂല്ല..
ബോബൻ്റെ സിനിമ കാണിക്കാന്‍ കൊണ്ട് പോയിട്ട് വഴിയില്‍ ഒരു കൂട്ടുകാരനേം ഭാര്യയേം കണ്ടപ്പോള്‍ അവരുടെ പിന്നാലെ മണം പിടിച്ചു പോയി ..പാവം അവന്റെ ഭാര്യ തന്റെ പഴേ പഴേ ലൈനായിരുന്നു….