മാവേലി ഇൻ ക്വാറന്റൈൻ [ആദിദേവ്] 116

“കൊറോണയെന്നോ കോവിഡെന്നോ ഒക്കെ പറയുന്നത് കേട്ടു.?”

“ആഹ് ബെസ്റ്റ്…? അവനൊരുത്തൻ കാരണമാണ് ഞാനും ഈ ഗതിയായത്… മാസ്‌കില്ലാതെ ആർക്കും വെളിയിലെറങ്ങാൻ പറ്റാത്ത അവസ്ഥ ആയെന്നേ.. എന്റെ പ്രജകളെ നേരെ ചൊവ്വേ ഒന്നു കാണാൻ പോലും പറ്റിയില്ല…?”

“എന്തായാലും ഇത്തവണ ഓണം നമുക്കൊന്നിച്ചാഘോഷിക്കാം…”

“അങ്ങനെയാവട്ടെ..”

തിരുവോണ നാളിലും അവിട്ടം, ചതയം നാളുകളിലും ഒക്കെത്തന്നെ മന്നൻ വാമനനോടൊപ്പം ഓണം ആഘോഷിച്ചു. അങ്ങനെ 7 ദിവസത്തെ ക്വാറന്റൈൻ പൂർത്തിയാക്കി വാമനനും മാവേലിയും വഴിപിരിഞ്ഞു. മാവേലിയെ യമലോകത്തേക്ക് യമാരാജൻ നേരിട്ടുതന്നെ സ്വീകരിച്ചു. ഒന്നിച്ച് കുറച്ചു സമയം ചിലവഴിച്ച് മാവേലി തന്റെ വില്ലയിലേക്ക് പോയി.

ഒരാഴ്ച്ച കഴിഞ്ഞതും മന്നന് കലശലായ പനിയും ശ്വാസതടസവും തൊണ്ടവേദനയും അനുഭവപ്പെട്ടുതുടങ്ങി. പുള്ളിയെ ആസ്പത്രിയിലേക്ക് മാറ്റി. വിശദമായ പരിശോധനയിൽ മാവേലി കോവിഡ് പോസിറ്റീവ് ആണെന്ന് സ്ഥിതീകരിച്ചു. യമരാജനും പോത്തുകളുമെല്ലാം നിരീക്ഷണത്തിൽ പോയി. ‘സീറോ കോവിഡ് ‘ എന്ന് അഹങ്കരിച്ചിരുന്ന പാതാളത്തിലും അവിടവിടായി കോവിഡ് സ്ഥിതീകരിച്ചുതുടങ്ങി. വാമനനും കോവിഡ് പോസിറ്റീവ് ആണെന്നാണ് അറിയാൻ കഴിഞ്ഞത്. അങ്ങനെ മസ്‌കും ഗ്ലൗസും ഉപയോഗിക്കാത്തതിനാലും സാമൂഹിക അകലം പാലിക്കാത്തതിനാലും മാവേലി മന്നൻ ഈ ഓണക്കാലം നല്ലതുപോലെ പശ്ചാത്തപിച്ചു. അടുത്ത ഓണക്കാലത്തെങ്കിലും തന്റെ പ്രജകൾ ഈ മഹമാരിയിൽനിന്ന് രക്ഷനേടുമെന്നും പൂർവാധികം ഭംഗിയായി ഓണം കൊണ്ടാടുമെന്നും അദ്ദേഹം ഉറച്ചു വിശ്വസിച്ചു. നല്ലൊരു നാളേക്കായി പ്രത്യാശിച്ചു. അടുത്ത ഓണത്തിനായി അദ്ദേഹം അക്ഷമനായി കാത്തിരുന്നു…

വാൽക്കഷ്ണം : നിങ്ങളും ഇതേ തെറ്റ് ആവർത്തിക്കാതിരിക്കുക. മാസ്കും ഗ്ലൗസും ശീലമാക്കുക. സാമൂഹിക അകലം പാലിക്കുക. കൈ കഴുകുന്നത് ശീലമാക്കാം. തിക്കും തിരക്കും കൂട്ടങ്ങളും ഒഴിവാക്കാം. എത്ര തന്നെ പ്രധാനമാണെങ്കിലും ഇത്തവണ പുറത്തുള്ള ആഘോഷങ്ങൾ ഒഴിവാക്കാം.. കുട്ടികളും പ്രായമായവരും വീടുകളിൽതന്നെ ഇരിക്കുക. ഓണം നിങ്ങളുടെ കുടുംബാംഗങ്ങളുടെ ഒപ്പം ആഘോഷിക്കാം… അപ്പൊ എല്ലാവർക്കും സ്നേഹത്തിന്റെയും ഐശ്വര്യത്തിന്റെയും ഒരുമയുടെയും സമൃദ്ധിയുടെയും ഒരായിരം ഓണാശംസകൾ…

ശുഭം..

© ആദിദേവ്‌