നിർഭയം [AK] 360

എന്താടാ ചെവി കേട്ടൂടെ നായെ…ഇന്നെന്താടാ നേരത്തിനും കാലത്തും പത്രവിടാത്തെ..

അവിടെ നിന്ന് കൊണ്ട് തന്നെ അവൻ ചൊറിഞ്ഞു…ഇതൊരു മാതിരി രാവിലെ തന്നെ… എത്ര അടക്കി വെച്ചാലും തന്നെ നിയന്ത്രിക്കാനാവില്ലെന്ന് അറിയാം.. ന്നാലും… അവന്റെ അടിനാഭി നോക്കി ഒരു പിടിത്തമങ്ങു പിടിച്ചു…

എടാ പോടാ നായെ ന്നൊക്കെ നിന്റെ അപ്പനെ പോയി വിളിയെടാ #€¥#**& മോനെ…

അവന്റെ കണ്ണിൽ നിന്ന് പൊന്നീച്ച പാറുന്നത് കാണാൻ കഴിയുന്നുണ്ടായിരുന്നു… മെല്ലെ പിടുത്തം വിട്ടതിനു ശേഷം അവിടെ നിന്നും വണ്ടി എടുക്കുന്നതിനു മുന്നേ കുറ്റിച്ചൂലും പിടിച്ചു നിൽക്കുന്നവളെ നോക്കിയപ്പോൾ അവളുടെ സിന്ദൂരവും ആ നിറഞ്ഞ കണ്ണുകളും കാണുവാനിടയായി.. അധികനേരം നിൽക്കാതെ മെല്ലെ വണ്ടി ചവിട്ടി വിട്ടു…

കോപ്പ്… വേണ്ടായിരുന്നു… കണ്ട്രോൾ പോയി…

ഈ സ്വഭാവം മാറ്റാൻ കുറെ ആയി പാടു പെടുന്നു… കുറച്ച് കാലമായി വലിയ പ്രശ്നമൊന്നും ഇല്ലാരുന്നു… സമാധാനത്തിന്റെ വെള്ളരിപ്രാവായി താൻ മാറിയെന്നു എല്ലാവരെയും വിശ്വസിപ്പിച്ചിരുന്നു… ഇനി ഇതിന്റെ പേരിൽ എന്തൊക്കെ ഉണ്ടാകുമോ ന്തോ…

വീട്ടിൽ കേറിയപ്പോഴും ആ നിറഞ്ഞ കണ്ണുകൾ മനസ്സിലുണ്ടായിരുന്നു… താൻ കാരണം ഒരുവൾ വേദനിച്ചിരിക്കുന്നു… ഓ പിന്നെ… അവനു വേണമായിരുന്നു… ആവശ്യമില്ലാതെ ഇങ്ങോട്ടു കേറി വന്നതല്ലേ…

അമ്മയെ ചുറ്റി അടുക്കളയിൽ ചുമ്മാ നിന്നപ്പോൾ തന്നെ പുള്ളിക്കാരത്തിക്ക് എന്തോ ഡൌട്ട് അടിച്ചെന്ന് തോന്നുന്നു… എന്തെങ്കിലും ചോദിക്കുന്നതിനു മുന്നേ അങ്ങോട്ട് ചോദിച്ചു..

അമ്മേ… ഇന്നലെ മുല്ലശ്ശേരി വീടിനെ കുറിച്ച് എന്തോ പറയുന്നുണ്ടായിരുന്നല്ലോ.. ന്താ അത്‌..

ചെറിയൊരു സംശയത്തോടെ അമ്മ എന്നെ നോക്കി…

അത്‌ അവിടത്തെ ചെക്കനേം ഭാര്യേം കുറിച്ചാണ്.. ആ പെൺകുട്ടീടെ കാര്യം കഷ്ടണത്രെ…

ന്താണാവോ ഇത്ര കഷ്ടം…

ആ കൊച്ച് നല്ലോണം അനുഭവിക്കാനൊണ്ടത്രേ… ആ ചെക്കൻ കള്ളും കഞ്ചാവും ഒക്കെ ണ്ടെന്നാ കേട്ടത്.. ദിവസോം ആ കുട്ടീനെ ഉപദ്രവിക്കും ന്നാണ് രാജി ഇന്നലെ പറഞ്ഞെ… ഏതോ പാവം കുട്ടിയാണ്.. തിരിച്ചൊന്നും പറയെ ചെയ്യേ ഇല്ലെന്ന് .. അവൻ നന്നാവാൻ വേണ്ടീട്ട് വീട്ടുകാര് നല്ലൊരു കൊച്ചിനെ കണ്ടുപിടിച്ചതാ… പക്ഷെ ഏതോ കഷ്ടപാടുള്ള വീട്ടിലെ കുട്ടിയാണ്… അവളുടെ ജീവിതം പോയി…നിന്നെക്കാൾ രണ്ടു മൂന്ന് വയസ്സിനു എളേതാണ് ആ കൊച്ചെന്ന് പറയണ കേട്ടു…

അവനെ നന്നാക്കാൻ അവളെന്താ വല്ല… വാക്കുകൾ മുഴുവനാക്കാതെ നിർത്തേണ്ടിവന്നു..