ഓണം ഇനിയും മരിക്കാത്ത ഓണം [Aadhi] 1519

കുറച്ചു ദിവസങ്ങൾക്ക് ശേഷം പേപ്പറിൽ ഫോട്ടോ കാണിച്ചു തന്നു ആരോ പറഞ്ഞപ്പോൾ ആണ് അന്നാ വാഹനമോടിച്ച ആളെ ഞാൻ തിരിച്ചറിയുന്നത്. ഒരിക്കൽ അവളുടെ കൂട്ടുകാരുടെ കൂടെ അവനും ഇവിടെ വന്നിരുന്നു..എന്റെ കയ്യിൽ നിന്നും ഭക്ഷണം വാങ്ങിക്കഴിച്ചിരുന്നു.. ഒരുപാട് തമാശകൾ പറഞ്ഞിരുന്നു.. അവളെ പോലെ തന്നെ എന്നെ ഉമ്മാ എന്ന് വിളിച്ചിരുന്നു.. ആ അവനൊരിക്കലും എന്റെ മോളെ ഇല്ലാതാക്കാൻ കഴിയുമെന്ന് ഞാൻ വിശ്വസിച്ചില്ല.. പിന്നീടൊരിക്കൽ അവൻ ഫോൺ വിളിച്ചു, അറിയാതെ പറ്റിപ്പോയതാണുമ്മാ.. അവളെന്റെ പെങ്ങളെപ്പോലെ തന്നെയല്ലേ എന്ന് ചോദിച്ചപ്പോൾ എനിക്കത് ഉറപ്പാവുകയും ചെയ്തു.. അല്ലെങ്കിലും ഇനിയുള്ള കാലം അവളിരുന്ന സ്ഥലങ്ങൾ ഒഴിഞ്ഞു കിടക്കുന്നത് കണ്ടുകൊണ്ട് പഠിക്കുന്നത് തന്നെയല്ലേ അവർക്ക് കിട്ടാനുള്ള ഏറ്റവും വലിയ ശിക്ഷയും.. അതുകൊണ്ടു തന്നെയാണ് കേസിനും കാര്യങ്ങൾക്കും ഒന്നും പോവാതെ എല്ലാം ഞങ്ങളുടെ വിധി എന്നോർത്ത് ഞങ്ങൾ കഴിഞ്ഞത്..

ഞാൻ ഒരുപാട് എഴുതിയല്ലേ.. ഞാൻ പറഞ്ഞില്ലേ.. എനിക്ക് കത്തെഴുതി ശീലമില്ലാത്തതാണ്.. എനിക്ക് സാറിനോട് ഇതേ പറയാനുള്ളൂ… സാർ ഇപ്രാവശ്യം ഓണാഘോഷം എന്റെ മോൾക്ക് വേണ്ടി മാറ്റി വെക്കരുത്..അങ്ങനെ മാറ്റി വെച്ചാൽ, അവളുടെ കൂട്ടുകാർക്ക് സങ്കടമാവും… അത് കണ്ടാൽ അവൾക്കും.. ഒരുപാട് നല്ല ഓർമ്മകൾ നൽകിയ അവളുടെ കൂട്ടുകാരുടെ, ആ കോളേജിലെ  അവസാന ഓണാഘോഷം, അവരുടെ കൂടെയില്ലെങ്കിലും ഒരു കാണാമറയത്തിരുന്നവൾ കാണട്ടെ… സന്തോഷിക്കട്ടെ…

സാർ അതിനവരെ അനുവദിക്കണം..

എന്ന്,

നിര്ഭാഗ്യവതിയായ ഒരമ്മ ’