ഓണക്കല്യാണം [ആദിദേവ്] 228

“ഏട്ടാ…”

“എന്താ മോളേ?”

“ഏട്ടാ അത്…”

അവൾ കിടന്ന് വിക്കി.

“നീ ധൈര്യമായിട്ട് പറ പെണ്ണേ…”

ഞാനവൾക്ക് ധൈര്യം പകർന്നു.

“അതേ…അതില്ലേ…നമുക്ക് ..നമുക്ക് ഹരിയേട്ടനെക്കൂടി വിളിച്ചാലോ?”

“ആ അതുപറ!? ചുമ്മാതല്ല പെണ്ണ് കിടന്ന് വിക്കിയത്…”

“ആരാ ഏട്ടാ ഈ ഹരിയേട്ടൻ?”

ഇതിനിടയിൽ കിച്ചുവിന് സംശയം.

“അത് കിച്ചൂ, ഹരി ഞങ്ങളുടെ അമ്മായീടെ മോനാ… ഇവളുമായി കല്യാണം ഉറപ്പിച്ച് വച്ചിരിക്കുന്നതാ. ഇവളുടെ പഠിപ്പ് കഴിഞ്ഞാൽ ഉടനെ കല്യാണം ഉണ്ടാവും. രണ്ടും തമ്മിൽ പണ്ടേ ഇഷ്ടത്തിലായിരുന്നു…”

“ആഹാ..?”

ഇതുകേട്ടതും രാജിയുടെ മുഖം നാണംകൊണ്ട് ചുവന്നുതുടുത്തു. ഞാൻ ഹരിയെ വിളിച്ച് റെഡി ആയി നിക്കാൻ പറഞ്ഞു. ഒരു പത്തു മിനിറ്റ് കൂടി മുന്നോട്ട് പോയാലേ അമ്മായിയുടെ വീടെത്തൂ. അങ്ങോട്ടേക്ക് പോകുന്ന വഴി ഞാൻ രാജിയെ ഒന്നുപറ്റിക്കാമെന്ന് കരുതി പറഞ്ഞു.

“രാജിമോളെ… നിങ്ങടെ കല്യാണം കഴിഞ്ഞില്ലല്ലോ.. അതോണ്ട് ഹരി കയറുമ്പോ ഞാൻ പിന്നിലേക്കിരിക്കാം. നീ ഫ്രണ്ടിൽ ഇരുന്നാമതി… റൊമാൻസ് അല്ലേലും നിനക്കിഷ്ടമല്ലല്ലോ…??”

അവളുച്ചക്ക് പറഞ്ഞത് ഞാൻ അവളോട് തിരിച്ചുപറഞ്ഞു.

“പകപോക്കുവാണല്ലേ? കഷ്ടണ്ട് ഏട്ടാ…ഞങ്ങടെ പ്രാക്ക് കിട്ടുംട്ടോ…?”

അയ്യോ വേണ്ടേ… നീ എവിടെയോ ഇരിക്ക്… ഇനി ഞങ്ങക്ക് പ്രാക്ക് കിട്ടണ്ട അല്ലെ കിച്ചൂ?

ഇതുംപറഞ്ഞ് ഞാൻ കിച്ചുവിന്റെ തുടയിൽ കൈ വച്ചു. അവൾ പതിയെ കയ്യെടുത്ത് മാറ്റി എന്നെ നോക്കി കണ്ണുരുട്ടി.